एफिसी 6:9 - मध्‍य पुरविया थारू

⁹ हौ मालिकसब, तैहनङे कैरके अहुसब आपन नोकर-चाकरसबके असल बेबहार करु आ ओइसबके नै धम्‍काब कथिलेत अहाँसबके आ उसब दुनुके एकेटा मालिक स्‍वरगमे छै से बात नै बिसर। उ ककरो पक्‍छ ल्‍याके नियाय नै करैछै।

एफिसी 6:9 ပူးပေါင်းရင်းမြစ်များ

मतीके लिखल सुसमाचार 22:10

तब उ नोकरसब चौबटियामे ज्‍याके असल खराब लोकसबके बोलाके आनल्‍कै। अतहेक न लोक एलै कि उ बियाह भोजघर लोकसबसे भरिभराउ भेलै।

मतीके लिखल सुसमाचार 22:8

“तब उ रजा फेनो दोसर नोकरसबके कहल्‍कै, ‘बियाहके भोज त तैयार छै, महज नौता पाबलाहा लोकसब यि भोज खाइ जोगके नै छेलै।

मतीके लिखल सुसमाचार 24:48

महज यदी दुस्‍ट नोकर हेतै त उ अपने आपके कहतै, ‘हमर मालिक आबैमे देरी कैररहलछै’ कैहके,

मतीके लिखल सुसमाचार 24:51

तब मालिक ओकरा कठोर दन्‍ड देतै आ ओकरा कपटीसबके बिचमे फेक देतै, जते लोकसब कानैत रहैछै आ दात किटकिटाइत रहैछै।”

मतीके लिखल सुसमाचार 7:12

“लोकसब तोरासबसे जेहन बेबहार करे कैहके चाहैचिही त, तुहुसब ओइसबसे तहिना बेबहार कर, कथिलेत मोसाके बेबस्‍था आ अगमबक्‍तासबके सिक्‍छाके मुल बात एह्‍या चियै।

लुका 6:31

औरो लोकसे तुसब जे कराबैले चाहैचिही, तुहुसब ओकरो ओहिनङ कर।

युहन्‍ना 13:13

तुसब त हमरा ‘गुरु’ आ ‘परभु’ कहैचिही। यि त तुसब ठिके कहैचिही, कथिलेत हम ओह्‍या चियौ।

परेरित 10:34

तब पतरुस कहैले सुरु करल्‍कै, “साँचेके हम देखैचियै कि परमेस्‍वर ककरो नै पक्‍छपात करैछै,

रोमी 2:11

कथिलेकी परमेस्‍वर ककरो पक्‍छपात नै करैछै।

१ कोरन्‍थी 1:2

कोरिन्‍थ सहरमे भेल परमेस्‍वरके मन्‍डलीके, जकरा खिरिस्‍ट येसुमे पबितर बनाइनेछै आ ओकर पबितर जन हैकेलेल बोलाइल्‍कै आ चारुदिसनसे जे परभु येसुके पुकरा करैछै। ओह्‍या ओइसबके आ अपनासबके परभु चियै।

१ कोरन्‍थी 7:22

कथिलेत परभु बोलाबैसे पहिने जे दास छेलै, आब उ परभुमे स्‍वतन्‍तर लोक भेलछै। तहिनङे परभु बोलाइसे पहिने जे स्‍वतन्‍तर छेलै, उ खिरिस्‍टके दास भेलछै।

कलस्‍सी 3:25

अधलाह करैबला कोइ रहे, उ अधलाह कामके दन्‍ड भोग्‍तै, कथिलेत परमेस्‍वर ककरो पक्‍छपात नै करैछै।

कलस्‍सी 4:1

हे मालिकसब, तोरोसबके स्‍वरगमे एक गोरे मालिक छौ से बात जाइनके आपन दास सबसङे पक्‍छपात नै कैरके असल बेबहार कर।

याकुब 2:13

कथिलेकी जे लोक किरपा नै करैछै ओकर नियाय किरपे बिनाके हैछै। किरपा नियायके उपर बिजय हैछै।

याकुब 2:8

यदि तुसब “आपन परोसियासबके आपने जखा परेम कर” कैहके पबितर धरमसास्‍तरमे लिखल परमेस्‍वरके राजकिय नियमके पालन करैचिही त तोरौरके असले करैचिही।

याकुब 5:4

देख! जे जन-बनिहार तोरासबके खेतमे बालि-नाली समेटदेल्‍कौ तकरा तुसब बैन नै दैके कारनसे उसब कानैखिजैछै। तैसबके पुकार सरबसक्‍तिमान परमपरभु परमेस्‍वरके कान तलिक पुइग गेलछौ।