हिबरु 3:1 - मध्‍य पुरविया थारू

¹ ओहैसे परमेस्‍वरके बोलाबट पाबलहा पबितर जनसब, तुसब आपन धियान येसुमे लगा, जकरा अपनासब परेरित आ परधान पुजारी कैहके सुइकार करैचियै।

हिबरु 3:1 ပူးပေါင်းရင်းမြစ်များ

युहन्‍ना 17:3

अनन्‍त जिबन एह्‍या चियै कि, उसब अहाँ एक मातरे सत परमेस्‍वरके आ अहाँके पठाएल येसु खिरिस्‍ट चियै से जाने।

युहन्‍ना 20:21

तब येसु फेनसे ओकरासबके कहल्‍कै, “तोरासबके सान्‍ती मिले! जनङ पिता हमरा पठेल्‍कै, तहिनङ हम्‍हु तोरासबके पठाइचियौ।”

युहन्‍ना 20:27

तब येसु थोमाके कहल्‍कै, “तोहर औङरी अते राख आ हमर हाथ देख। हमर कोइखमे आपन हाथ ढुका। तु सङका नै कर बरु बिस्‍बास कर।”

परेरित 1:15

ओइ दिनमे करिब एकसय बिस गोरा बिस्‍बासीसब एक ठाम जम्‍मा भेल छेलै तब पतरुस उसबके बिचमे ठडा भ्‍याके कहल्‍कै,

रोमी 11:17

तहिनङे कतहेक काम नै लागैबला ठाइर काइटके फेकल जखा कतहेक यहुदीसब परमेस्‍वरके छोइरके गेलै। महज तु गैर-यहुदीसब जङगली जैतुनके ठाइर जखा भेलोपरभी असल जैतुनके गाछमे कलमी बान्‍हल चिही। आब तुहुसब असल जैतुनके गाछसे सक्‍ति आ जिबनके रस पाबनेचिही।

रोमी 15:27

उसब यि रुपैया-पैसा राजिखुसीसे जम्‍मा करने छै। बास्‍तममे यरुसलेमके गरिबसब बिस्‍बासीसबके मदत करैले उसब रिनी छेलै, कथिलेत गैर-यहुदीसब यहुदीसबसे आत्‍मिक आसिस पाबने छेलै। ओहैसे गैर-यहुदीयोसब ओइसबके अभाबमे परल बखत सहायता करनाइ उचित चियै।

रोमी 15:8

हम तोरासबके यि बात कहैचियौ कि, परमेस्‍वर यहुदीसबके पिता-पुरखासबसङे करल परतिग्‍या सत छै से देखाबैले खिरिस्‍ट यहुदीसबके सेबक बन्‍लै।

रोमी 9:24

ओकर बोलाबट पाबैबला लोकसब हमसब चियै। उ हमरासबके यहुदी मेसे मातरे नै महज गैर-यहुदी जातीसबसे सेहो बोलाइनेछै।

१ कोरन्‍थी 1:2

कोरिन्‍थ सहरमे भेल परमेस्‍वरके मन्‍डलीके, जकरा खिरिस्‍ट येसुमे पबितर बनाइनेछै आ ओकर पबितर जन हैकेलेल बोलाइल्‍कै आ चारुदिसनसे जे परभु येसुके पुकरा करैछै। ओह्‍या ओइसबके आ अपनासबके परभु चियै।

१ कोरन्‍थी 10:17

रोटी एकेटा छै आ हमसब बहुतो गोरे चियै तैयो एके देह चियै, कथिलेत हमसब एकेटा रोटीसे खाइचियै।

१ कोरन्‍थी 9:23

हम सुसमाचार फैलाबैके लेल यि सबकुछ करैचियै ताकी हम आसिसके भागिदार भ्‍यासकी।

२ कोरन्‍थी 1:7

तोरासबके बिसयमे हमरासबके आसा एकदमसे अटल छै। कथिलेकी हमरासबके थाहछै कि, तुसब हमरासबके जखा भोगल दुख भोगैचिही, तहिनङे हमरासबके भेटल सान्‍तबना जखा तुहुसब सान्‍तबना पाबबिही।

२ कोरन्‍थी 9:13

तुसब खिरिस्‍टके सुसमाचारमे बिस्‍बास कैरके आग्‍याकारी भेल बात आ तोरासबके खुल्‍ला हिरदयसे देल दानसे परमेस्‍वरके महिमा हेतै। यि सेबाके कामसे तुसब केहेन चिही कैहके लोकसबके परमानित हेतौ।

एफिसी 3:6

उ रहसके बात एह्‍या चियै कि, गैर-यहुदीयोसब सुसमाचारसे परमेस्‍वरके आसिस पाबैले सक्‍तै। उसब एक देहके अङसब आ खिरिस्‍ट येसुमे परमेस्‍वरके करल परतिग्‍याके साझेदार भेल छै।

एफिसी 4:1

ओहैसे हम परभुके सेबा करैबला कैदी, तोरासबके बिन्‍ती करैचियौ, कि जे बोलाबटमे परमेस्‍वर तोरासबके बोलाइनेछौ तै अनुसारके जिबन बिता।

एफिसी 4:4

देह एके चियै आ पबितर आत्‍मो एके चियै। तहिनङ तोरासबके एके आसामे बोलाइनेछौ।

फिलिप्‍पी 3:14

ओहैसे स्‍वरगके इनाम जितैके बिचारसे लक्‍छ दिसन अगा बरहैचियै। अकरे लेल परमेस्‍वर हमरा खिरिस्‍ट येसुसे अनन्‍त जिबनमे बोलाइनेछै।

कलस्‍सी 1:12

ओकरलेल परमेस्‍वर पिताके खुसीसे धन्‍यबाद दहै। परमेस्‍वरके इजोतके राजमे खिरिस्‍टके पबितर जनसबके पाबैबला बात तोरोसबके पाबैले सकैबला बनाइनेछौ।

कलस्‍सी 1:22

महज आब खिरिस्‍टके देहके बलिदानसे परमेस्‍वर तोरासबके आपनसङे सुध, पबितर आ निरदोस कैरके मेलमिलापमे आन्‍नेछौ।

कलस्‍सी 3:12

तुसब परमेस्‍वरके छानल पिरिय पबितर लोकसब चिही। अहै कारन मया, दया, नरमता, कोमलता आ सहनसिलताके धारन कर।

१ थेसलोनिकी 2:12

तोरासबके चालचलन परमेस्‍वरके नजरमे योग्‍य हेबे से उदेस्‍यसे हमसब तोरासबके अरतिउपदेस, उत्‍साह आ बिन्‍ती करैत रहलियौ। कथिलेकी परमेस्‍वर आपन राज आ महिमामे तोरासबके सहभागी हैकेलेल बोलाइछौ।

१ थेसलोनिकी 5:27

यि चिठी पैर्‌हके सब बिस्‍बासीके सुनादहै कैहके हम तोरासबके परभुके नाउमे आग्‍या करैचियौ।

२ थेसलोनिकी 1:11

अहै खातिर तोरासबके लेल हमसब लगातार परथना करैचियौ, जे अपनासबके परमेस्‍वर तोरासबके आपन बोलाबाके योग्‍यके बनाबे आ ओकर सब असल कामसब आ बिस्‍बासके काम ओकर सक्‍तीसे पुरा कैर देबे।

२ थेसलोनिकी 2:14

अहै खातिर अपनासबके सुनाएल सुसमाचारसे परमेस्‍वर तोरासबके बोलाइल्‍कौ। हमरासबके परभु येसु खिरिस्‍टके महिमा तोरोसबके मिले कैहके उ तोरासबके बोलाइनेछौ।

१ तिमोथी 6:12

बिस्‍बासके उतम लराइ लर। अनन्‍त जिबनके पकरने रह, कथिलेकी यह्‍या जिबनके लेल परमेस्‍वर तोरा बोलेल्‍कौ आ अहैके लेल तु बहुतो गोराके अगा आपन असल साक्‍छी देने चिही।

१ तिमोथी 6:2

बिस्‍बासी भाइ-भैयासब त चियै कैहके दाससब आपन बिस्‍बासी मालिकके कम आदर नै करौक, बरु उसब औरो निकसे मालिकके सेबा करेपरतै, कथिलेकी सेबासे लाभ पाबैबला मालिकसब ओकरासबके आपने पिरिय बिस्‍बासी भाइ-भैयासब चियै। तु यि बातसब मन्‍डलीमे बिस्‍बासीसबके सिखा आ पालन करैके लेल उत्‍साह दहै।

२ तिमोथी 1:9

परमेस्‍वरे हमरौरके बचेल्‍कै आ आपन पबितर बोलाबटसे बोलाइल्‍कै। हमरौरके काम देखके नै, महज उ आपन इक्‍छा आ अनुगरहसे करने छै, जे उ खिरिस्‍ट येसुमे जुगो-जुग पहिनेसे हमरासबके देने छेलै।

२ तिमोथी 2:7

हम तोरा जे बात कहैचियौ, ओइबातके निकसे बिचार कर, कथिलेत परभु यि सब बात बुझहैके खातिर तोरा सहायता करतौ।

हिबरु 10:19

अहैलेल पिरिय भाइ-भैयासब, येसुके लहुके कारन अपनासब महापबितर ठाममे साहसके साथ ढुकैले सक्‍बै।

हिबरु 10:21

उ परमेस्‍वरके घरमे अधिकार पाबल अपनासबके परधान पुजारी चियै।

हिबरु 10:23

अपनासबके करल आसामे अस्‍थिर भ्‍याके कैसके पकैरके राख, कथिलेकी जे परतिग्‍या करने छै, उ बिस्‍बास योग्‍यछै।

हिबरु 13:22

हे हमर पिरिय भाइ-भैयासब, हम तोरासबके बिन्‍ती करैचियौ कि, हमर अरती देल बातके मान, कथिलेकी हम तोरासबके यि चिठी छोटमे लिखने चियै।

हिबरु 2:11

लोकसबके पबितर बनाबैबला येसु आ पबितर बन्‍यालगेल सब एकेटा परिबारके चियै। ओहैलेल उ ओइसबके, “आपन भाइ-भैया आ दिदी-बहिनसब” कहैले नै लजाइछै।

हिबरु 2:17

ओहैसे सब बातमे उ आपन भाइ-भैयासब जखा बनैले आबस्‍यक छेलै। ताकि उ परमेस्‍वरके सेबामे दयालु आ बिस्‍बासयोग्‍य परधान पुजारी बन्‍लै आ लोकसबके पाप छमा दैकेलेल उ आपने बली भेलै।

हिबरु 3:12

हे पिरिय भाइ-भैयासब, होसियार रह। तोरासबमेसे ककरोमे भेल दुस्‍ट आ अबिस्‍बासी हिरदय तोरासबके जिबित परमेस्‍वरसे दुर नै लजाबे।

हिबरु 3:14

यदि अपनासब खिरिस्‍टमे करल सुरुके भरोसाके अन्‍ततक जोगाके राखबै त, अपनोसब खिरिस्‍टसङे साझा हकदार हेबै।

हिबरु 6:20

अपनासबसे लेल येसु त पहिने ओइ ठाममे गेल छै। मल्‍कीसेदेक पुजारी जखा उ सबदिनके लेल अपनासबके खातिर परधान पुजारी भेलछै।

हिबरु 7:26

अपनासबके लेल अहिनङे परधान पुजारीके आबसेक्‍ता छै। जे पबितर, निरदोस, सुधछै। परमेस्‍वर ओकरा पापी लोकसबसे छुटियाके सबसे उपर स्‍वरगमे राखल्‍कै।

हिबरु 7:28

बेबस्‍था कमजोर लोकसबके परधान पुजारी नियुक्‍त करैछै, महज बेबस्‍थासे पछा एल परतिग्‍यासे परमेस्‍वर आपने बेटाके सबदिनके लेल सिध परधान पुजारी नियुक्‍त करल्‍कै।

हिबरु 9:11

महज खिरिस्‍ट अखुन अपनासबसङे भेल सब असल बातसबके परधान पुजारी भ्‍याके एलै। उ औरो असल आ सिध पालमे गेलै, जे लोकके हाथसे बनल नै छै अरथात सिरिस्‍टी करल अइ सन्‍सारके चिजो नै चियै।

हिबरु 9:15

ओहै कारनसे परमेस्‍वरके परतिग्‍या करल सबदिन रहैबला अनन्‍त उतराधिकारी पाबे कैहके उ बोलेल्‍हासबके लेल खिरिस्‍ट लया करारके मिलाप कराबैबला चियै, कथिलेत पहिन्‍का करारके समयमे लोकसबके करल पापसे छुटकरा दैले उ मरलै।

१ पतरुस 2:9

महज तुसब त परमेस्‍वरके छानल जन, राजकिय पुजारी, पबितर जाती, निजी परजा चिही। उ तोरासबके अन्‍हारसे ओकर अचमके इजोतमे आनल्‍कौ, ताकी तुसब ओकर आस्‍चरजके कामसबके घोसना करैले सक।

१ पतरुस 3:5

कथिलेकी परमेस्‍वरमे भरोसा करैबाली पहिनेके पबितर घरबालीसब आपन-आपन घरबलासबके अधिनमे रैहके यह्‍या किसिमसे अपनाके सिङगार-पेटार करैछेलै।

१ पतरुस 5:1

हम एकटा मन्‍डलीके एल्‍डर चियै आ खिरिस्‍टके भोगल दुख-कस्‍टके आपनेसे देख्‍ने चियै आ पछा आबैबला महिमामे सहभागी हेबै। ओहैसे हम तोरासबके बिचमे भेल एल्‍डरसबके बिन्‍ती करैचियौ।

१ पतरुस 5:10

तुसब कुछ समय कस्‍ट भोग्‍लाके बाद, अनुगरहसे भरल अपनासबके परमेस्‍वर, जे तोरासबके खिरिस्‍टमे अनन्‍त महिमामे सहभागी हैकेलेल बोलाइनेछौ। उ आपनेसे तोरासबके फेनसे अस्‍थापना करतौ, सिध करतौ, बलगर बनाके अस्‍थिर कराइतौ।

१ युहन्‍ना 1:3

हमसब जे देखने आ सुन्‍ने चियै, से हमसब तोरासबके सुनाबैचियौ जेकि तुहुसब हमरासबसङे सङगती करेसकी। अपनासबके सङगती त पिता आ ओकर बेटा येसु खिरिस्‍टसङे छै।

यहुदा 1:1

हम यहुदा, येसु खिरिस्‍टके सेबक आ याकुबके भाइ, परमेस्‍वर पितासे बोल्‍याल आ येसु खिरिस्‍टसे रक्‍छा पाबलहासबके यि चिठी लिखैचियै।

परकास 17:14

उसब थुमाके बिरोधमे लराइ करतै महज थुमा आपनसङे बोल्‍याल, छानल आ बिस्‍बास योग्‍यसबके ल्‍याके ओकरासबके जित्‍तै कथिलेत उ परभुसबके परभु आ रजासबके रजा चियै।

परकास 18:20

हे स्‍वरगमे भेल्‍हासब, उ सहर नास भेलासे खुस हो। हे परमेस्‍वरके पबितर जनसब, परेरितसब आ अगमबक्‍तासब सबकोइ आनन्‍द मना! कथिलेत तोरासबके सताबैके कारन परमेस्‍वर ओकर नियाय करने छै।