गलाती 1:9 - मध्‍य पुरविया थारू

⁹ हम यि बात पैहिनो कहनेचियौ आ अखुन्‍तो कहैचियौ, तोरौरके जे सुसमाचार सुइकार करनेचिही, ओइके उल्‍टा कोइ परचार करैछै त, उ लोक सरापित हेबे।

गलाती 1:9 ပူးပေါင်းရင်းမြစ်များ

परेरित 18:23

कुछदिन तक ओतै रहलै। तकरबाद फेनो उ गलातिया आ फिरिगिया इलाकाके ठामसब हैत, सब ठाममे रहल परभुके बिस्‍बासीसबके बिस्‍बासमे बलगर बनाइत गेलै।

रोमी 16:17

हे हमर भाइ-भैयासब, हम तोरासबके बिन्‍ती करैचियौ कि, तोरासबके सिख्‍याल सिक्‍छाके बिपरित सिखाइबला लोकसबसे होसियार रह। यि तोरासबके फुट करेतौ आ बिस्‍बाससे बहकेतौ। ओहन लोकसबसे दुरे रह।

रोमी 9:3

यदि हमर आपने जातिके इजराएली लोकसब मुक्‍ती पाबैछै त, हम खिरिस्‍टके सराप सहैले आ ओकरसे अलगो हैले तयार चियै।

२ कोरन्‍थी 1:17

कि हम अस्‍थिर नै भेल जखा यि योजना बनाइने चियै कैहके तोरासबके लागैछौ? कि हम योजना बनाइतकाल सन्‍सारके लोक जखा एके छनमे “हँ” आ एके छनमे “नै” कैहके कहैचियै से?

फिलिप्‍पी 3:1

अन्‍तमे भाइ-भैयासब, परभुमे आनन्‍द कर। यि बात तोरासबके घरी-घरी लिखैके लेल हमरा झनझट नै लागैछै आ तोरेसबके सुरक्‍छाके लेल चियौ।

फिलिप्‍पी 4:4

परभुमे सबदिन आनन्‍द कर। हम फेनसे कहैचियौ, आनन्‍द कर।