हिबरु 5:5 - मध्‍य पुरविया थारू

⁵ खिरिस्‍ट सेहो परधान पुजारी हैबला आदर आपने नै लेल्‍कै, महज ओकरा यि कहैबला आदर देल्‍कै, “तु हमर पिरिय बेटा चिही आ आइ हम तोहर बाबु भेल चियौ।”

हिबरु 5:5 ပူးပေါင်းရင်းမြစ်များ

युहन्‍ना 3:16

कथिलेकी परमेस्‍वर सन्‍सारके लोकसबके एहेन परेम करल्‍कै कि उ आपन एकलौता बेटाके देल्‍कै। ओकर उपर बिस्‍बास करैबला नास नै हेतै, महज उ अनन्‍त जिबन पाबतै।

युहन्‍ना 7:18

जे कोइ आपन मनसे बोलैछै, उ आपने महिमा ताकैछै, महज जे अपना पठाइबलाके आदर खोजैछै, उ सत लोक चियै आ ओइमे कोनो कपट नै रहैछै।

युहन्‍ना 8:54

येसु ओइसबके जबाफ देल्‍कै, “यदी हम आपन आदर आपनेसे खोज्‍बै त ओकर कोनो अरथ नै हेतै, महज हमरा आदर करैबला हमर पिता छै जकरा तुसब ‘अपनासबके परमेस्‍वर’ कहैचिही।

परेरित 13:33

परमेस्‍वर येसुके मरलसे जियाके उ यि परतिग्‍या अपनासबके आ ओकरसबके धियापुताके खातिर पुरा करने छै। जनङ धरमसास्‍तरके भजनसङगरहके दोसर अध्‍यायमे लिखल छै, ‘तु हमर बेटा चिही, आइके दिन हम तोरा जलम देनेचियौ।’

रोमी 8:3

बेबस्‍था जे करैले नै सक्‍लै, से परमेस्‍वर करल्‍कै, कथिलेकी अपनासबके पापी स्‍वभाबके कारनसे बेबस्‍था कमजोर भेलै। परमेस्‍वर अपनासबके पापसे छुटकरा करैके लेल आपनेसब जखा आपन बेटाके देहमे पठेल्‍कै आ उ खिरिस्‍टके देहके बलिदान कैरके अपनासबके पापके नास करल्‍कै।

हिबरु 1:1

पहिन्‍का जुगमे परमेस्‍वर अपनासबके पिता पुरखासङे अगमबक्‍तासब दुवारा बहुत बेर आ बहुत किसीमसे बोलल छेलै।

हिबरु 1:5

परमेस्‍वर आपन बेटाके कहल्‍कै, “तु हमर दुलरुवा बेटा चिही, आइ हम तोहर बाबु भेल चियौ।” यि बात कोनो स्‍वरगदुतके परमेस्‍वर कहियो नै कहल्‍कै। उ आपन बेटाके बारेमे अनङ कहल्‍कै, “हम ओकर बाबु हेबै आ उ हमर बेटा हेतै।” यि बात कोनो स्‍वरगदुतसबके कहियो नै कहल्‍कै।

हिबरु 2:17

ओहैसे सब बातमे उ आपन भाइ-भैयासब जखा बनैले आबस्‍यक छेलै। ताकि उ परमेस्‍वरके सेबामे दयालु आ बिस्‍बासयोग्‍य परधान पुजारी बन्‍लै आ लोकसबके पाप छमा दैकेलेल उ आपने बली भेलै।

हिबरु 3:1

ओहैसे परमेस्‍वरके बोलाबट पाबलहा पबितर जनसब, तुसब आपन धियान येसुमे लगा, जकरा अपनासब परेरित आ परधान पुजारी कैहके सुइकार करैचियै।

हिबरु 5:10

परमेस्‍वर ओकरा मल्‍कीसेदेक जखा परधान पुजारीके पदमे नियुक्‍त करल्‍कै।