एफिसी 6:19 - मध्‍य पुरविया थारू

¹⁹ हमरो खातिर परथना कर। जखुन हम बाजैके लेल आपन मुह खोल्‍बै तखुन परमेस्‍वर हमरा बचन देबे आ हम निडर भ्‍याके सुसमाचारके रहस दोसरके बुझ्‍हाबे सकी।

एफिसी 6:19 ပူးပေါင်းရင်းမြစ်များ

परेरित 13:46

तब पावल आ बरनाबास साहस कैरके कहल्‍कै, “परमेस्‍वरके बचन सबसे पैहने तोरासबके सुनेनाइ जरुरी छेलै, महज तोरौरके सुनैले नै मानलिही। तोरौरके आपनके अनन्‍त जिबनके योगके नै मानैचिही। आब हमसब दोसर जातीके लोकसबके परमेस्‍वरके बचन सुनाबे जेबै।

परेरित 14:3

पावल आ बरनाबास ओते बहौत दिनतक रहलै। उसब निडर भ्‍याके परभु येसुके खातिर परचार करैत रहलै। परभु ओकरासबके हाथसे चेन्‍हासब आ अच्‍चमके कामसब कैरके आपन किरपाके बिसयमे ओकरासबके परचारके सत ठहराइल्‍कै।

परेरित 18:26

उ यहुदीसबके सभाघरमे निरधकसाथ सुसमाचार सुनाबे लाग्‍लै। ओकर सुसमाचार सुइनके पिरिस्‍किला आ अकिलास ओकरा आपन घरमे ल्‍यागेलै। ओते उसब परमेस्‍वरके मुक्‍तीके उपायके असलसे बखान कैरके बुझ्‍हा देल्‍कै।

परेरित 19:8

तब पावल यहुदी सभाघरमे गेलै आ साहसके साथ तिन महिनातक परमेस्‍वरके राजके बारेमे परचार आ बात-चित करैत लोकसबके बुझाइत रहलै।

परेरित 2:4

तब उ सबगोरे पबितर आत्‍मासे भरलै आ पबितर आत्‍माके सक्‍तिसे उसब आन भसासबमे बोले लाग्‍लै।

परेरित 28:31

बिना रोकटोक निडर भ्‍याके परमेस्‍वरके राजके परचार करल्‍कै आ परभु येसु खिरिस्‍टके बारेमे सिखाबै छेलै।

परेरित 4:13

जब उसब पतरुस आ युहन्‍नाके निडर भ्‍याके बाजैत देखल्‍कै आ यि बुझल्‍कै कि यीसब कम परहल-लिखल आ सधारन लोक चियै से देखके उसब छक परलै। तब उसब येसु सङे रहै से थाह पाबल्‍कै।

परेरित 4:29

हे परभु, ओकरासबके धम्‍किके देखु आ अहाँके सेबकसबके सक्‍ती दिय ताकि साहसके साथ अहाँके बचन परचार करैले दिय,

परेरित 4:31

जब उसब परथना समापत करल्‍कै तब ओइठाम जते उसब जमा भेलरहै ओते सबकोइ थरकलै आ उ सबकोइ पबितर आत्‍मासे भरलै आ उसब साहसके साथ परमेस्‍वरके बचन परचार करे लाग्‍लै।

परेरित 9:27

महज बरनाबास साउलके आपनसङे परेरितसब लग ल्‍याके गेलै। तब साउल रस्‍तामे परभुके देखल आ परभु ओकरसङे बोलल आ दमस्‍कसमे साहसके साथ येसुके नाममे परचार करलहा बातसब ओइसबके कैहदेल्‍कै।

परेरित 9:29

तब उ गिरिक बोलैबला यहुदीसबसङे बताबती करैछेलै, महज उसब ओकरा मारैके कोसिस करै।

रोमी 15:30

पिरिय भाइ-भैयासब, अपनासबके परभु येसु खिरिस्‍ट आ पबितर आत्‍माके देल परेमके कारन हमर दुखमे सहायता करैले हमरसङे परमेस्‍वरसे सबदिन परथना कर कैहके तोरासबसे बिन्‍ती करैचियौ।

रोमी 16:25

आब अपनासबके परमेस्‍वरके आदर आ सम्‍मान हेबे। हमर करल खिरिस्‍टके सुसमाचार परचारसे उ तोरासबके बिस्‍बासमे बलगर बनाइले सकलछै। येसु खिरिस्‍टके बारेमे हमर करल परचार, जे जुगो-जुगसे घोसाइरके राखल छेलै, आब परकट भेलछै।

१ कोरन्‍थी 1:5

कथिलेत परमेस्‍वर खिरिस्‍टमे हरतरहसे तोरासबके बोलिबचन आ ग्‍यानमे धनिक बनाइनेछौ।

१ कोरन्‍थी 2:7

महज हमसब त परमेस्‍वरके गुप्‍त आ घोसारल ग्‍यानके परचार करैचियै, जे सिरिस्‍टी हैसे पैहनिए परमेस्‍वर अपनासबके महिमाके खातिर नियुक्‍त करने छेलै।

१ कोरन्‍थी 4:1

तुसब हमरासबके खिरिस्‍टके सेबकसब आ परमेस्‍वरके रहसके बात परकट करैबला सम्‍झैले परतौ।

२ कोरन्‍थी 1:11

तुसब परथनासे हमरासबके सहायता करेपरतौ। अहिनङ बहौत लोकके परथनाके उतरके रुपमे हमसब जे आसिस पाबनेचियै, तकर लेल बहुतो लोक परमेस्‍वरके धन्‍यबाद चरहाइतै।

२ कोरन्‍थी 3:12

हमरासबके एहेन आसा भेलाके कारन हमसब एकदम साहसी भेलचियै।

२ कोरन्‍थी 6:11

हे कोरिन्‍थ सहरके बिस्‍बासीसब, हमसब तोरासबके परस्‍टे कैहदेने चियौ कि, हमरासबके हिरदय तोरासबके लेल खुल्‍ला छौ।

२ कोरन्‍थी 7:4

तोरासबमे हमरा पुरा भरोसा छै। हम तोरासबमे एकदमे गर्‌भ करैचियौ। हम तोरासबसे पुरा रुपमे उत्‍साह पाबने चियौ आ कस्‍टोसबमे हम बहुत आनन्‍दित चियौ।

२ कोरन्‍थी 8:7

जहिनङे सब काममे तुसब बैढते जाइचिही, अरथात बिस्‍बासमे, बचनमे, ग्‍यानमे, जोसमे आ हमरासब परती परेममे, तहिनङे तुसब यि भेटी दैबला काममे सेहो बैढते जो।

एफिसी 1:9

ओकरे सब ग्‍यान आ बुइधमे परमेस्‍वर खिरिस्‍टमे पुरा करबै कैहके सोचलहा गुप्‍त योजनो अपनासबके देखाइल्‍कै।

एफिसी 3:9

सब चिजके सिरिस्‍टी करैबला परमेस्‍वरमे जुगो-जुगतक घोसाइरके राखल रहसके योजना कि चियै, से बात सबलोकके खुलस्‍त रुपमे बताइबला काम हमरा देने छै।

कलस्‍सी 2:2

हम अनङ करनेचियै ताकी ओइसबके हिरदयमे साहस मिले आ परेममे सङे जुरल रहे। अनङ हेतै त उसब आत्‍मिक रुपसे एकदमसे धनिक भ्‍याके परमेस्‍वरके रहसके ग्‍यान जे येसु खिरिस्‍ट चियै ओकरा पुरा रुपसे बुझैले सक्‍तै।

कलस्‍सी 4:3

खिरिस्‍टके रहसके बात लोकसबके परचार करैले परमेस्‍वर केबार उघाइरदेबे कैहके हमरासबके लेल सेहो परथना कर। अहै रहसके परचार करैके कारनसे हम जहलमे परल चियै।

१ थेसलोनिकी 2:2

तोरासबलग आबैसे पहिने हमसब फिलिप्‍पी सहरमे कनङके दुख भोगलियै आ अपमानित भेलियै से तोरासबके थाहे छौ। तैयो बहौत गोरा बिरोधी रहितोपरभी परमेस्‍वरमे साहस कैरके हमसब तोरासबके सुसमाचार सुनेलियौ।

१ थेसलोनिकी 5:25

भाइसब, हमरोसबके लेल परथना करैतरह।

२ थेसलोनिकी 3:1

अन्‍तमे हमर भाइसब, हमरासबके लेल परथना करैतरह, ताकि परभुके बचन तोरासबके बिचमे फैलल जखा जल्‍दीसे फैले आ अकर आदरकेसाथ सुइकार हेबे।

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

फिलेमोन 1:22

दोसर बात यि चियै कि हमर लेल एकटा कोठली तयार कैरके राखने रहिये, कथिलेकी तोहर परथनाके कारनसे हम्‍हु तोहर लग आबैके आसा करनेचियै।

हिबरु 13:18

हमरासबके लेल निरन्‍तर परथना करैतरह। हमरासबके बिस्‍बास छै कि, हमरासबके बिबेक सुधछै कथिलेकी हमसब सबकाम इमान्‍दारसे करैले चाहैचियै।