एफिसी 6:6 - मध्‍य पुरविया थारू

⁶ तोरासबके काम खाली मालिकके खुस करैके उदेससे देखाबैके लेल नै कर, महज खिरिस्‍टके नोकर-चाकरसब जखा पुरे हिरदयसे परमेस्‍वरके इक्‍छा पुरा कर।

एफिसी 6:6 ပူးပေါင်းရင်းမြစ်များ

मतीके लिखल सुसमाचार 12:50

कथिलेत जे स्‍वरगमे रहैबला परमेस्‍वर पिताके इक्‍छा पालन करैछै, उहे हमर माँ आ हमर भाइ आ हमर बहिन चियै।”

मतीके लिखल सुसमाचार 7:21

“हमरा ‘हे परभु, हे परभु’ कहैबला कोइ नै स्‍वरगके राजमे ढुकैले सक्‍तै। महज जे स्‍वरगमे रहैबला पिताके इक्‍छा पालन करतै उ लोक मातरे स्‍वरगके राजमे ढुकैले पाबतै।

मरकुस 3:35

कथिलेत जे परमेस्‍वरके इक्‍छा पालन करैछै, उहे हमर माँ आ हमर भाइ आ हमर बहिन चियै।”

रोमी 6:17

परमेस्‍वरके धन्‍यबाद हेबे, तुसब एकचोटी पापके दास छेल्‍ही महज तुसब अखुन आपन परमेस्‍वरसे सिखाल सिक्‍छा हिरदयसे पालन करैचिही।

१ कोरन्‍थी 7:22

कथिलेत परभु बोलाबैसे पहिने जे दास छेलै, आब उ परभुमे स्‍वतन्‍तर लोक भेलछै। तहिनङे परभु बोलाइसे पहिने जे स्‍वतन्‍तर छेलै, उ खिरिस्‍टके दास भेलछै।

गलाती 1:10

कि हम लोकसबके खुसी करैले चाहैचियै या परमेस्‍वरके? कि हम लोकसबके खुसी करैले चाहैचियै? यदि हम लोकसबके खुसी करने रहतियै त हम खिरिस्‍टके सेबक नै हेतियै।

एफिसी 5:17

तै खातिर मुरुख लोक नै बन महज परभु तोहरसे कोन आसा करनेछौ से जान।

फिलिप्‍पी 2:12

अहैलेल हमर पिरिय भाइ-भैयासब, जनङ तोरासब सबदिन आग्‍यापालन करैत एलचिही, हमर उपस्‍थितीमे मातरे करल जखा नै, महज आब औरो बेसिसे हमर अनुपस्‍थितीमे आदर आ डर मानैत तुसब आपन मुक्‍तीके काम पुरा करैके लेल एकदमसे मेहनत कर।

कलस्‍सी 1:9

तैखातिर हमसब यि बात जहियासे सुन्‍नेचियै तहियेसे तोरासबके खातिर हरदम परथना करैत आइबरहलचियौ। पबितर आत्‍मासे मिलल पुरा आत्‍मिक ग्‍यान आ समझसे परमेस्‍वरके पुरा इक्‍छा जानैले सक कैहके हमरासबके परथना छै।

कलस्‍सी 4:12

तोरासबके एकटा भाइ, खिरिस्‍ट येसुके दास इपाफरास सेहो गोरलगी पठाइनेछौ। उ तोरासबके खातिर हरदम जोरतोरसे परथनामे सम्‍झैत रहैछौ ताकी तुसब बलगर हो आ परमेस्‍वरके सब इक्‍छा पुरा रुपसे मानैले सक।

१ थेसलोनिकी 2:4

महज परमेस्‍वर हमरासबके ओकर योग्‍य भेलाके कारन सुसमाचार परचार करैके जिम्‍मा देने छै। अहैलेल हमसब लोकसबके खुसी करैके लेल नै, महज मन जाचैबला परमेस्‍वरके खुसी करैके लेल हमसब सुसमाचार सुनाइचियै।

१ थेसलोनिकी 4:3

तुसब पबितर रह कैहके परमेस्‍वरके इक्‍छाछै। अहैलेल तुसब बेबिचारसे अलग रह।

हिबरु 10:36

परमेस्‍वरके इक्‍छा पुरा करनाइ आ ओकर परतिग्‍या करल बात पाबैके लेल तोरासबके अस्‍थिर रहैये परतौ

हिबरु 13:21

तोरासबके हर परकारके असल गुनसबसे भरिपुरन करे आ तुसब ओकर इक्‍छा पुरा करैले सक। परमेस्‍वरके जे मन परैबलाछै से येसु खिरिस्‍ट दुवारा उ तोरासबमे करे। ओकर महिमा जुगो जुग तलिक रहे। आमेन।

१ पतरुस 2:15

तुसब असल काम कैरके मुरुख लोकसबके मुरखाहा बात बोलैबलासबके मुह बन्‍द कर कैहके परमेस्‍वरके इक्‍छाछै।

१ पतरुस 4:2

आबसे तुसब अइ पिरथिबीमे बाचै तलिक आपन जिबन लोकके जखा अधलाह इक्‍छामे नै, महज परमेस्‍वरके इक्‍छा अनुसारके जिबन बिता।

१ युहन्‍ना 2:17

सन्‍सार आ सन्‍सारके कुइक्‍छासब ओर्‌या जाइछै, महज परमेस्‍वरके इक्‍छामे चलैबला लोक सबदिन जिबित रहतै।