एफिसी 6:17 - मध्‍य पुरविया थारू

¹⁷ सिर रक्‍छा करैबला मुक्‍तीके टोपी लगा आ पबितर आत्‍माके तलबार ले, जे परमेस्‍वरके बचन चियै।

एफिसी 6:17 ပူးပေါင်းရင်းမြစ်များ

मतीके लिखल सुसमाचार 4:4

तब येसु जबाब देल्‍कै, “लिखल छै, ‘लोक रोटिएटासे जिबित नै रहैछै, महज परमेस्‍वरके मुहसे निकलल सब बचनसे जिबित रहैछै।’”

मतीके लिखल सुसमाचार 4:7

येसु ओकरा कहल्‍कै, “लिखल छै, ‘तु परमपरभु आपन परमेस्‍वरके जाँच नै कर।’”

एफिसी 5:26

खिरिस्‍ट मन्‍डलीके बचन रुपी पानीसे धोइबके सुध आ पबितर बनाइल्‍कै।

१ थेसलोनिकी 5:8

महज अपनासब दिनके धियापुता भेलाके कारन, चौकल रह। अपनासब बिस्‍बास आ परेमके कबच लगा आ मुक्‍तीके आसाके टोपी पिन्‍हके होसियार रह।

हिबरु 4:12

कथिलेकी परमेस्‍वरके बचन त जिबित आ काम करैबला चियै आ कोनोभी दुइ दिसन धार भेल तलबारसे बेसी चोख रहैछै। जनङ परान आ आत्‍माके भितर पुइगके अकर जोरनी आ हड्‍डी भितरके गुदीसबके भाग-भाग करैतक वार-पार करैछै, तहिनङ परमेस्‍वरके बचन लोकसबके हिरदयके बिचार आ चाहनाके एक-एक कैरके जाँच करैछै।

हिबरु 6:5

परमेस्‍वरके उतम बचनके आ आबैबला जुगके लेल हैबला सक्‍तीसाली कामसब देखल

परकास 1:16

ओकर दहिना हाथसे सातटा तरा पकरने रहलै आ ओकर मुहसे चोखगर दुधारके तलबार निकलल छेलै। ओकर चेहरा दुपहरके सुरुजके रौद जखा चम्‍कैत छेलै।

परकास 12:11

थुमाके लहुसे, ओकरासबके घोसना करल सत बचनसे आ जान तलिक दैले उसब तैयार भेलाके कारन अपनासबके भाइ-भैयासब ओकरा जितनेछै।

परकास 19:15

जाती-जातीके लोकसबके नास करैले ओकर मुहसे धारबला तलबार निकलल छेलै। उ ओइसबके लोहाके डन्‍टासे सासन करतै आ कोल्‍हुमे अङगुरके रस निकालल जखा सरबसक्‍तिमान परमेस्‍वरके करोध ओइसबके गुन्‍डीमिसान करतै।

परकास 2:16

ओहै खातिर पापसे पस्‍चाताप कर, नै त हम जल्‍दिए तोरासबलग एबौ आ हमर मुहसे निकलल तलबारसे उ दुस्‍ट काम करैबलासबसङे लराइ करबौ।