गलाती 2:9 - मध्‍य पुरविया थारू

⁹ याकुब, पतरुस आ युहन्‍ना, जेसब मन्‍डलीके खम्‍हासब मानल छेलै, उसब हमरा परमेस्‍वरके देल अनुगरहके पहिचान करल्‍कै। उसब बरनाबास आ हमरा संगतीके लेल देहना हाथ बनाइल्‍कै। बरनाबास आ हम गैर-यहुदीसबके बिचमे आ उसब यहुदीसबके बिचमे काम करैले सहमत भेलियै।

गलाती 2:9 ပူးပေါင်းရင်းမြစ်များ

मतीके लिखल सुसमाचार 16:18

आब हम तोरा कहैचियौ, हम तोहर नाम पतरुस राखैचियौ। हम एह्‍या चटानमे आपन मन्‍डली स्‍थापना करबै आ नरकके सक्‍तिसब ओइमे बिजय नै हेबे सक्‍तै।

लुका 22:8

तै खातिर पतरुस आ युहन्‍नाके येसु बोल्‍याके कहल्‍कै, “ज्‍याके अपनासबके खातिर निस्‍तार पाबैनके भोज तैयार कर।”

युहन्‍ना 1:42

अन्‍दिरियास सिमोनके येसु लग ल्‍यागेलै। येसु सिमोनके देखके कहल्‍कै, “तु युहन्‍नाके बेटा सिमोन चिही। देख तु केफास कहाइबिही।” (केफास गिरिक भसामे पतरुस कहैछै।)

परेरित 12:17

पतरुस ओइसबके “चुप हो” कैहके हाथसे इसरा करल्‍कै आ परभु कनङ ओकरा जहलसे निकालल्‍कै से बात ओइसबके सुनाइल्‍कै। यि बात “याकुब आ ओकर दोसरो भाइसबके कहल्‍कै।” तब उ ओतेसे दोसर ठाम चैलगेलै।

परेरित 15:13

उसब बोइललेलाके बाद याकुब ठार भ्‍याके पुछल्‍कै, “हौ भैयारीसब, अहाँसब हमर बात सुनु।

परेरित 15:7

बहौत देर तक बात-बिचार करलाके बाद, पतरुस उइठके ओइसबके कहल्‍कै, “हमर भाइ-भैयारीसब, तोरासबके थाहे हेतौ कि बहौत दिन पैहने परमेस्‍वर तोरासबके बिचसे हमरा अहै खातिर छानल्‍कै जे गैर-यहुदीके लोकसब हमर मुहसे परभुके सुसमाचार सुने आ बिस्‍बास करे।

परेरित 4:36

जनङ साइपरस देसके लेबी खानदानके योसेफ, जकरा परेरितसब बरनाबास कैहके नाम राखनेरहै (जकर अरथ उत्‍साह दैबला लोक हैछै)।

रोमी 1:5

अपनासबके परभु येसु खिरिस्‍ट दुवारा परमेस्‍वर अपनासबके अनुगरह कैरके परेरित बनेल्‍कै। सब जातीके लोकसब बिस्‍बास करे आ ओकर कहल बात माने कैहके हमरा ओकर नाउमे पठाइनेछै।

रोमी 12:3

परमेस्‍वरके देल अनुगरहसे हम तोरासबके चेताबनी दैचियौ कि, तुसब आपनके बरका नै समझ महज परमेस्‍वरके देल बिस्‍बासके नाप अनुसार तुसब जहिनङ चिही तहिनङे सोच।

रोमी 15:15

तैयो हम तोरासबके कुछ बात याद कराबैके लेल साहस कैरके यि चिठी लिखैचियौ। कथिलेत परमेस्‍वर हमरा अनुगरह करने छै,

१ कोरन्‍थी 15:10

महज हम जे चियै, उ परमेस्‍वरके अनुगरहसे चियै आ हमर उपर करल ओकर अनुगरह बेकार नै भेलै। हम औरो परेरितसबसे बेसि मेहनत करलियै। बास्‍तममे काम करैबला हम नै, महज हमरसाथमे भेल परमेस्‍वरके अनुगरहसे काम करनेचियै।

२ कोरन्‍थी 11:5

आपनके “महान परेरितसब” सम्‍झैबला ककरोसे हम कम नै सोचैचियै।

२ कोरन्‍थी 12:11

हम त मुरुख जखा भेलियै, महज तुहिसब हमरा एहेन करैले कर लगेलिही। बास्‍तममे तोरेसबके हमर पक्‍छमे निक बात बोलैले परतियौ, कथिलेत हम किछो नै छेलियै तैयो महान परेरितसबसे त हम कम नै चियै।

२ कोरन्‍थी 8:4

उसब परमेस्‍वरके सन्‍तसबके सहायता करैके लेल मौका दिय कैहके हमरासबके बेर-बेर बिन्‍ती करल्‍कै।

गलाती 1:16

परमेस्‍वर हमरेसे गैर-यहुदीमे परचार हेबे कैहके आपन बेटाके हमरलग परकट करल्‍कै। तै बखत हम कोनो लोकसे सरसल्‍लाह नै करलियै।

गलाती 1:18

तिन बरिसके बाद मातरे हम पतरुसके भेटैले यरुसलेम गेलियै आ ओकरसङे पनर दिन रहलियै।

गलाती 2:1

चौद बरिसके बाद हम बरनाबाससङे तितसके ल्‍याके फेनो यरुसलेम गेलियै।

गलाती 2:2

हमरा ओते जाइले परतै कैहके परमेस्‍वरके देख्‍याल अनुसार हम ओते गेलियै। हम ओते रहैबखत मन्‍डलीके मुल अगुवा मानलसबके एकान्‍तमे भेटघाट करलियै आ जे सुसमाचार हम गैर-यहुदीसबके सुनाइने छेलियै से बात सहि छै कैहके ओकरासबके परस्‍ट बत्‍यादेलियै। नै त हमर करल आ कैररहल काम बेरथ हेतै।

गलाती 6:3

यदि कोनो मोलके नै भेल्‍हा लोक आपनके बरका ठानैछैत, उ आपनेके धोखा दैछै।

एफिसी 2:20

परेरित आ अगमबक्‍तासबके खुनल जगमे बनल घर तुसब चिही। यि जगके मुल खम्‍हा येसु खिरिस्‍ट आपने चियै।

एफिसी 3:8

खिरिस्‍टके पबितर जनसबमेसे हम सबसे तुच्‍छ चियै तैयो खिरिस्‍टके महान सम्‍पतीके सुसमाचार गैर-यहुदीसबके सुनाइबला बरदान परमेस्‍वर हमरा देल्‍कै।

कलस्‍सी 1:29

खिरिस्‍टके महान सक्‍तीमे भर पैरके यि काम हम एकदम मेहनतसे करैचियै।

१ तिमोथी 3:15

यदी हमरा आबैमे देर हेतै त, परमेस्‍वरके परिबारमे भेल लोकसबके चाल-चलन केहेन रहैके चाही से जाइनले। यि परिबार त जिबित परमेस्‍वरके मन्‍डली अरथात सतके खम्‍हा आ जग चियै।

१ युहन्‍ना 1:3

हमसब जे देखने आ सुन्‍ने चियै, से हमसब तोरासबके सुनाबैचियौ जेकि तुहुसब हमरासबसङे सङगती करेसकी। अपनासबके सङगती त पिता आ ओकर बेटा येसु खिरिस्‍टसङे छै।

परकास 3:12

जे जित्‍तै, तकरा हम आपन परमेस्‍वरके मन्‍दिरके एकटा खम्‍हा बनाइबै आ ओतेसे उ कहियो नै बाहर निकल्‍तै। हम ओकरामे परमेस्‍वरके नाम आ हमर परमेस्‍वरके सहरके नाम अरथात स्‍वरगसे निचा आबैबला यरुसलेम लिख्‍बै तब ओइमे हमर आपन लया नाम सेहो लिख्‍बै।’