एफिसी 6:11 - मध्‍य पुरविया थारू

¹¹ सैतानके सब योजनासबके बिरोध करैले परमेस्‍वरके देल सब हाथ-हथियार उठा।

एफिसी 6:11 ပူးပေါင်းရင်းမြစ်များ

मरकुस 13:22

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकाके लजेतौ।

रोमी 13:12

रात बितगेलै आ दिन नजदिक आइबगेल छै। तैल्‍याके अपनासब अन्‍हारमे करैबला खराब काम छोइरके इजोतमे करैबला असल काम करैले तैयार रह।

रोमी 13:14

महज येसु खिरिस्‍टके स्‍वभाबके धारन कर आ पापी स्‍वभाबके इक्‍छा पुरा करैबला बातमे धियान नै दहै।

१ कोरन्‍थी 10:13

तोरासबके जिबनमे आबैबला सब परिक्‍छासब लोकसबके बिचमे आबैबला जखा हैछै। परमेस्‍वर बिस्‍बासयोग्‍य छै, जे तोरासबके सहे नै सकैबला परिक्‍छामे नै पारतौ। जब तु लोभमे परबिही परमेस्‍वर तोरा उ परिक्‍छासे बचैयोके लेल सहायता करतौ। तब तु सहैले सकबिही।

२ कोरन्‍थी 10:4

हमरासबके हाथ-हथियार त सन्‍सारके नै छै, महज हमरासबसङे परमेस्‍वरके सक्‍तिसाली हाथ-हथियार छै, जै हाथ-हथियारसे सैतानके सक्‍तिके खतम कैरदैछै आ बेकारके बाद-बिबादके नास कैरदैछै।

२ कोरन्‍थी 11:3

जनङ सैतान साँपके रुप ल्‍याके चलाकिसे हब्‍बाके ठगल्‍कै, ओहिनङ खिरिस्‍ट परती तोरासबके इमान्‍दारी आ सुध भक्‍तीसे तोरासबके मन बहकतौ कि हमरा तकर डर लागैये।

२ कोरन्‍थी 2:11

ताकी सैतान हमरासबके फसाबैके मौका नै पाबे, कथिलेकी ओकर जुक्‍तीके बिसयमे हमसब अनजान नै चियै।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

२ कोरन्‍थी 6:7

सत खबर परचार कैरके परमेस्‍वरके सक्‍तीसे हमसब काम करैचियै। लराइ करैबला हाथ-हथियार देहना हाथमे आ आपनके रक्‍छा करैबला हाथ-हथियार बमा हाथमे बोकैचियै। उ एकेटा हाथ-हथियार धारमिकता चियै।

एफिसी 4:14

तब अपनासब चलाक लोकसबके झुठा सिक्‍छाके हबासे जने ल्‍याजेतौ तने जाइबला छोट धिया-पुता जखा नै हो। ओइसबके बन्‍याल जाल झेलसे दोसरके बहकाइछै।

एफिसी 4:24

लया स्‍वभाब धारन करैके लेल तुसब परमेस्‍वरके स्‍वरुपमे बनल चिही, अहैसे परमेस्‍वरके इक्‍छा जखा तोरासबके चालचलन धरमी आ पबितर हेबे।

एफिसी 6:13

अहै खातिर आब परमेस्‍वरके सब हाथ-हथियारसब धारन कर। तब तोरौरके खराब दिनमे सैतानके सक्‍तिसबके रोकैले सकबिही आ अन्‍त तलिक लराइ कैरके ठारभेल रहेसकबिही।

कलस्‍सी 3:10

आब त तुसब लया स्‍वभाब धारन करनेचिही। तुसब परमेस्‍वरके पुरा ग्‍यान पाबैले सक कैहके सिरिस्‍टीकरता आपन स्‍वरुपमे तोरासबके लया बन्‍यारहलछौ।

१ थेसलोनिकी 5:8

महज अपनासब दिनके धियापुता भेलाके कारन, चौकल रह। अपनासब बिस्‍बास आ परेमके कबच लगा आ मुक्‍तीके आसाके टोपी पिन्‍हके होसियार रह।

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।

याकुब 4:7

तै खातिर परमेस्‍वरके अधिनमे रह। सैतानके बिरोध कर आ उ तोरासबके लगसे भाइगजेतौ।

१ पतरुस 5:8

होसियार रह आ जागल रह, कथिलेकी तोरासबके दुस्‍मन सैतान ककरा भेटाइबै आ ख्‍यालेबै कैहके गरजैबला सिंह जखा खोजैत घुमैछै।

यहुदा 1:24

तोरासबके पापमे परैसे बचाइले सकैबला आ आनन्‍दसाथ आपन महिमाके अगा तोरासबके निरदोस ठहराइले सकैबला परमेस्‍वरके परसन्‍सा हेबे।

परकास 12:9

अहिनङे उ अजेगर, जे पहिन्‍का साँप चियै, जकर नाम दुस्‍ट आत्‍मा आ सैतान सेहो चियै, जे पुरे सन्‍सारके भरमाके राखने छेलै, ओकरा आ ओकर दुतसबके सङे स्‍वरगसे पिरथिबीमे फेक्‍नेछेलै।

परकास 19:20

महज उ जानबर आ ओकर अगा अचमके चेन्‍हा देखाइबला झुठा अगमबक्‍ता दुनु पकराउमे परलै। एहैन अचमके कामसे झुठा अगमबक्‍ता ओइ जानबरके छाप लगाइबला आ मुरती पुजा करैबलासबके बहकाइने छेलै। दुनुके जिबिते आइगके धिधरामे फेक देल्‍कै।

परकास 2:24

महज एहेन खराब सिक्‍छामे नै लागल आ सैतानके भितरी रहसके बात नै मानैबला थिआटिरामे भेल औरो लोकके कहैचियौ कि, हम तोरासबके औरो कोनो भारी आग्‍या नै देबौ।