एफिसी 6:20 - मध्‍य पुरविया थारू

²⁰ अहै सुसमाचारके खातिर हम परेरित बन्‍याल गेलचियै। हम जहलमे कैद चियै तैयो हमरा जनङ बाजे परतै, तैहनङे साहस कैरके बाजैत रहे सकी कैहके हमर खातिर परथना कर।

एफिसी 6:20 ပူးပေါင်းရင်းမြစ်များ

परेरित 21:33

सेनापती पावलके पकरल्‍कै आ दुइटा घुरीसे बान्‍हैले लगाइल्‍कै आ लोकसबके पुछल्‍कै, “यि लोक कथी करल्‍कै? यि लोक के चियै?”

परेरित 26:29

पावल उतर देल्‍कै, “एके रतिमे या बहुत देरमे हेबे, हम परमेस्‍वरसे परथना करैचियै कि हथकरी छोइरके, अहाँ मातरे नै बल्‍की उ सबगोरे जे आइ हमर बात सुनै छै, से सबगोरे हमरे जखा हेबे।”

परेरित 28:20

इजराएलीसबके आसा करल मुक्‍ती दैबला रजाके लेल हम अनङके झिझिरसे बान्‍हल गेल छी। यि बात बुझाबैले आ अहाँसबसे भेट कैरके बातचित करैले बोलेलियै।”

परेरित 28:31

बिना रोकटोक निडर भ्‍याके परमेस्‍वरके राजके परचार करल्‍कै आ परभु येसु खिरिस्‍टके बारेमे सिखाबै छेलै।

परेरित 5:29

महज पतरुस आ परेरितसब जबाब देल्‍कै, “हमसब लोकसबके नै महज परमेस्‍वरके आग्‍यापालन करैये परतै।

२ कोरन्‍थी 3:12

हमरासबके एहेन आसा भेलाके कारन हमसब एकदम साहसी भेलचियै।

२ कोरन्‍थी 5:20

ओहैसे हमसब खिरिस्‍टके राजदुतसब चियै आ परमेस्‍वर हमसबसे तोरासबके बिन्‍ती कैर रहलछौ। तुसब परमेस्‍वरसङे मेलमिलाप कर कैहके हमसब सेहो खिरिस्‍टके तरफसे तोरासबके बिन्‍ती करैचियौ।

एफिसी 3:1

तैखातिर हम पावल, तु गैर-यहुदीसबके खातिर खिरिस्‍ट येसुके सुसमाचार सुनाइबला काम करैबखत जहलमे परलचियै।

एफिसी 4:1

ओहैसे हम परभुके सेबा करैबला कैदी, तोरासबके बिन्‍ती करैचियौ, कि जे बोलाबटमे परमेस्‍वर तोरासबके बोलाइनेछौ तै अनुसारके जिबन बिता।

एफिसी 6:19

हमरो खातिर परथना कर। जखुन हम बाजैके लेल आपन मुह खोल्‍बै तखुन परमेस्‍वर हमरा बचन देबे आ हम निडर भ्‍याके सुसमाचारके रहस दोसरके बुझ्‍हाबे सकी।

फिलिप्‍पी 1:20

हमर उटकट इक्‍छा आ आसा यि चियै कि हम कहियो लज्‍जित नै हेबै महज हमरमे परसस्‍त साहस हेतै। चाहे हम बाच्‍बै या मरबै सबदिन जखा अखुनो हमर जिबनसे खिरिस्‍ट सम्‍मानित हेबे।

फिलिप्‍पी 1:7

तोरासबके हम आपन हिरदयमे राखनेचियौ। तोरासबके बारेमे अनङ करनाइ हमरा ठिक लाग्‍लै कथिलेकी हम जहलमे रहैबेर आ बाहरमे रहैबेर सुसमाचार परचार आ अकरा जोगाइबला काममे परमेस्‍वरके देल अनुगरहमे तुसब हमरसङे सहभागी भेलचिही।

कलस्‍सी 4:3

खिरिस्‍टके रहसके बात लोकसबके परचार करैले परमेस्‍वर केबार उघाइरदेबे कैहके हमरासबके लेल सेहो परथना कर। अहै रहसके परचार करैके कारनसे हम जहलमे परल चियै।

कलस्‍सी 4:4

हमरा जनङके बुझाबैले परतै तहिनङे बोलैले सकी कैहके परथना कैरदहै।

१ थेसलोनिकी 2:2

तोरासबलग आबैसे पहिने हमसब फिलिप्‍पी सहरमे कनङके दुख भोगलियै आ अपमानित भेलियै से तोरासबके थाहे छौ। तैयो बहौत गोरा बिरोधी रहितोपरभी परमेस्‍वरमे साहस कैरके हमसब तोरासबके सुसमाचार सुनेलियौ।

२ तिमोथी 1:16

परभु ओनेसिफरसके घरानाके किरपा राखे, कथिलेत उ हमरा जतेक बेर भेटै ततेक बेर हौसला बरहाइत रहै। हमर हाथमे जंनजिर बान्‍हल छेलै तैयो उ लाज नै मानल्‍कै।

२ तिमोथी 2:9

ओह्‍या सुसमाचार जकर खातिर हम दुख काटैचियै आ अपराधी जखा झिझिरसे बान्‍हल चियै। महज परमेस्‍वरके बचनके बान्‍हे नै सक्‍तै।

फिलेमोन 1:10

ओनेसिमसके लेल तोरा बिन्‍ती करैचियौ। उ खिरिस्‍टमे हमर बेटा चियै, कथिलेकी हम जहलमे परल बखत ओकर आत्‍मिकी बाबु भेलचियै।

फिलेमोन 1:9

परेमके खातिर हम तोरा बिन्‍ती करैचियौ। हम बुढ पावल आ अखैन खिरिस्‍टके लेल जहलमे परल एक कैदी,

१ युहन्‍ना 3:16

खिरिस्‍टके परेम हमसब जानैचियै कि उ अपनासबके खातिर आपन परान देल्‍कै। तैल्‍याके अपनोसबके आपन भाइके लेल आपन परान दैलेपरतै।

यहुदा 1:3

हे पिरिय भाइ-भैयासब, तोरासबके आ अपनासबके भेटल मुक्‍तीके बारेमे हमरा लिखैले बहौत बरका इक्‍छा छेलै, महज आब पबितर जनसबके सबदिनके लेल सोपल बिस्‍बासके रक्‍छा कर कैहके निबेदन करैले तोरासबके लिखैले हम आबसेक बुझलियै।