हिबरु 4:11 - मध्‍य पुरविया थारू

¹¹ ओहैसे अपनासब ओइ बिसराम पाबैबला ठाममे ढुकैके खातिर कोसिस कर। यदि अपनोसब इजराएली लोकसब जखा अटेरी हेबै त अपनोसब नास हेबै।

हिबरु 4:11 ပူးပေါင်းရင်းမြစ်များ

मतीके लिखल सुसमाचार 11:12

बप्‍तिस्‍मा दैबला युहन्‍नेके बखतसे अखुनतक स्‍वरगके राज जोर-तोरसे अगा बैढ़ रहल छै, तब जबरदस्‍ती करैबला लोकसब स्‍वरगके राजके बिरोध कैररहलछै।

मतीके लिखल सुसमाचार 7:13

“सकेत केबारसे भितर ढुक, कथिलेत बिनासमे पुगाइबला केबार नमहर आ रस्‍ता चौरा हैछै आ ओइमे ढुकैबला बहुत हैछै।

लुका 13:24

“सकेत केबारसे ढुकैले आपन पुरा बल लगा। कथिलेत, हम तोरासबके कहैचियौ, बहुत लोकसब ढुकैले चाहतै, महज ढुके नै सक्‍तै।

लुका 16:16

“बप्‍तिस्‍मा दैबला युहन्‍नाके बखत तक मोसाके बेबस्‍था आ अगमबक्‍तासबके बातसबके परचार करल्‍कै। तहै बखतसे परमेस्‍वरके राजके सुसमाचार परचार भ्‍यारहलछै, तब सबलोक परमेस्‍वरके राज भितर बलपुरबक परबेस करैछै।

युहन्‍ना 6:27

नास हैबला भोजनके खातिर मेहनत नै कर महज अनन्‍त जिबन तक रहैबला भोजनके लेल मेहनत कर, जे मानबके बेटा तोरासबके देतौ। कथिलेत परमेस्‍वर पिता ओकर उपर आपन छाप लगादेनेछै।”

परेरित 26:19

“तहैलेल, हे रजा अगरिपास, हम स्‍वरगिय दरसनके आग्‍यापालन करलियै।

एफिसी 2:2

ओइ बखत तुसब सन्‍सारके पापी लोकसब जखा चलैछेल्‍ही आ अकासके सक्‍तीके मालिक, सैतानके मानैछेल्‍ही। जे परमेस्‍वरके नै मानैबला लोकसबके अखुन आपन बसमे राखनेछै।

एफिसी 5:6

कोइ नै बेरथके बात कैरके तोरासबके धोखा दैले पाबे। कथिलेत बेरथके बातसबके कारन परमेस्‍वरके दन्‍ड थेथरमे परैछै।

फिलिप्‍पी 2:12

अहैलेल हमर पिरिय भाइ-भैयासब, जनङ तोरासब सबदिन आग्‍यापालन करैत एलचिही, हमर उपस्‍थितीमे मातरे करल जखा नै, महज आब औरो बेसिसे हमर अनुपस्‍थितीमे आदर आ डर मानैत तुसब आपन मुक्‍तीके काम पुरा करैके लेल एकदमसे मेहनत कर।

कलस्‍सी 3:6

एह्‍या बातसबके कारन परमेस्‍वरके करोध ओकर आग्‍या नै मानैबलासबके उपर परैछै।

तितस 1:16

उसब परमेस्‍वरके जानैछै कैहके दाबी करैछै महज ओइसबके बेबहारसे उसब परमेस्‍वरके इन्‍कार करैछै से बात देखाइछै। उसब घिनलागैबला आ अटेरी हैछै आ कोनो असल काम करे लाएकके नै छै।

तितस 3:3

कथिलेकी अपनोसब एकबेर मुरुख, ककरो कहल नै मानैबला आ भुलमे परल छेलियै। बहुतो तरहके देहके खराब इक्‍छासब आ भोगबिलासमे फसल छेलियै। अपनासब दुस्‍ट आ डाहके जिबन बिताबै छेलियै। अपनासब दोसरके घिरना करैत रहियै त उहोसब अपनासबके घिरना करैछेलै।

हिबरु 3:12

हे पिरिय भाइ-भैयासब, होसियार रह। तोरासबमेसे ककरोमे भेल दुस्‍ट आ अबिस्‍बासी हिरदय तोरासबके जिबित परमेस्‍वरसे दुर नै लजाबे।

हिबरु 3:18

“हमर बिसराम दैबला ठाममे उसब कहियो नै जाइले पाबतै”, कैहके परमेस्‍वर ककर बारेमे किरिया खेल्‍कै? कि उ वह्‍या अटेरीसबके बारेमे नै चियै?

हिबरु 4:6

पहिने सुसमाचार सुनैबलासब बिसराम करैबला ठाममे ढुकैले नै पाबल्‍कै, कथिलेकी उसब परमेस्‍वरके कहल बात नै मानल्‍कै, महज अखुनियो औरो कतहेक लोक बिसराम दैबला ठाममे ढुकैले बाकी छै।

हिबरु 6:11

यह्‍या हमरासबके इक्‍छाछै कि तोरासबके यि जोस आखिरतक हेबे आ तोरासबके आसा पुरा हेबे।

२ पतरुस 2:6

परमेस्‍वर सदोम आ गमोरा सहरके भस्‍म कैरके ओकर नामो निसान मेट्‍यादेल्‍कै। परमेस्‍वरके नै मानैबलासबके दुरदसा कनङ हैछै कैहके यि एकटा उदाहरन भेलै।