गलाती 6:1 - मध्‍य पुरविया थारू

¹ हे हमर पिरिय भाइ-भैयासब, यदि कोनो लोक पापके जालमे परलछै, से जाइनके तोरासबमे जे आत्‍मिकी चिही, तुसब ओकरा नम्‌र भ्‍याके सुधार। तेहन काममे आपनो होसियार रह, नै त तुहुसब परिक्‍छामे परबिही।

गलाती 6:1 ပူးပေါင်းရင်းမြစ်များ

मतीके लिखल सुसमाचार 11:29

हमर जुवा आपन उपर उठा आ हमरसे सिख, कथिलेत हम दयालु आ नरम हिरदयके चियौ, तब तोरासबके आत्‍माके बिसराम मिल्‍तौ।

मतीके लिखल सुसमाचार 26:69

पतरुस ओइ बाहर अङनामे बैठल छेलै। एकटा नोकरनी आइबके ओकरा कहल्‍कै, “अहुँ त गालिलके निबासी येसुके सङे छेलियै।”

मतीके लिखल सुसमाचार 26:75

तब येसुके कहल बात पतरुसके याद परलै, “मुरगा डाँक दैसे पैहने तु हमरा तिन बेर इन्‍कार करबिही।” तब पतरुस बाहर निकैलके हेकैच-हेकैचके काने लाग्‍लै।

मतीके लिखल सुसमाचार 9:13

तुसब परभुके कहल बातके अरथ ज्‍याके सिख, ‘हम बैल भोग नै महज दया चाहैचियौ।’ कथिलेत हम धरमीसबके नै, महज पापीसबके बोलाइले एलचियौ।”

रोमी 14:1

बिस्‍बासमे कमजोर भेल्‍हा लोकसबके सुइकार कर आ उसब जे बिचार करने छै, तैमे दोस लग्‍याके ओइसबसङे तरक नै कर।

रोमी 15:1

अपनासब बिस्‍बासमे बौकार भेल लोकसब आपने मातरे खुसी नै बल्‍की बिस्‍बासमे कमजोर भेल लोकसबके धिरजसाथ सहायता करैले परतौ।

रोमी 8:6

पाप स्‍वभाबके इक्‍छामे चलैबला लोकके मिरतु हेतै, महज जे पबितर आत्‍मामे मन लगेतै, उ अनन्‍त जिबन आ सान्‍ती पाबतै।

१ कोरन्‍थी 10:12

तैखातिर जे अपनाके ठार भेलचियै कहैछै, उ होसियार रहे, नै त उ खैसपरतै।

१ कोरन्‍थी 14:37

कोइ अपनाके अगमबक्‍ता या आत्‍मिक लोक सम्‍झैछै त हमर लिखल बात परभुके आग्‍या चियै कैहके ओकरा सुइकार करे।

१ कोरन्‍थी 2:15

जै लोकमे परमेस्‍वरके पबितर आत्‍मा छै, उ सब बातके ठिकसे जाँच करैछै, महज ओकरा कोइ नै जाँच करैले सक्‍तै।

१ कोरन्‍थी 3:1

हे हमर भाइ-भैयासब, हम तोरासबसङे बोलैतखिना आत्‍मिक लोकसबसङे बाजल जखा बाजैले नै सकलियौ महज सन्‍सारके लोकसबसङे बाजल जखा बाजल छेलियौ। खिरिस्‍टमे भरखर बिस्‍बास करल छोट बचासबसङे बाजल जखा बोललियै।

१ कोरन्‍थी 4:21

तुसब कथी चाहैचिही? हम तोरासबलग अनुसासनके लाठी ल्‍याके एबौ कि परेम आ नम्‌र आत्‍माके साथ एबौ?

१ कोरन्‍थी 7:5

घरबला आ घरबाली एक-दोसरके सारिरीक समबन्‍धसे इन्‍कार नै कर। इन्‍कारो करबिही त परथनामे समय बिताबैके लेल एक-आपसमे सल्‍लाह कैरके कुछ समयके लेल अलग रह। तब फेर एकसाथ रह, नै त तुसब आपन मन थामैले नै सक्‍लाके कारनसे सैतान तोरासबके परिक्‍छामे पारतौ।

२ कोरन्‍थी 10:1

हम पावल, तोरासबके सामने डरपोक चियै, महज दुर रहैबेर हम तोरासब परती साहसी हैचियै कैहके तोरासबके बिचमे हल्‍ला चललछै कहाने। खिरिस्‍टके नम्‌रता आ दयासे हम तोरासबके बिन्‍ती करैचियौ कि,

२ कोरन्‍थी 2:7

बरु आब तुसब ओकरा छमा करे परतौ आ सान्‍तबना देबेपरतौ, नै त उ बहौत बरका भारी सोकमे डुइब जेतै।

२ कोरन्‍थी 2:8

अहैलेल हम तोरासबके बिन्‍ती करैचियौ कि उ लोक परती आपन परेम औरो गहिरसे परकट कर।

गलाती 5:23

नमरता, आपनेके अधिनमे राखनाइ चियै। तकर बिरोधमे कोनो बेबस्‍था नै छै।

गलाती 6:18

हे हमर पिरिय भाइ-भैयासब, परभु येसु खिरिस्‍टके अनुगरह तोरासबसङे रहे। आमेन।

१ थेसलोनिकी 4:1

अन्‍तमे हमर भाइ-भैयासब परमेस्‍वरके मनपरैबला जिबन कनङके जियैछै से हमसब तोरासबके सिखेलियौ ओहिनङके फेनु तुसब जियैचिही। तोरासबके जिबन औरो बहौत असल हेबे कैहके परभु येसुके नाममे हमसब तोरासबके बिन्‍ती करैचियौ।

२ थेसलोनिकी 3:15

तैयो ओकरा दुस्‍मन नै मान, महज एकटा भाइ माइनके चेताबनी दहै।

२ तिमोथी 2:25

उ आपन बिरोधीसबके लरम भ्‍याके सुधारैबला हैकेचाही। भ्‍यासकैछै परमेस्‍वर बिरोधीसबके मन बदैल देतै आ उसब सतके चिन्‍हे सक्‍तै।

हिबरु 12:13

तुसब आपन चलैबला बाट सोझ बना ताकी तोहर टाङ नै लरबराबे बरु बौकार भ्‍याजाए।

हिबरु 13:3

तुसब आपने जहलमे परल जखा जहलमे परलहासबके तुसब वास्‍ता कर। आपने दुख भोगल जखा अतियाचारमे परलहासबके याद कर कथिलेकी तुहुसब सरिरमे चिही।

याकुब 3:13

तोरासबमेसे बुधिमान आ बुझहैबला लोक के छै? उ आपन असल चालचलनसे बुइधके नमरतासे निक काम कैरके देखाबे।

याकुब 3:2

बास्‍तममे अपनासब भुलचुकमे बहौतरा गल्‍ती करैचियै। बोलि-बचनमे कहियो गल्‍ती नै बाजैबला लोक सिध लोक चियै। उ लोक आपन पुरा सरिरमे लगाम लगाइले सक्‍तै।

१ पतरुस 3:15

बरु खिरिस्‍टके परभु माइनके आपन हिरदयमे सरदा कर। तोरासबमे भेल आसाके बिसयमे कोइ पुछताछ करैछौ त जबाफ दैले हर समय तयार रह।

१ युहन्‍ना 5:16

कोनो लोक बिस्‍बासीके पाप करैत देखैछै आ उ पापके नतिजा मिरतु नै हेतै त, ओकरलेल परमेस्‍वरसङे परथना कैर दैहे आ परमेस्‍वर ओकरा जिबन देतै। महज मिरतुमे लजाइबला पाप सेहो छै, ओकरलेल परथना कैरदहै कैहके हम नै कहैचियौ।