हिबरु 2:4 - मध्‍य पुरविया थारू

⁴ परमेस्‍वर बहुतरा चेन्‍हासब देखाके बहुत किसिमके आस्‍चरजके कामसब आ सक्‍तीसाली कामसब करैत उ आपन इक्‍छा बमोजिम पबितर आत्‍माके दान-बरदानसब द्‍याके यि बातके गबाही देल्‍कै।

हिबरु 2:4 ပူးပေါင်းရင်းမြစ်များ

मरकुस 16:20

तब चेलासब सब ठामसबमे ज्‍याके परचार करल्‍कै। परभु उसबके मदत करल्‍कै आ अचममे कामसबसे ओकरासबके बचनमे सत छै कैहके ठहरेल्‍कै।]

मरकुस 6:14

रजा हेरोद येसुके बारेमे सुनल्‍कै, कथिलेत ओकर नामके चरचा चारुदिसन फैल गेलछेलै। कोइ कहैछेलै, “बप्‍तिस्‍मा दैबला युहन्‍ना फेनो मरके जिबित भेल छै, तैल्‍याके ओकरसे एहेन सक्‍तिसाली कामसब भ्‍यारहलछै।”

युहन्‍ना 15:26

“हम पिताके तरफसे तोरासबके लेल सल्‍लाह दैबला पबितर आत्‍माके पठादेबौ। उ पितालगसे एल सत आत्‍मा चियै जे हमर बारेमे गबाही देतै।

युहन्‍ना 4:48

येसु ओकरा कहल्‍कै, “तुसब जाबे तलिक अजगुतके कामसब आ चेन्‍हासब नै देखबिही ताबे तलिक कहियो नै बिस्‍बास करबही।”

परेरित 14:3

पावल आ बरनाबास ओते बहौत दिनतक रहलै। उसब निडर भ्‍याके परभु येसुके खातिर परचार करैत रहलै। परभु ओकरासबके हाथसे चेन्‍हासब आ अच्‍चमके कामसब कैरके आपन किरपाके बिसयमे ओकरासबके परचारके सत ठहराइल्‍कै।

परेरित 4:10

तौरौरके सबकोइ आ इजराएलके सब लोकसबके थाह हेबे, कि तोरेसबके अगा येसुके कुरूसमे लटकेल्‍कै आ परमेस्‍वर मरलसे जिबित करल्‍कै, ओह्‍या नासरतके येसु खिरिस्‍टके नाममे यि लोक तोरासबके अगामे निक भ्‍याके ठारभेल छौ।

परेरित 5:32

यि सब बातसबके हमसब साक्‍छी चियै आ परमेस्‍वर आपन आग्‍यापालन करैबलासबके देल पबितर आत्‍मा सेहो साक्‍छी दैछै।”

एफिसी 1:5

उ आपन उदेस्‍य अनुसार अपनासबके परेम कैरके येसु खिरिस्‍टमे आपन सन्‍तान हैले पहिनेसे छान्‍ने छेलै।

एफिसी 1:9

ओकरे सब ग्‍यान आ बुइधमे परमेस्‍वर खिरिस्‍टमे पुरा करबै कैहके सोचलहा गुप्‍त योजनो अपनासबके देखाइल्‍कै।

एफिसी 4:7

महज खिरिस्‍ट आपन अनुगरहके बरदान त आपन नाप अनुसार सब कोइके देनेछै।

हिबरु 6:4

कथिलेत उसब, जे एकबेर परमेस्‍वरके इजोत पाबनेछै, स्‍वरगके बरदानके सबाद पाबनेछै आ पबितर आत्‍मामे सहभागी भेलछै,