गलाती 2:6 - मध्‍य पुरविया थारू

⁶ उसब मन्‍डलीके मुख अगुवासब मानल गेलोपरभी हमर समादमे कोनो सल्‍लाह नै देल्‍कै। (उसब जतहेक बरका हेबे हमरा ओइसे कोनो फरक नै परतै, कथिलेत परमेस्‍वर ककरो मुह देखके नियाय नै करैछै)।

गलाती 2:6 ပူးပေါင်းရင်းမြစ်များ

मतीके लिखल सुसमाचार 22:16

उसब आपन कुछ चेलासब आ हेरोद रजाके दलके कुछ लोकसबके येसुलग एहेन कहैले पठेल्‍कै, “हे गुरु जी, हमसब जानैचियै कि अहाँ सत चियै आ परमेस्‍वरके साँचे सत बाट देखाइचियै। लोकसब कथी कहतै तैके कोनो बास्‍ता नै राखैचियै कथिलेकी अहाँ ककरो पक्‍छपात नै करैचियै।

मरकुस 12:14

उसब येसु लग आइबके कहल्‍कै, “गुरु जी, हमसब जानैचियै कि, अहाँ सहि बात बोलैचियै आ ककरो पक्‍छपात नै करैचियै। अहाँ त परमेस्‍वरके सत-सत बात सिखाइचियै। आब हमरासबके कहु, हमसब कैसरके कर तिरबै से उचित छै कि नै?”

लुका 20:21

तब उसब येसुके फसाइले पुछल्‍कै, “गुरु जी, हमसब जानैचियै, अहाँ सहि बात बोलैचियै, असल बात सिखाइचियै आ ककरो पक्‍छपात नै करैचियै, महज अहाँ त सत्‍यतासे परमेस्‍वरके रस्‍ता देखाइचियै।

परेरित 10:34

तब पतरुस कहैले सुरु करल्‍कै, “साँचेके हम देखैचियै कि परमेस्‍वर ककरो नै पक्‍छपात करैछै,

परेरित 5:36

कथिलेत कुछ समय पैहने थुदास नामके लोक आपन परसन्‍साके दाबी करल्‍कै आ लगभग चार सय लोक ओकर पछा लाग्‍लै, महज उ मारल गेलाके बाद ओकर पछा लागैबलासब सब तितर-बितर भ्‍यागेलै आ सब बातसबके नाम निसान हरागेलै।

रोमी 2:11

कथिलेकी परमेस्‍वर ककरो पक्‍छपात नै करैछै।

२ कोरन्‍थी 11:5

आपनके “महान परेरितसब” सम्‍झैबला ककरोसे हम कम नै सोचैचियै।

२ कोरन्‍थी 12:11

हम त मुरुख जखा भेलियै, महज तुहिसब हमरा एहेन करैले कर लगेलिही। बास्‍तममे तोरेसबके हमर पक्‍छमे निक बात बोलैले परतियौ, कथिलेत हम किछो नै छेलियै तैयो महान परेरितसबसे त हम कम नै चियै।

२ कोरन्‍थी 5:16

अहैलेल आबसे हमसब ककरो लोकके दिरिस्‍टीसे नै देखब। हमसब खिरिस्‍टके एक समय लोकके दिरिस्‍टीसे देखै छेलियै महज आबसे ओकरा हमसब ओनङके नै देख्‍बै।

गलाती 2:2

हमरा ओते जाइले परतै कैहके परमेस्‍वरके देख्‍याल अनुसार हम ओते गेलियै। हम ओते रहैबखत मन्‍डलीके मुल अगुवा मानलसबके एकान्‍तमे भेटघाट करलियै आ जे सुसमाचार हम गैर-यहुदीसबके सुनाइने छेलियै से बात सहि छै कैहके ओकरासबके परस्‍ट बत्‍यादेलियै। नै त हमर करल आ कैररहल काम बेरथ हेतै।

गलाती 6:3

यदि कोनो मोलके नै भेल्‍हा लोक आपनके बरका ठानैछैत, उ आपनेके धोखा दैछै।

हिबरु 13:17

तोरासबके अगुवासबके कहल बात तुसब मान आ ओकरासबके अधिनमे रह। आपन कामके लेखा परमेस्‍वरके दैलेपरतै कैहके उसब तोरासबके आत्‍मामे देखभाल करतौ। ओकरासबके कहल बात मानबिही त उसब आपन काम खुसिसे करतौ। यदि दुख माइनके करबिही त तोरासबके कुछो फाइदा नै हेतौ।

हिबरु 13:7

तोरासबके सुरुमे परमेस्‍वरके बचन सिखाइबला अगुवासबके नै बिसर। ओकरासबके जिबनमे एल असल परिनामके बिचार कर आ परमेस्‍वरमे ओकरासबके जखा भरोसा कर।

१ पतरुस 1:17

परमेस्‍वर कोनो पक्‍छपात नै कैरके नियाय करैछौ जब तुसब ओकरा परथना करैतखिना “पिता” कैहके पुकारैचिही त यि सन्‍सारमे रहैतलिक तुसब ओकरा सर्‌दा हैबला जिबन बिता।