हिबरु 13:16 - मध्‍य पुरविया थारू

¹⁶ एक दोसरके भलाइ करैले आ आपनसङे भेल चिज बाटचुट करैले नै भुल, कथिलेत अहिनङे बलीसबमे परमेस्‍वर परसन्‍न हैछै।

हिबरु 13:16 ပူးပေါင်းရင်းမြစ်များ

लुका 18:22

यि बात सुइनके येसु ओकरा कहल्‍कै, “तोहरमे एकटा औरो चिजके कमि छौ। तोहर सङे भेल्‍हा सब धन-समपैत बेचके गरिबसबके बाइट दहै, तब स्‍वरगमे तोरा बहुत धन हेतौ आ हमर पछा लाग।”

परेरित 10:38

कनङ परमेस्‍वर नासरतके येसुके पबितर आत्‍मा आ सक्‍ती बिसेस रुपमे ओकरा देल्‍कै। उ कनङ भलाइके काम करैत गेलै, दियाबलसके सताबटमे परलहासबके निक करैत गेलै, कथिलेकी परमेस्‍वर ओकरसङे छेलै।

परेरित 9:36

योप्‍पा सहरमे एकटा तबिता नामके जनी बिस्‍बासी रहै, जकरा गिरिक भसामे “डोरकस” कहैछेलै। (जकर मतलब हरिनी चियै।) उ असल काम आ गरिबसबके दान द्‍याके हरदम सहयोग करैछेलै।

रोमी 12:13

खिरिस्‍टके पबितर जनसबके खाचोमे मदत कर आ घरमे एल मेजमानसबके सेबा-सत्‍कार कर।

गलाती 6:10

तैखातिर मौका भेटैत मातर सबकोइके भलाइ कैरते चल, खास कैरके खिरिस्‍टमे बिस्‍बास करल परिबारसबके।

गलाती 6:6

बचनके सिक्‍छा पाबैबला सबकोइ आपन सब असल चिजसब बचन सिखाइबलासङे बाँटचुट करे।

एफिसी 4:28

जे चोराबैछै आबसे उ चोरी नै करे। बरु मेहनत कैरके आपने हाथसे कमाबे आ अभाबमे परलहासबके मदत करैले सके।

फिलिप्‍पी 4:14

चाहे जे हेबे, तुसब हमर कस्‍टमे मदत कैरके एकदम असल करलिही।

फिलिप्‍पी 4:18

हम पाबैबलासे बेसी पाबनेचियै। इपाफोरोडिटसके हाथसे पठ्‍याल तोरासबके गमगम करैबला, परमेस्‍वरके मनपरैबला आ गरहन योग्‍य भेटी पाइबके हम सन्‍तुस्‍ट भेलचियै।

१ थेसलोनिकी 5:15

तुसब ककरो खराबीके बदला खराबी नै कर, महज एक-दोसरके आ सके जतहेक सब लोकसबके भलाइ करैके कोसिस कर।

२ थेसलोनिकी 3:13

देख हमर भाइसब, भलाइके काम करैले कहियो नै थाक।

१ तिमोथी 6:18

आन लोकके भलाइ करैले, असल काममे धनिक हैले, खाचोमे परलहा लोकसबके सहायता करैले आ आपनसङे भेल चिज औरोसबके दैले ओइसबके कह।

फिलेमोन 1:6

हम परथना करैचियै कि तोहर बिस्‍बासके संगती बरहैत जाय आ अपनासब खिरिस्‍टमे केहन-केहन भलाइके काम करे सकैचियै से ग्‍यानमे बिरधी कराबे।

हिबरु 6:10

तुसब परमेस्‍वरके लोकसबके सेबा कैरते परमेस्‍वर परती आपन परेम देखाइनेचिही आ अखुनो अहिनङ सेबा करैत आइबरहलचिही। परमेस्‍वर अनियाय नै करैछै। तोरासबके करल यि सेबा आ परेमके उ कहियो नै बिसरतै।

३ युहन्‍ना 1:11

पिरिय सङि, तु खराब कामके देखासेखी नै कर, बरु असल कामके देखासेखी कर। जे असल काम करैछै, उ परमेस्‍वरके बेटा-बेटी चियै आ जे अधलाह काम करैछै, उ परमेस्‍वरके नै चिन्‍हने रहैछै।