हिबरु 6:2 - मध्‍य पुरविया थारू

² बहुत किसिमके बप्‍तिस्‍माके बारेमे सिक्‍छा, हाथ राखैबला काम, मरलसे जियैबला बात आ कहियो खतम नै हैबला दन्‍डके बारेमे तोरासबके सिखाइते नै रहेपरतौ।

हिबरु 6:2 ပူးပေါင်းရင်းမြစ်များ

मतीके लिखल सुसमाचार 28:19

तहैलेल जो आ सब देसके लोकसबके चेला बना, पिता, पुतर आ पबितर आत्‍माके नाममे बप्‍तिस्‍मा दहै।

मतीके लिखल सुसमाचार 3:14

महज युहन्‍ना एहेन कहैत ओकरा रोकैले चाहल्‍कै, “कि अहाँ हमरसे लैले एलचियै? बरु हमरे अहाँसे बप्‍तिस्‍मा लेनाइ जरुरी छै।”

मरकुस 16:16

बिस्‍बास करैबला आ बप्‍तिस्‍मा लैबलासब उदार पाबतै। महज बिस्‍बास नै करैबलासब दोसी ठहरतै।

मरकुस 7:4

बजारसे एलाकेबाद अस्‍लान कैरके मातरे खाइछेलै। अतबे नै, औरो परम्‍परासब: थारी-बाटी, लोटा, भाड़-कुड़सब धोवेबला चलन छेलै।

मरकुस 7:8

तुसब परमेस्‍वरके आग्‍या छोइरके लोकसबके बन्‍याल चलन मानैचिही।”

लुका 11:38

महज खाइसे पहिने हाथ नै धुवाइत देखके उ फरिसी छक परलै।

लुका 12:50

एकटा दुखके बप्‍तिस्‍मा हमरा लैले परतै। जाबेतक हम उ बप्‍तिस्‍मा नै लेबै ताबेतक हमरा चैन नै हेतै।

लुका 14:14

तब तुसब आसिस पाबबिही, कथिलेत उसब तोहर गुन घुमाइले नै सक्‍तौ। ताब परमेस्‍वर आपन धरमी जनसब पुनरूथान हैतकाल तोरा इनाम देतौ।”

लुका 3:16

तब युहन्‍ना ओकरासबके जबाब देल्‍कै, “हम त तोरासबके पानीसे बप्‍तिस्‍मा दैचियौ, महज एक गोरा जे आइबरहल्‍छौ उ हमरोसे बरका छै, जकर हम जुताके फितो तक खोलैके जोकरके नै चियौ। उ तोरासबके पबितर आत्‍मा आ आइगसे बप्‍तिस्‍मा देतौ।

युहन्‍ना 1:33

साँचोके उ के चियै से हम नै चिन्‍है छेलियै, महज जे हमरा पानीसे बप्‍तिस्‍मा दैले पठाइल्‍कै ओह्‍या हमरा कहल्‍कै, जकर उपरमे पबितर आत्‍मा उतैरके बैठल देखबिही ओह्‍या पबितर आत्‍मासे बप्‍तिस्‍मा दैबलाहेतौ।

युहन्‍ना 5:29

आ चिहानसे बाहर निकैलके एतै। निक काम करैबलासब अनन्‍त जिबनके लेल आ दुस्‍ट काम करैबलासब अनन्‍त दन्‍डके लेल जि के उठतै।

परेरित 10:47

तब पतरुस कहल्‍कै, “योहो लोकसब हमरासब जखा पबितर आत्‍मा पाबलाके कारन आब यि लोकसबके पानीके बप्‍तिस्‍मा लैले के रोके सक्‍तै?”

परेरित 13:3

तब उपासे रैहके आ परथना कैरके उसब ओकरौरके उपर हाथ राइखके परथना कैरके पठादेल्‍कै।

परेरित 16:15

जब उ आ ओकर घरके सबलोक बप्‍तिस्‍मा लेल्‍कै आ हमरासबके आगरह करल्‍कै, “यदी अहाँसब साँचोके हमरा परभुके बिस्‍बासी कहैचियै त हमर घरमे आइबके रहु।” आ उ हमरासबके जबरजस्‍ती करेलाग्‍लै ताकि हमसब ओकर घरमे जाइ।

परेरित 16:33

तकरबाद तुरन्‍ते हाकिम पावल आ सिलासके लज्‍याके राइते ओइसबके घा-घौस धुया देल्‍कै। तब उ आ ओकर घरके लोकसब बप्‍तिस्‍मा लेल्‍कै।

परेरित 17:18

ओते इपिक्‍युरी आ स्‍तोइकी दारसनिकमेसे कुछ पावल सङे बाद-बिबाद करै। उसब कतहेक गोरा कहल्‍कै, “यि बर-बरहा कथी कहैछै?” औरोकोइ कहल्‍कै, “भैरसक यि कोनो लबका देबि-देउताके परचार करैछै!” कथिलेत पावल येसुके बारेमे आ उ मरके जि उठल छै तै बातके परचार करैछेलै।

परेरित 2:38

पतरुस ओइसबके कहल्‍कै, “पस्‍चाताप कर आ तोरौरके पापसे छमा पाबैके खातिर येसु खिरिस्‍टके नाममे तोरौरके सबकोइ बप्‍तिस्‍मा ले, तोरासबके पबितर आत्‍माके बरदान पाबबिही।

परेरित 2:41

तब जे-जे ओकर बातमे बिस्‍बास करल्‍कै, सेसब बप्‍तिस्‍मा लेल्‍कै आ ओहै दिन करिब तिन हजार लोक बिस्‍बासीसबके समुहमे थपेलै।

परेरित 23:6

जब पावल ओइ महासभामे सदुकी आ फरिसी दलके लोकसब छै से थाह पाबल्‍कै तब जोरसे कहल्‍कै, “हौ भाइ-भैयारीसब, हम फरिसीके बेटा फरिसीये चियै। मरल लोकसब फेनो जिबित हैछै तैमे बिस्‍बास करलाके कारन हमर यि उपर मुदा चैल रहल छै।”

परेरित 24:15

हम्‍हु उसब जखा परमेस्‍वरमे धरमी आ अधरमी दुनु मरलाके बाद फेनो जिबित हेतै तैमे आसा राखैचियै।

परेरित 24:21

केबल एकटा बातके मातरे दोस लगाइले सकैछै, कि हम उसबके बिचमे जोरसे कहने छेलियै ‘मरलसब फेनो जिबित हैछै तकर बिसयमे आइ हमर मुदा चैलरहल छै।’”

परेरित 24:25

जब पावल धरमी भ्‍याके काम करे परतै, आपन मनके बसमे राखे परतै आ आबैबला नियाइके बारेमे बोल्‍लै तब फेलिक्‍स डेरेलै आ कहल्‍कै, “अखुन जो, मौका मिल्‍तौ त हम फेनो तोरा बोलाइबौ।”

परेरित 26:8

परमेस्‍वर मरलहासबके जियाइछै तै बातमे अहाँसब कथिले बिस्‍बास नै करैचियै?

परेरित 4:2

उसब एकदम खिस्‍याल रहै, कथिलेत उ दुनुगोरा लोकसबके सिखाइछेलै आ घोसना करैछेलै कि येसु मुरदासे जिबित भ्‍याके उठाएल काम दुवारा औरो लोकसबसेहो मुरदासे जिबित भ्‍याके उठाएल जेतै।

परेरित 6:6

तकरबाद उसब ओइलोकसबके परेरितसबके सामने आनल्‍कै आ परेरितसब ओकरासबके उपर आपन-आपन हाथ राइखके परथना करल्‍कै।

रोमी 2:16

यि बातसब ओइ दिन हेतै जै दिन परमेस्‍वर हमर करल सुसमाचार परचार अनुसार येसु खिरिस्‍ट दुवारा लोकसबके हिरदयमे रहल गुप्‍त बातसबके नियाय करतै।

१ कोरन्‍थी 10:2

बादल ओइसबके रस्‍ता देखाइत ल्‍यागेलै आ उसब समुन्‍दरके बिच हैत मोसाके पछा गेलै आ यि उसबके लेल बप्‍तिस्‍मा ल्‍याल जखा भेलै।

१ कोरन्‍थी 12:13

हमसब चाहे यहुदी हेबे, चाहे गिरिक, चाहे दास हेबे, चाहे स्‍वतन्‍तर, सबकोइ एके पबितर आत्‍मासे बप्‍तिस्‍मा पाबनेचियै आ एके देह भेलचियै। तब अपनासबके एके पबितर आत्‍मा देनेछै।

२ कोरन्‍थी 5:10

कथिलेकी हम सबगोरा खिरिस्‍टके नियाय आसनके सामने खरा हैलेपरतै। ताकी हमसब अइ देहमे करल असल या खराब काम अनुसारके परतिफल पाब्‍बै।

फिलिप्‍पी 3:21

उ आपन सक्‍तीसे सब चिजके आपन अधिनमे लाबेसकैछै। ओकर यि सक्‍तीसे अपनासबके यि मैर जाइबला देहके ओकर आपन महिमाके देह जखा हैले परिबरतन कैरदेतै।

कलस्‍सी 2:12

कथिलेत बप्‍तिस्‍मा लैतखिना तुसब खिरिस्‍टसङे गारल गेल्‍ही आ मरलसे खिरिस्‍टके जियाइबला परमेस्‍वरके सक्‍तीमे बिस्‍बास करलाके कारनसे खिरिस्‍टसङे जिबित भेलचिही।

२ तिमोथी 2:18

उसब सच बातसे दुर भटकल घुरैछै। लोकसब मैरके जि उठैबला काम पैहने भ्‍यागेल्‍छै, कैहके कतहेक लोकके बिस्‍बासके बिगाइर देने छै।

हिबरु 11:35

जनिसब आपन पिरिय मरलहा लोकसबके पुनरुथान दुवारा फेनसे जिबित पाबल्‍कै। कतहेक लोक त मिरतुके बाद औरो असल जिबनके आसमे छुटकरा पाबैसे त बरु मिरतु सहैले रोजल्‍कै।

हिबरु 9:10

यि सब खाइ-पियैबला आ अनेक धारमिक बिधीसे सुध हैबला नियम मातरे छेलै। परमेस्‍वरके लया बेबस्‍था नै आबैतलिक करैबला धारमिक बिधी मातरे चियै।

२ पतरुस 3:7

महज ओह्‍या बचनसे नियाय हैबला दिनतकके लेल अकास आ पिरथिबीके आइगसे नास करैके लेल बचाके राखनेछै। अकरा वहे दिनके लेल राखनेछै जहिया अधरमी लोकसबके नियाय हेतै आ ओकरासबके नास करलजेतै।