हिबरु 11:8 - मध्‍य पुरविया थारू

⁸ बिस्‍बास दुवारा अबराहम परमेस्‍वरके कहल मानल्‍कै आ जो कैहके कहल ठामदिसन गेलै, जे ठाम परमेस्‍वर ओकरा देबौ कैहके परतिग्‍या करने छेलै। कते जेबै कैहके ओकरा थाहे नै छेलै तैयो उ आपन देस छोइरके गेलै।

हिबरु 11:8 ပူးပေါင်းရင်းမြစ်များ

मतीके लिखल सुसमाचार 2:21

तकरबाद योसेफ उठलै आ ओकर माँ आ बालकके सङे ल्‍याके इजराएल देसमे घुइमके एलै।

रोमी 1:5

अपनासबके परभु येसु खिरिस्‍ट दुवारा परमेस्‍वर अपनासबके अनुगरह कैरके परेरित बनेल्‍कै। सब जातीके लोकसब बिस्‍बास करे आ ओकर कहल बात माने कैहके हमरा ओकर नाउमे पठाइनेछै।

रोमी 10:16

महज सुनैबला लोकसब सुसमाचारके सुइकार नै करल्‍कै, कथिलेत यसैया अगमबक्‍ता कहैछै, “हे परभु, हमरासबके परचार करल सुसमाचारमे के बिस्‍बास करने छै से?”

रोमी 6:17

परमेस्‍वरके धन्‍यबाद हेबे, तुसब एकचोटी पापके दास छेल्‍ही महज तुसब अखुन आपन परमेस्‍वरसे सिखाल सिक्‍छा हिरदयसे पालन करैचिही।

२ कोरन्‍थी 10:5

परमेस्‍वरके सत ग्‍यानके बिरोधमे उठैबला बहस आ घमन्‍डसे भरल बाधाके हमसब नास करैचियै आ सब खराब बिचारके खिरिस्‍टके आग्‍यापालन कराबैले बसमे करैचियै।

हिबरु 11:33

उसब त बिस्‍बास दुवारा राजसबके जितल्‍कै, नियायके साथ राज करल्‍कै, परमेस्‍वरके परतिग्‍या करल चिजसब पाबल्‍कै आ सिंहसबके मुह बन्‍द कैरदेल्‍कै।

हिबरु 5:9

अनङकैरके परमेस्‍वर ओकरा सिध बनेलाके बाद ओकर आग्‍यापालन करैबला सबके लेल उ अनन्‍ततक रहैबला मुक्‍तीके मुल बन्‍लै।

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।

१ पतरुस 3:1

घरबालीसब, तुसब आपन-आपन घरबलासबके अधिनमे रह। एहेन करबिही त परमेस्‍वरके बचनमे बिस्‍बास नै करैबला घरबालासब तोरासबके असल चालचलन देखके बिस्‍बास करतौ। तोरासबके कुछो नै कहे परतौ,

१ पतरुस 4:17

नियाय हैबला समय आइबगेल छै आ यि नियाय परमेस्‍वरके आपने लोकसबसे सुरु हेतै। हमरासबके नियाय हैछै त, परमेस्‍वरके सुसमाचार कहियो नै बिस्‍बास करैबलाके दसा केहन हेतै?