हिबरु 6:9 - मध्‍य पुरविया थारू

⁹ हे हमर पिरिय सङीसब, हमसब तोरासबके बारेमे अनङ बोललियै तैयो तोरासबसे असल बातके आसा करनेचियौ। तुसब मुक्‍ती पाबलहा लोकसबके करल कामसब जखा तुहुसब असल काम करैचिही।

हिबरु 6:9 ပူးပေါင်းရင်းမြစ်များ

मरकुस 16:16

बिस्‍बास करैबला आ बप्‍तिस्‍मा लैबलासब उदार पाबतै। महज बिस्‍बास नै करैबलासब दोसी ठहरतै।

परेरित 11:18

यि बात सुइनके परभुमे बिस्‍बास करैबला यहुदीसब पतरुसके दोस लगाइले छोइरदेल्‍कै आ परमेस्‍वरके परसन्‍सा करल्‍कै, “आब त परमेस्‍वर आनो जातीसबके पापसे पस्‍चाताप कैरके अनन्‍त जिबन पाबैके अबसर देने छै।”

परेरित 20:21

हम यहुदीसब आ गिरिकसब पस्‍चाताप कैरके परमेस्‍वर दिसन घुमे आ अपनासबके परभु येसु खिरिस्‍टमे बिस्‍बास करे से बातके चेताइने चियै।

१ कोरन्‍थी 10:14

तैखातिर, हे हमर पिरिय भाइ-भैयासब, मुरतिपुजासे दुरे रह।

२ कोरन्‍थी 12:19

भ्‍यासकैछै, हमसब यि सब आपन बचाबके लेल करैचियै कैहके आपन मनमे बिचार करैचिही। महज एहेन नै छै! पिरियसब, हमसब परमेस्‍वरके अगा खिरिस्‍टमे बोलैचियै। यि सबकाम तोरासबके बलगर बनाइके लेल करैचियौ।

२ कोरन्‍थी 7:1

अहैलेल हे हमर पिरिय सङीसब, परमेस्‍वर अपनासबके देल यि परतिग्‍या अनुसार देह आ आत्‍माके असुध बनाबैबला हर किसिमके बातसे अपनासब दुरे रह आ परमेस्‍वरके डर मानैत औरो पबितर हैत चल।

२ कोरन्‍थी 7:10

जे परमेस्‍वरके इक्‍छा सुइकार कैरके दुख मानैछै आ पस्‍चाताप करैछै, तकरा परमेस्‍वर बचेतै। एहेन किसिमसे दुखमे पछताइले नै परैछै। महज सन्‍सारके लोकसब जखा दुख मातरे करैछै त उ मिरतु दिसन लजाइछै।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

हिबरु 10:34

तुसब जहलमे परलहा लोकसबके दया देखाइलिही, आपन सम्‍पती लुटलगेलै तैयो खुसिसाथ सहन करलिही, कथिलेकी तुसब जानैछेल्‍ही, कि औरो उतम आ सबदिन रहैबला सम्‍पती आपनेसङे छै।

हिबरु 10:39

महज हमसब पछा हटैबला आ नास हैबला लोक नै चियै, हमसब त बिस्‍बास कैरके मुक्‍ती पाबैबला लोकसब चियै।

हिबरु 2:3

आब हमसब एहैन महान मुक्‍तीके वास्‍ता नै करबै त, अपनासब कनङके दन्‍डसे बाच्‍बै? यि मुक्‍तीके बारेमे सबसे पहिने परभु येसु आपनेसे परचार करल्‍कै आ ओकर बचन सुनैबलासब अपनासबके लेल पक्‍का परमानित कैरदेल्‍कै।

हिबरु 5:9

अनङकैरके परमेस्‍वर ओकरा सिध बनेलाके बाद ओकर आग्‍यापालन करैबला सबके लेल उ अनन्‍ततक रहैबला मुक्‍तीके मुल बन्‍लै।

हिबरु 6:10

तुसब परमेस्‍वरके लोकसबके सेबा कैरते परमेस्‍वर परती आपन परेम देखाइनेचिही आ अखुनो अहिनङ सेबा करैत आइबरहलचिही। परमेस्‍वर अनियाय नै करैछै। तोरासबके करल यि सेबा आ परेमके उ कहियो नै बिसरतै।

१ पतरुस 2:11

हे पिरिय भाइसब, यि सन्‍सारमे तुसब बिदेसी आ परदेसी जखा चिही। हम तोरासबके बिन्‍ती करैचियौ, देहके अधलाह इक्‍छासब पुरा करै दिसन नै लाग। एहेन परकारके इक्‍छासब तोरासबके आत्‍माके बिरोधमे उठतौ।

२ पतरुस 3:1

हे हमर पिरियसब, यि तोरासबके लेल लिखल दोसर चिठी चियौ। यि दुनु चिठीमे कतहेक बात सम्‍झना कराके तोरासबके ठिकसे बिचार करैके लेल उत्‍साहित करैले कोसिस करनेचियौ।

१ युहन्‍ना 2:7

पिरिय सङिसब, हम तोरासबके लबका आग्‍या नै, महज वह्‍या पुरन्‍के आग्‍या लिखैचियौ। जे सुरुवेसे चलल एल पुरन्‍का आग्‍या चियै। यि पुरन्‍का आग्‍या तोरासबके सुनलेहे बचन चियौ।

यहुदा 1:3

हे पिरिय भाइ-भैयासब, तोरासबके आ अपनासबके भेटल मुक्‍तीके बारेमे हमरा लिखैले बहौत बरका इक्‍छा छेलै, महज आब पबितर जनसबके सबदिनके लेल सोपल बिस्‍बासके रक्‍छा कर कैहके निबेदन करैले तोरासबके लिखैले हम आबसेक बुझलियै।