एफिसी 5:8 - मध्‍य पुरविया थारू

⁸ पहिने तुसब अन्‍हारमे छेल्‍ही महज आब परभुके लोक भेलाके कारन इजोतमे चिही। तैखातिर तुसब इजोतके धियापुतासब जखा बेबहार कर।

एफिसी 5:8 ပူးပေါင်းရင်းမြစ်များ

मतीके लिखल सुसमाचार 3:8

तुसब आपन आपन पाप माइनके पस्‍चाताप करनेचिही त, असल बेबहार कैरके देखा।

मतीके लिखल सुसमाचार 4:16

अन्‍हारमे बैठल लोकसब एकटा बरका इजोत देखने छै। जेसब मिरतुके छाह भेल परदेसमे बैठल छेलै, तकरासबमे इजोत चमकल छै।”

लुका 1:79

अन्‍हारमे बैठलहा आ मिरतुके छाहमे परलाहासबके मुक्‍तीके इजोत देतौ आ हमरासबके सान्‍तीके रस्‍तामे ल्‍याजेतै।”

लुका 16:8

“यि बात थाह पाइबके ओकर मालिक ओइ बैमान मुन्‍सीके चाबसी देल्‍कै कथिलेत उ चलाकिसे काम करने रहै। कथिलेकी दुनियाके लोक आपनसङे औरो लोकसबसे बेबहार करैतखिना इजोतके धियापुतासे बेसी चलाक छै।

युहन्‍ना 1:9

साँचोके इजोत उ चियै जे सन्‍सारके सबकोइके इजोत दैछै उ इजोत आइबरहल छेलै।

युहन्‍ना 12:35

तब येसु ओइसबके कहल्‍कै, “औरो कुछ समयतलिक इजोत तोरासबसङे छौ। इजोत रैहते तुसब चलफिर कर, नै त अन्‍हार तोरासबके झाइपदेतौ। जे अन्‍हारमे चलैछै, उ कते ज्‍यारहल छै से उ नै जानैछै।

युहन्‍ना 12:36

जाबेतक इजोत तोरासबसङे छौ, इजोतमे बिस्‍बास कर तब तुसब इजोतके बेटा-बेटी हेब्‍ही।” यि बात कहलाकेबाद येसु ओतेसे चैलगेलै आ ओइसबसे घोसैरके रहेलाग्‍लै।

युहन्‍ना 12:46

हम सन्‍सारके इजोत बैनके एलचियै, तैल्‍याके हमरा बिस्‍बास करैबला कोइने अन्‍हारमे रहतै।

युहन्‍ना 8:12

तब येसु फेनो लोकसबके कहल्‍कै, “सन्‍सारके इजोत हम्‍ही चियौ। हमर पछा चलैबला अन्‍हारमे कहियो नै चल्‍तै, महज उ जिबनके इजोत पाबतै।”

परेरित 17:30

अहैले पहिने अनजानमे करल कामके परमेस्‍वर धियान नै दैछै। महज आब परमेस्‍वर सब ठामके लोकसबके ‘आपन-आपन पाप माइनके पस्‍चाताव करै’ कैहके आग्‍या देने छै।

परेरित 26:18

तु ओकरासबके आँख खोइलके अन्‍हारसे इजोतमे आ सैतानके बन्‍धनसे परमेस्‍वर दिसन घुमाबे। जैसे उसब हमरमे बिस्‍बास करे आ ओकरसबके पाप छमा भ्‍याजाय आ परमेस्‍वरके पबितर करल लोकसब रहल ठाममे रहे पाबे।’

रोमी 1:21

कथिलेत उसब परमेस्‍वरके चिन्‍हीयोके ओकरा आदर नै करल्‍कै, नै त धन्‍यबाद देल्‍कै, महज उसब आपन बिचारमे बेकम्‍मा भेलै आ ओइसबके मुरुख हिरदय औरो अन्‍हारसे भरलै।

रोमी 13:12

रात बितगेलै आ दिन नजदिक आइबगेल छै। तैल्‍याके अपनासब अन्‍हारमे करैबला खराब काम छोइरके इजोतमे करैबला असल काम करैले तैयार रह।

रोमी 2:19

तुसब, मनके आन्‍हर भेल लोकसबके डोरियाबैचियै कैहके धाख लगाइचिही। तुसब अन्‍हारमे चलैबलासबके लेल अपनाके इजोत सम्‍झैचिही।

१ कोरन्‍थी 1:30

परमेस्‍वरके कारन तुसब खिरिस्‍ट येसुमे चिही, परमेस्‍वर खिरिस्‍ट येसुके अपनासबके लेल बुधि, धरमी, पबितर आ पापसे छुटकरा दैबला बनाइल्‍कै।

२ कोरन्‍थी 3:18

हमरासबके नै झापले चेहरासे परभुके महिमाके झलकाइचियै। परभु आत्‍मा चियै आ उ अपनासबके औरो आपनलखा महिमामय रुपमे परिबरतन कैरतेजेतै।

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

२ कोरन्‍थी 6:14

येसुमे बिस्‍बास नै करैबलासबसङे एकसाथ एकेटा जुवामे नै जोता। कथिलेकी धरमी आ अधरमी कनङके मिल्‍तै? इजोत आ अन्‍हार एक ठाम कनङके रहे सक्‍तै?

गलाती 5:25

यदि पबितर आत्‍मा अपनासबके लया जिबन देनेछै त, ओकर अगुवाइ अनुसार चलैले परतै।

एफिसी 2:2

ओइ बखत तुसब सन्‍सारके पापी लोकसब जखा चलैछेल्‍ही आ अकासके सक्‍तीके मालिक, सैतानके मानैछेल्‍ही। जे परमेस्‍वरके नै मानैबला लोकसबके अखुन आपन बसमे राखनेछै।

एफिसी 4:18

ओइसबके हिरदय कठोरताके कारन अन्‍हारसे झापलछै आ परमेस्‍वरके दैबला जिबनसे दुरछै।

एफिसी 5:2

जनङ खिरिस्‍ट अपनासबके परेम करल्‍कौ, तहिनङ तुहुसब एक-दोसरके परेम कर। उ अपनसबके खातिर परमेस्‍वरके अगा आपनेके गमगम करैबला भेटी आ बलिदानके रुपमे अरपन करल्‍कै।

एफिसी 6:12

कथिलेत अपनासबके लराइ देह आ लहुके बिरोधमे नै महज सासकसबके बिरोध, सक्‍तिसबके बिरोध, अखुन्‍का अन्‍हार जुगके सन्‍सारिक सासकसब आ स्‍वरगके ठामसबमे भेल दुस्‍ट आत्‍माके सेनासबके बिरोधमे चियै।

कलस्‍सी 1:12

ओकरलेल परमेस्‍वर पिताके खुसीसे धन्‍यबाद दहै। परमेस्‍वरके इजोतके राजमे खिरिस्‍टके पबितर जनसबके पाबैबला बात तोरोसबके पाबैले सकैबला बनाइनेछौ।

कलस्‍सी 1:13

वह्‍या अपनासबके अन्‍हारके सक्‍तीसे छुटकरा द्‍याके आपन दुलरुवा बेटाके राजमे आन्‍ने छै।

तितस 3:3

कथिलेकी अपनोसब एकबेर मुरुख, ककरो कहल नै मानैबला आ भुलमे परल छेलियै। बहुतो तरहके देहके खराब इक्‍छासब आ भोगबिलासमे फसल छेलियै। अपनासब दुस्‍ट आ डाहके जिबन बिताबै छेलियै। अपनासब दोसरके घिरना करैत रहियै त उहोसब अपनासबके घिरना करैछेलै।

१ युहन्‍ना 1:7

महज परमेस्‍वर जहिनङ इजोतमे रहैछै तहिनङ हमसब इजोतमे चलैचियै त अपनासबके संगती एक दोसरसङे हैछै आ ओकर बेटा येसुके लहुसे अपनासबके सब पापसे सुध करैछै।