हिबरु 11:16 - मध्‍य पुरविया थारू

¹⁶ महज उसब त ओहौसे सुन्‍दर, अरथात एकटा स्‍वरगके देसके इक्‍छा करने छेलै। अहैलेल परमेस्‍वर “हम ओइसबके परमेस्‍वर हेबै” कहैले नै लजाइछै, कथिलेकी ओइसबके लेल एकटा सहर तयार करने छै।

हिबरु 11:16 ပူးပေါင်းရင်းမြစ်များ

मतीके लिखल सुसमाचार 25:34

तकरबाद रजा आपन देहना कात ठारभेल लोकसबके कहतै, ‘हे हमर पितासे आसिरबाद पाबल लोकसब! ओइ राजके भोगबिलास करु, जकरा सन्‍सारके उतपतीएसे तोरासबके लेल तैयार करने छै।

मरकुस 12:26

कि तुसब जि उठैके बारेमे मोसाके किताबमे नै पढनेचिही? से बात जरैत पोथराके घटनामे परमेस्‍वर मोसाके कहल्‍कै, ‘हम अबराहमके परमेस्‍वर, इसहाकके परमेस्‍वर आ याकुबके परमेस्‍वर चियौ।’

मरकुस 8:38

अइ पापी आ दुस्‍ट पुस्‍तामे जे हमर आ हमर बचनसे लाज मान्‍तै त मानबके बेटा आपन पिताके महिमामे पबितर स्‍वरगदुतसबसङे आबैतखिना ओकरसे लाज मान्‍तै।”

लुका 12:32

ताब येसु चेलासबके कहल्‍कै “हे हमर छोट जेर, नै डेरा! कथिलेत परमेस्‍वर तोरासबके आपन राज दैले खुसिसाथ तयार भेलछौ।

लुका 20:37

मरलहासब जि उठतै तै बातके परमान मोसा बहुत निकसे देने छेलै, से बात जरैत झारके घटनासे उ परभु पुकारैत ‘हे अबराहमके परमेस्‍वर, इसहाकके परमेस्‍वर आ याकुबके परमेस्‍वर’ कहल्‍कै।

युहन्‍ना 14:2

हमर पिताके घरमे बहौत रहैबला ठामसब छै आ हम तोरासबके लेल रहैबला ठामसब तयार करैले जाइचियौ। यदी तेहन नै रहतियै त हम तोरासबके यि बात कहबे नै करतियौ।

परेरित 7:32

‘हम तोहर पुरखासबके परमेस्‍वर- अबराहम, इसहाक आ याकुबके परमेस्‍वर चियौ।’ तब मोसा डरसे थरथर कापे लाग्‍लै आ ओकरा ओने ताकैके साहस नै भेलै।

फिलिप्‍पी 3:20

महज हमसब त स्‍वरगके नागरिक चियै। मुक्‍ती दैबला हमरासबके परभु येसु खिरिस्‍ट स्‍वरगसे एतै कैहके हमसब ओकर बाट ताकैचियै।

२ तिमोथी 4:18

हँ, परभु हमरा सब परकारके खराबिसबसे बचेतै। उ हमरा बच्‍याके आपन स्‍वरगिय राजमे ल्‍याजेतै। ओकर गुनगान जुगो-जुग तलिक हैतरहे। आमेन।

हिबरु 10:34

तुसब जहलमे परलहा लोकसबके दया देखाइलिही, आपन सम्‍पती लुटलगेलै तैयो खुसिसाथ सहन करलिही, कथिलेकी तुसब जानैछेल्‍ही, कि औरो उतम आ सबदिन रहैबला सम्‍पती आपनेसङे छै।

हिबरु 11:10

अबराहम सबदिन रहैबला जग भेल सहरके आस करैछेलै। ओइ सहरके योजना करैबला आ निरमान करैबला परमेस्‍वरे चियै।

हिबरु 11:14

एहैन बात कहैबला लोकसब आपन लेल एकटा देस खोइजरहलछै कैहके परस्‍ट हैछै।

हिबरु 11:40

कथिलेत परमेस्‍वर अपनासबके लेल अहौसे उतम चिजके योजना करने छेलै। अपनासबसङे उसब सेहो सि‍द्‍व हेबे कैहके ओकर इक्‍छा छेलै।

हिबरु 12:22

महज तुसब त सियोन पहार अरथात जिबित परमेस्‍वरके सहर स्‍वरगिय यरुसलेममे एलचिही। जते अनगिन्‍ती स्‍वरगदुतसब आनन्‍द मनाबैछै।

हिबरु 13:14

कथिलेकी अइ सन्‍सारमे अपनासबके लेल सबदिन रहैबला सहर नै छै, महज आबैबला सहरके बाट ताकैचियै।

हिबरु 2:11

लोकसबके पबितर बनाबैबला येसु आ पबितर बन्‍यालगेल सब एकेटा परिबारके चियै। ओहैलेल उ ओइसबके, “आपन भाइ-भैया आ दिदी-बहिनसब” कहैले नै लजाइछै।

परकास 21:2

तब हम परमेस्‍वरसे बरके लेल कनिया जखा सिङगार-पटार करल, अरथात पबितर सहर, लया यरुसलेम, स्‍वरगसे निचा आबैत देखलियै।