एफिसी 5:20 - मध्‍य पुरविया थारू

²⁰ अपनासबके परभु येसु खिरिस्‍टके नाममे परमेस्‍वर पिताके सब बातमे हरदम धन्‍यबाद दैतरह।

एफिसी 5:20 ပူးပေါင်းရင်းမြစ်များ

युहन्‍ना 15:16

तुसब हमरा नै चुनलिही, महज हम तोरासबके चुनलियौ। आब जो आ सबदिन रहैबला फल फराइहे कैहके हम तोरासबके चुनलियौ। तहैलेल तुसब हमर नाममे पितासे जे कुछ माङबिही उ तोरासबके देतौ।

परेरित 5:41

तब येसुके नाममे अपमान सहैके योग्‍य चियै कैहके खुसी मनाइत उसब महासभामे गमलिएलके बात मानैत निकैलके गेलै।

रोमी 1:8

सबसे पहिने, तोरासबके लेल येसु खिरिस्‍ट दुवारा हम आपन परमेस्‍वरके धन्‍यबाद चरहाइचियै, कथिलेकी खिरिस्‍टमे करल तोरासबके बिस्‍बासके बारेमे सारा दुनियामे फैललछै।

१ कोरन्‍थी 1:4

हम तोरासबके लेल सबदिन परमेस्‍वरके धन्‍यबाद दैचियै कथिलेकी खिरिस्‍ट येसुमे तुसब परमेस्‍वरसे अनुगरह पाबनेचिही।

१ कोरन्‍थी 15:24

तब सन्‍सारके अन्‍त हेतै। तैबखत सब सासन, अधिकार आ सक्‍तीके नास कैरके खिरिस्‍ट आपन पुरे राज परमेस्‍वर पिताके सोइपदेतै।

एफिसी 5:4

निरलज, मुरुख आ खराब बचनसब तोरासबके मुहसे नै निक्‍ले, यि बात ठिक नै चियै। बरु अकर बदलामे त परमेस्‍वरके धन्‍यबाद दैबला काम हेबे।

फिलिप्‍पी 1:3

जब हम तोरासबके याद करैचियौ तब हम आपन परमेस्‍वरके धन्‍यबाद दैचियै।

फिलिप्‍पी 4:6

कोनो बातके चिन्‍ता नै कर, महज खाचो परल चिजके लेल परमेस्‍वरमे परथना कर आ ओकर करल सब असल चिजके लेल धन्‍यबाद दहै।

कलस्‍सी 3:17

तुसब किछो कहबिही तैयो, किछो करबिही तैयो सब बात परभु येसुके नाममे कर तब ओकरेसे परमेस्‍वर पिताके धन्‍यबाद चरहा।

१ थेसलोनिकी 3:9

तोरासबके लेल हमसब परमेस्‍वरके कतबो धन्‍यबाद देबै तैयो नै पुग्‍तै! तोरेसबके खातिर हमसब परमेस्‍वरके सामने बहौत आनन्‍द महसुस करैचियै।

१ थेसलोनिकी 5:18

केहनो परिस्‍थितीमे परमेस्‍वरके धन्‍यबाद दहै, कथिलेकी येसु खिरिस्‍टमे तोरासबके लेल परमेस्‍वरके इक्‍छा यिहे चियौ।

२ थेसलोनिकी 1:3

भाइ-भैयासब, तोरासबके खातिर हरदम परमेस्‍वरके धन्‍यबाद देनाइ जरुरी छै। यि फेर योग्‍यकेभी चियै, कथिलेत तोरासबके बिस्‍बास परसस्‍त बरहैत ज्‍यारहलछौ आ तोरासबके परेम एक-दोसरमे बैढरहल छौ।

२ थेसलोनिकी 2:13

परभुके परेम करल भाइ-भैयासब, तोरासबके खातिर हमसब हरदम परमेस्‍वरके धन्‍यबाद चरहाइले बिबस चियौ, कथिलेत परमेस्‍वर सुरुवेसे तोरासबके मुक्‍ती दैकेलेल चुनल्‍कौ। उ मुक्‍ती तोरासबके पबितर बनाइले पबितर आत्‍मासे आ सत बातमे तोरासबके करल बिस्‍बाससे आबैछै।

हिबरु 13:15

अहैलेल अपनासब येसुके नाउमे परमेस्‍वरके परसन्‍साके बली सबदिन चरहाइत रह। उहे अपनासबके परभु चियै कैहके सुइकार करैत अपनासबके मुहसे निकलल परसन्‍सा अपनासबके चरह्‍याल भेटी चियै।

१ पतरुस 2:5

तुसब जिबित पथल चिही। परमेस्‍वर तोरासबके परयोग कैरके आपन आत्‍मिक मन्‍दिर बन्‍यारहलछौ, ताकी तुसब पबितर पुजारी भ्‍याके येसु खिरिस्‍टसे परमेस्‍वरके मनपरैबला आत्‍मिक बलिदान चरहाइले सकबिही।

१ पतरुस 4:11

जे बोलैबला बरदान पाबनेछै से परमेस्‍वरके बचनसे बोले। जे सेबा करैछै से परमेस्‍वरके देल सक्‍तिसे सेबा करे ताकी सब कामसे येसु खिरिस्‍ट दुवारा परमेस्‍वरके परसन्‍सा हेबे। ओकर महिमा आ सक्‍ती सबदिन रहे। आमेन।