गलाती 2:18 - मध्‍य पुरविया थारू

¹⁸ यदि हम पहिनेसे इन्‍कार करल बेबस्‍था फेनसे पालन करबै त, हम आपने आपके पापी साबित करैचियै।

गलाती 2:18 ပူးပေါင်းရင်းမြစ်များ

रोमी 14:15

यदि तु जे खाइचिही ओइसे तोहर आपने भाइके चित दुखैछौ त, तु आपन भाइके परेमे नै करैचिही। खिरिस्‍ट आपन परान देके बच्‍याल भाइ तोहर खाइबला चिजसे नास नै हेबे।

रोमी 2:25

यदि तुसब बेबस्‍था पालन करैचिही त खतना करल फाइदा हेतौ। महज तुसब बेबस्‍था पालन नै करैचिही त, तुसब खतना नै करैबला लोकसब जखा चिही।

रोमी 3:5

महज कतहेक लोकसबके बिचारमे, हम यहुदीसबके करल पापसे परमेस्‍वर औरो बेसी धरमी देखाइछै त हम कथि करबै? कि लोकसबके दन्‍ड देनाइ परमेस्‍वरके गल्‍ती छेलै त?

गलाती 2:21

हम परमेस्‍वरके अनुगरहके बेरथके नै ठानैचियै। यदि बेबस्‍था पालन कैरके हमसब परमेस्‍वरके अगा धरमी ठहरैचियै त, खिरिस्‍टके मरनाइ बेरथ हेतै।

गलाती 5:11

भाइ-भैयासब, यदि हम अखुन्‍तो खतना करैये परतौ कैहके परचार करैचियौ त कथिले हमरमे सताबट एलै? यि बात सँच रहतियै त कुरूसके बलिदानके परचारसे ककरो चित नै दुखतियै।