गलाती 2:7 - मध्‍य पुरविया थारू

⁷ महज उसब देखल्‍कै कि, जनङ परमेस्‍वर हमरा गैर-यहुदीसबके बिचमे सुसमाचार सुनाइके लेल जिम्‍मा देनेछेलै, ठिक ओहिनङे यहुदीसबके बिचमे सुसमाचार सुनाइके लेल पतरुसके जिम्‍मा देने रहै।

गलाती 2:7 ပူးပေါင်းရင်းမြစ်များ

परेरित 15:12

सभाके सबलोक चुप भेलै जब बरनाबास आ पावल ओइसबके परमेस्‍वर केहन-केहन आस्‍चरजके चेन्‍हा आ कामसब गैर-यहुदीसबके बिचमे ओइसबसे करने छै कहल्‍कै।

परेरित 18:6

महज यि बात सुइनके उसब पावलके बिरोध आ अपमान करे लाग्‍लै, तखुन्‍ते पावल ओइसबके चेताबनीके खातिर आपन बस्‍तरसे गरदा झारैत कहल्‍कै, “यदी तोरासबमेसे कोइ नास हेब्‍ही त आपने दोसके कारन नास हेब्‍ही तकर दोसी हम नै हेबौ। आबसे हम दोसरे जातीसबके बिच सुसमाचार सुनाइले जाइचियौ।”

परेरित 28:28

“अहैलेल तोरासबके थाह हेबे कि परमेस्‍वरके यि मुक्‍ती गैर-यहुदीके लेल पठालगेल छै आ उसब सुन्‍तै।”

परेरित 9:15

महज परभु ओकरा कहल्‍कै, “जो, कथिलेकी साउल गैर-यहुदीसब, रजासब आ इजराएलीसबके सामने हमर नामके परचार करैबला उ हमर छानल लोक चियै,

रोमी 1:5

अपनासबके परभु येसु खिरिस्‍ट दुवारा परमेस्‍वर अपनासबके अनुगरह कैरके परेरित बनेल्‍कै। सब जातीके लोकसब बिस्‍बास करे आ ओकर कहल बात माने कैहके हमरा ओकर नाउमे पठाइनेछै।

रोमी 11:13

आब हम गैर-यहुदीसबके कहैचियौ, हम त गैर-यहुदीसबमे सुसमाचार परचार करैके लेल खिरिस्‍टके एक परेरित चियै। हम आपन यि सेबाके बिसेस महत्‍व दैचियै।

१ कोरन्‍थी 9:17

यदि यि काम हम आपन इक्‍छासे करैचियै त, हम आपन इनाम पाबतियै। महज परमेस्‍वर हमरा यि कामके जिम्‍मेबारी देलाके कारनसे हम आपन करतब समैझके यि काम पुरा करैचियै।

गलाती 1:16

परमेस्‍वर हमरेसे गैर-यहुदीमे परचार हेबे कैहके आपन बेटाके हमरलग परकट करल्‍कै। तै बखत हम कोनो लोकसे सरसल्‍लाह नै करलियै।

गलाती 1:18

तिन बरिसके बाद मातरे हम पतरुसके भेटैले यरुसलेम गेलियै आ ओकरसङे पनर दिन रहलियै।

गलाती 1:6

तोरासब खिरिस्‍टके अनुगरहमे बोलाइबला परमेस्‍वरके अतहेक जल्‍दी बिसैरके दोसर सुसमाचार दिसन लागल देखके हमरा त एकदम ताजुब लाइगरहल छै।

गलाती 2:11

महज पतरुस एन्‍टिओखिया सहरमे एलाकेबाद हम ओकरा खुलमखुला बिरोध करलियै। कथिलेत उ दोसी छेलै।

गलाती 2:14

जब उसबके सुसमाचारके सत्‍यता अनुसार चलैत नै देखलियै तब हम सबके अगा पतरुसके कहलियै, “तुसब यहुदियो भ्‍याके गैर-यहुदीसब जखा जिबनबेतित करैचिही त, कथिले गैर-यहुदीसबके यहुदी बेबस्‍था पालन करैले कर लगाबैचिही?”

गलाती 2:9

याकुब, पतरुस आ युहन्‍ना, जेसब मन्‍डलीके खम्‍हासब मानल छेलै, उसब हमरा परमेस्‍वरके देल अनुगरहके पहिचान करल्‍कै। उसब बरनाबास आ हमरा संगतीके लेल देहना हाथ बनाइल्‍कै। बरनाबास आ हम गैर-यहुदीसबके बिचमे आ उसब यहुदीसबके बिचमे काम करैले सहमत भेलियै।

१ थेसलोनिकी 2:4

महज परमेस्‍वर हमरासबके ओकर योग्‍य भेलाके कारन सुसमाचार परचार करैके जिम्‍मा देने छै। अहैलेल हमसब लोकसबके खुसी करैके लेल नै, महज मन जाचैबला परमेस्‍वरके खुसी करैके लेल हमसब सुसमाचार सुनाइचियै।

१ तिमोथी 1:11

सत सिदान्‍त यि चियै, जे परमधन्‍य परमेस्‍वरके महिमीत सुसमाचार अनुसार छै जकरा सुनाबैके जिम्‍मा हमरा देलगेल छै।

१ तिमोथी 2:7

अहै बातके परचार करैके लेल परमेस्‍वर हमरा एकटा परचारक आ परेरित हैकेलेल चुनल्‍कै। गैर-यहुदीसब येसुमे बिस्‍बास करे तै उदेस्‍यसे ओइसबके सत बात सिखाइके लेल उ हमरा पठेल्‍कै। हम एकोरती बरह्‍या-चरह्‍याके नै कहैचियौ, हम त सत बात कहैचियौ।

२ तिमोथी 1:11

एह्‍या सुसमाचार सुनाइके खातिर हम परचारक, परेरित आ गुरु नियुक्‍त भेलचियै।

२ पतरुस 3:15

परभु लोकसबके पापसबसे मुक्‍ती पाबे कैहके मौका दैले चाहैछै, ओहैसे उ कतहेक धिरजी चियै कैहके धियान दहै। अपनासबके पिरिय भाइ पावल सेहो परमेस्‍वरसे पाबने बुइधसे एह्‍या बातसब तोरासबके लिखने छेलौ।