हिबरु 4:2 - मध्‍य पुरविया थारू

² कथिलेत अपनोसबके सेहो ओइसबके जखा सुसमाचार परचार करलगेलछै, महज उसब ओइ सुसमाचारमे बिस्‍बास नै करलाके कारन ओकरासबके कुछो फाइदा नै करल्‍कै।

हिबरु 4:2 ပူးပေါင်းရင်းမြစ်များ

परेरित 13:46

तब पावल आ बरनाबास साहस कैरके कहल्‍कै, “परमेस्‍वरके बचन सबसे पैहने तोरासबके सुनेनाइ जरुरी छेलै, महज तोरौरके सुनैले नै मानलिही। तोरौरके आपनके अनन्‍त जिबनके योगके नै मानैचिही। आब हमसब दोसर जातीके लोकसबके परमेस्‍वरके बचन सुनाबे जेबै।

परेरित 3:26

तैहनङे परमेस्‍वर आपन सेबक येसुके ठार कैरके सबसे पहिने अहैसब लग पठेल्‍कै जैसे उ ओइसबके पापके रस्‍तासे घुम्‍याके आसिस देल्‍कै।”

रोमी 2:25

यदि तुसब बेबस्‍था पालन करैचिही त खतना करल फाइदा हेतौ। महज तुसब बेबस्‍था पालन नै करैचिही त, तुसब खतना नै करैबला लोकसब जखा चिही।

रोमी 3:3

महज कतहेक गोरा बिस्‍बास योग्‍य नै भेलै त, कि भेलै? उसब बिस्‍बास योग्‍य नै भेलै त कि परमेस्‍वर आपन बचन पुरा नै करतै से?

१ कोरन्‍थी 13:3

यदि हम आपन सब धन-सम्‍पैत गरिबसबके बाइट देबै आ आपन देह सेहो जराइले देबै महज हमरमे परेम नै छै त, हमरा किछो फाइदा नै हेतै।

गलाती 3:2

हम तोरासबसे एकटा बात पुछैले चाहैचियौ, तुसब कनङके पबितर आत्‍मा पाबलिही? कि तुसब मोसाके बेबस्‍था पालन कैरके पबितर आत्‍मा पाबनेचिही? नै, महज तुसब सुसमाचार सुइनके बिस्‍बास करलासे पबितर आत्‍मा पाबनेचिही।

गलाती 3:8

परमेस्‍वर अबराहमके कहल्‍कै, “तोरेसे पिरथिबीके सब जातिके लोकसब आसिस पाबतै।” अनङ परमेस्‍वर गैर-यहुदीसबके बिस्‍बाससे धरमी ठहराइतै कैहके पबितर धरमसास्‍तर पहिनेसे असल समाचार सुनाइने छेलै।

गलाती 4:13

तोरासबके थाहे छौ, कि हम बिमार भेलाके कारन पहिन्‍का बेर तोरासबके सुसमाचार सुनाइले मौका पाबलियै।

१ थेसलोनिकी 1:5

कथिलेकी जे सुसमाचार हमसब सुनेलियै उ सब्‍द मातरे नै महज सक्‍तीके साथ, पबितर आत्‍माके साथ आ पुरे निस्‍चयताके साथ एलै। जखन हमसब तोरासबके सङे रहलियै त केहेन चालचलनके जिबन जिलियै से तोरासबके थाहे छौ।

१ थेसलोनिकी 2:13

हमसब परमेस्‍वरके धन्‍यबाद चरहाइते रहैचियै, कथिलेकी जै परमेस्‍वरके सत बचन हमसब तोरासबके सुनेलियौ तुसब उ बचन लोकसबके चियै कैहके नै महज परमेस्‍वरके सत बचन छै बुइझके गरहन करलिही। उ बचन तोरासबके बिस्‍बासीसबके जिबनमे काम कैर रहल छौ।

१ तिमोथी 4:8

देहके कसरत करनाइ असल चियै, महज आत्‍मिक कसरत करनाइ औरो असल चियै, कथिलेकी अखुन आ आबैयोबला जिबनमे फैदाके लेल परतिग्‍या करने छै।

हिबरु 11:6

बिस्‍बास बिना परमेस्‍वरके खुसी करनाइ असम्‍भवछै, कथिलेकी जे परमेस्‍वरके नजदिक आबैछै, उ परमेस्‍वर छै आ ओकरा खोजैबलासबके इनाम देतै कैहके पक्‍का बिस्‍बास करेपरतै।

हिबरु 3:12

हे पिरिय भाइ-भैयासब, होसियार रह। तोरासबमेसे ककरोमे भेल दुस्‍ट आ अबिस्‍बासी हिरदय तोरासबके जिबित परमेस्‍वरसे दुर नै लजाबे।

हिबरु 4:6

पहिने सुसमाचार सुनैबलासब बिसराम करैबला ठाममे ढुकैले नै पाबल्‍कै, कथिलेकी उसब परमेस्‍वरके कहल बात नै मानल्‍कै, महज अखुनियो औरो कतहेक लोक बिसराम दैबला ठाममे ढुकैले बाकी छै।

याकुब 1:21

अहै खातिर सब एहेन अधलाह आचरन आ नै निक बानी बेबहारसे अलग हो। नम्‌र भ्‍याके तोरौरके हिरदयमे राखल परमेस्‍वरके बचनके आपन बना कथिलेत ओहैसे तोरौरके उदार कैरसकैछौ।

१ पतरुस 1:12

तै बखत अगमबक्‍तासबके करलहा यि सेबा ओइसबके फाइदाके खातिर नै महज तोरेसबके खातिर चियौ कैहके परमेस्‍वर ओइ अगमबक्‍तासबके देखाइने छेलै। यि बात स्‍वरगसे पठेल्‍हा पबितर आत्‍माके सक्‍तीसे सुसमाचार सुनाबैबला दुवारा अखैन तोरासबके घोसना करनेछौ। यि बात स्‍वरगदुतोसब जानैले चाहैछै।