हिबरु 13:9 - मध्‍य पुरविया थारू

⁹ अनेक किसिमके अचमके सिक्‍छाके भरममे नै पर। खाइ पियैबला नियमसे नै महज परमेस्‍वरके अनुगरहसे हिरदय बौकार भेल असल चियै। ओहेन बिधी पालन कैरके ककरो उपकार नै भेलछै।

हिबरु 13:9 ပူးပေါင်းရင်းမြစ်များ

मतीके लिखल सुसमाचार 24:24

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकेतौ।

मतीके लिखल सुसमाचार 24:4

येसु ओइसबके जबाफ देल्‍कै, “होसियार रह कि तोरासबके कोइ नै भरमाबे।

लुका 5:38

बरु तजा अङगुरके मध लबके छलाके थैलीमे राखेपरैछै।

परेरित 20:30

अहैसबके बिचसे झुठ बात सिखाइबला लोकसब निकल्‍तौ, जे बिस्‍बासीसबके बहक्‍याके आपन दिसन तान्‍तौ।

परेरित 20:32

“आब हम तोरासबके परमेस्‍वरके जिम्‍मा आ ओकर अनुगरहके बचनमे सौपदैचियौ, जैसे तोरासबके बिस्‍बासमे मजगुत बनाइले सक्‍तौ आ पबितर करल लोकसबके सङे उतराधिकार दैले सक्‍तौ।

रोमी 14:17

कथिलेत परमेस्‍वरके राज खाइ-पियैबला चिज नै, महज पबितर आत्‍मासे आबैबला धारमिकता, सान्‍ती आ आनन्‍द चियै।

रोमी 14:2

कोइ-कोइ बिस्‍बासी सबचिज खाइले हैछै कैहके बिस्‍बास करैछै, महज बिस्‍बासमे कमजोर भेल्‍हा लोक सागपात मातरे खाइले हैछै कैहके बिस्‍बास करैछै।

रोमी 14:6

जे लोक एकटा दिनके बिसेस रुपसे मानैछै, उ लोक परभुके आदरके लेल पालन करैछै। तहिनङे जे लोक मासु लगाएत सब चिज खाइछै उ लोक परमेस्‍वरके आदरके लेल खाइछै आ परमेस्‍वरके धन्‍यबाद दैछै। जे लोक सागपात मातरे खाइछै उ लोक परमेस्‍वरके आदरके लेल खाइछै आ उहो परमेस्‍वरके धन्‍यबाद दैछै।

१ कोरन्‍थी 6:13

कोइ कहैछै, “भोजन पेटके लेल आ पेट भोजनके लेल चियै।” महज परमेस्‍वर दुनुके नास करतै। लोकके देह बेबिचारके लेल नै, महज परभुके लेल चियै आ देहके लेल आबस्‍यक चिज परभुवे बन्‍दोबस करैछै।

१ कोरन्‍थी 8:8

महज खाइबला चिजसबसे अपनासबके परमेस्‍वरके नजदिक नै पुगाबैछै। हमसब नहियोखेबै त कोनो नोक्‍सानी नै हेतै आ खेबो करबै त कोनो फैदो नै हेतै।

२ कोरन्‍थी 1:21

परमेस्‍वरे हमरासबके आ तोरासबके खिरिस्‍ट येसुमे अस्‍थिर बनाइनेछै आ अपनासबके नियुक्‍त करने छै।

गलाती 6:1

हे हमर पिरिय भाइ-भैयासब, यदि कोनो लोक पापके जालमे परलछै, से जाइनके तोरासबमे जे आत्‍मिकी चिही, तुसब ओकरा नम्‌र भ्‍याके सुधार। तेहन काममे आपनो होसियार रह, नै त तुहुसब परिक्‍छामे परबिही।

एफिसी 4:14

तब अपनासब चलाक लोकसबके झुठा सिक्‍छाके हबासे जने ल्‍याजेतौ तने जाइबला छोट धिया-पुता जखा नै हो। ओइसबके बन्‍याल जाल झेलसे दोसरके बहकाइछै।

एफिसी 5:6

कोइ नै बेरथके बात कैरके तोरासबके धोखा दैले पाबे। कथिलेत बेरथके बातसबके कारन परमेस्‍वरके दन्‍ड थेथरमे परैछै।

कलस्‍सी 2:4

अहै खातिर तोरासबके कहैचियौ बिस्‍बास लागैबला जखा झुठ बातसे कोइ नै धोखा देबे।

२ थेसलोनिकी 2:17

तोरासबके ओकरेसबसे सब असल काममे साहस आ बचनमे सक्‍ती मिले।

२ थेसलोनिकी 2:2

अपनासबके परभु आबैबला दिन भेलौ कहतौ त तुसब नै घबरा आ भरममे नै पर। ओइ दिनके बिसयमे कोइ अगमबानीसे, कोइ बोलिसे आ कोइ-कोइ हमरेसब जखा लिखल चिठीसे भरममे पारैले खोज्‍तौ तैयो बिस्‍बास नै करिहे।

१ तिमोथी 6:20

हौ तिमोथी, जे जिम्‍मा परमेस्‍वर तोरा देने छौ ओकरा निकसे देखभाल कर। परमेस्‍वरके अपमान हैबला मुरुख बातसबसे आ कतहेक लोक परमेस्‍वरके बिरोध करैबला बातके “ग्‍यान” कैहके मानने छै तै झुठ बातसबसे अलग रह।

१ युहन्‍ना 4:1

हमर पिरिय भाइ-भैयासब, हमरसङे पबितर आत्‍मा छै कहैबला जकरे-तकरेमे बिस्‍बास नै कर, महज ओइसबसङे परमेस्‍वरके आत्‍मा छै कि नै छै, जाँचके देख कथिलेत बहौत झुठा अगमबक्‍तासब सन्‍सारमे एलछै।

यहुदा 1:12

तोरासबके परेम भोजमे यि लोकसब कलंक चियौ। उसब दोसर गोराके वास्‍ता नै कैरके आपन पेट भरैके धियानमे रहैछै। उसब पानी बिनाके बादल जखाछै, जकरा हबा उराके ल्‍याजाइछै। उसब आपन समयमे फल नै फरैबला आ जैरसे उखैरके मरल गाछसब जखा चियै।

यहुदा 1:3

हे पिरिय भाइ-भैयासब, तोरासबके आ अपनासबके भेटल मुक्‍तीके बारेमे हमरा लिखैले बहौत बरका इक्‍छा छेलै, महज आब पबितर जनसबके सबदिनके लेल सोपल बिस्‍बासके रक्‍छा कर कैहके निबेदन करैले तोरासबके लिखैले हम आबसेक बुझलियै।