गलाती 3:18 - मध्‍य पुरविया थारू

¹⁸ कथिलेत हक बेबस्‍था पालन कैरके पाबतै त परतिग्‍याके कोनो मतलब नै रहलै। महज परमेस्‍वर अबराहमके परतिग्‍यासे हक देल्‍कै।

गलाती 3:18 ပူးပေါင်းရင်းမြစ်များ

रोमी 8:17

हमसब परमेस्‍वरके बेटा-बेटी चियै त ओकर हकबला सेहो चियै, परमेस्‍वरके हकबला आ खिरिस्‍टसङे सझिया हकबला हेबै। यदि हमसब खिरिस्‍टसङे दुख-कस्‍ट भोग्‍बै त ओकरेसङे आदर-सम्‍मानमे सेहो सहभागी हेबै।

गलाती 2:21

हम परमेस्‍वरके अनुगरहके बेरथके नै ठानैचियै। यदि बेबस्‍था पालन कैरके हमसब परमेस्‍वरके अगा धरमी ठहरैचियै त, खिरिस्‍टके मरनाइ बेरथ हेतै।

गलाती 3:10

बेबस्‍था पालन कैरके धरमी हैले चाहैबलासब सरापके अधिनमे रहैछै कथिलेत पबितर धरमसास्‍तर कहैछै, “बेबस्‍थाके किताबमे लिखल सब बात नै मानैबला लोकसब सरापित हैछै।”

गलाती 3:12

परमेस्‍वरमे बिस्‍बास करनाइ आ बेबस्‍था पालन करनाइ फरक बात चियै। महज पबितर धरमसास्‍तरमे लिखल छै, “जे बेबस्‍थामे लिखल बात पालन करैछै, उ तहैसे असल जिबन जियैछै।”

गलाती 3:16

परमेस्‍वर, अबराहम आ ओकर सन्‍तानसे करल परतिग्‍या अहिनङे छेलै। पबितर धरमसास्‍तरमे द्‍याल उ परतिग्‍या “बहुतो सन्‍तानसबके” लेल नै, महज “एक गोरेके” लेल मातरे छेलै आ उ दोसर कोइने चियै, उ त केबल खिरिस्‍ट चियै।

गलाती 3:26

कथिलेत बिस्‍बाससे येसु खिरिस्‍टमे तुसब परमेस्‍वरके सन्‍तान भेलचिही।

गलाती 3:29

यदि तुसब खिरिस्‍टके चिही त अबराहमोके सन्‍तान चिही आ परमेस्‍वरके परतिग्‍या बमोजिम हकबला सेहो चिही।