गलाती 1:8 - मध्‍य पुरविया थारू

⁸ महज हमसब तोरासबके परचार कैरसकल सुसमाचारसे उल्‍टा सुसमाचार यदि हमरासबमेसे कोइ या कोनो स्‍वरगदुते परचार करैछै त, उ लोक सरापित हेबे।

गलाती 1:8 ပူးပေါင်းရင်းမြစ်များ

मतीके लिखल सुसमाचार 25:41

“तकरबाद उ आपन बमा कता भेल्‍हासबके कहतै, हे परमेस्‍वरसे सराप पाबलाहा लोकसब। हमरसे दुर चैल जो! सैतान आ ओकर दुतसबके लेल तैयार करल कहियो नै मुझाइबला आइगमे चैल जो।

मरकुस 14:71

महज पतरुस किरिया खाइत कहल्‍कै, “जे लोकके बारेमे अहाँसब हमरा कहैचियै, उ लोकके हम नै चिन्‍हैचियै!”

परेरित 23:14

तकरबाद उसब मुल पुजारीसब आ यहुदी अगुवासब लग ज्‍याके कहल्‍कै, “पावलके नै मारै तक हमसब कुछो नै खेबै कैहके किरिया खेनेचियै।

रोमी 16:17

हे हमर भाइ-भैयासब, हम तोरासबके बिन्‍ती करैचियौ कि, तोरासबके सिख्‍याल सिक्‍छाके बिपरित सिखाइबला लोकसबसे होसियार रह। यि तोरासबके फुट करेतौ आ बिस्‍बाससे बहकेतौ। ओहन लोकसबसे दुरे रह।

रोमी 9:3

यदि हमर आपने जातिके इजराएली लोकसब मुक्‍ती पाबैछै त, हम खिरिस्‍टके सराप सहैले आ ओकरसे अलगो हैले तयार चियै।

१ कोरन्‍थी 12:3

तैखातिर हम तोरासबके यि बात बुझ कैहके चाहैचियौ, कि परमेस्‍वरके आत्‍माके अगुवाइमे चलैबला कोइ नै “येसु सरापित हेबे” कहतै आ पबितर आत्‍माके अगुवाइसे मातरे कोनो लोक “येसुवे परभु चियै” कैहके आपन मुहसे सुइकार करैले सक्‍तै।

१ कोरन्‍थी 16:22

कोइ परभुके परेम नै करतै त उ सरापित हेबे। हे अपनासबके परभु, आबु!

गलाती 1:9

हम यि बात पैहिनो कहनेचियौ आ अखुन्‍तो कहैचियौ, तोरौरके जे सुसमाचार सुइकार करनेचिही, ओइके उल्‍टा कोइ परचार करैछै त, उ लोक सरापित हेबे।

गलाती 3:10

बेबस्‍था पालन कैरके धरमी हैले चाहैबलासब सरापके अधिनमे रहैछै कथिलेत पबितर धरमसास्‍तर कहैछै, “बेबस्‍थाके किताबमे लिखल सब बात नै मानैबला लोकसब सरापित हैछै।”

गलाती 3:13

खिरिस्‍ट अपनासबके खातिर सरापित भ्‍याके अपनासबके बेबस्‍थाके सरापसे मोल तिरके छुटकरा देल्‍कै, कथिलेत पबितर धरमसास्‍तरमे एहेन लिखल छै, “काठमे लटक्‍याल लोक सरापित हैछै।”

तितस 3:10

मन्‍डलीमे फुट आनैबलाके एक दुइ बेर चेता, यदी उ नै मानैछौ त ओकरसङे कोनो समबन्‍ध नै राख।

२ पतरुस 2:14

ओइसबके आँख बेबिचारसे भरल रहैछै आ कतबो पाप करैछै तैयो नै मन भरैछै। उसब चनचल मन भेल्‍हासबके फुस्‍यालैछै। ओकरसबके मन लोभसे भरल रहैछै। ओहैसे परमेस्‍वरके सराप ओइसबके उपरमे परलछै।