एफिसी 5:2 - मध्‍य पुरविया थारू

² जनङ खिरिस्‍ट अपनासबके परेम करल्‍कौ, तहिनङ तुहुसब एक-दोसरके परेम कर। उ अपनसबके खातिर परमेस्‍वरके अगा आपनेके गमगम करैबला भेटी आ बलिदानके रुपमे अरपन करल्‍कै।

एफिसी 5:2 ပူးပေါင်းရင်းမြစ်များ

मतीके लिखल सुसमाचार 20:28

तैहनङे मानबोके बेटा दोसरसे सेबा लैले नै, महज सेबा करैले आ बहौत लोकसबके पापसे छुटकारा दैके खातिर आपन परान दैले एलछै।”

युहन्‍ना 13:34

आब हम तोरासबके एकटा लबका आग्‍या दैचियौ, तुसब एक-दोसरके परेम कर। जहिनङ परेम हम तोरासबके करनेचियौ तहिनङे तुहुसब एक-दोसरके परेम कर।

युहन्‍ना 6:51

स्‍वरगसे एल जिबित रोटी त हम्‍ही चियै। जे कोइ यि रोटी खेतै, से कोइ सबदिन जिबित रहतै। सन्‍सारके लोकसबके जिबनके लेल जे रोटी हम दैचियै, उ हमर देह चियै।”

रोमी 15:16

आ हमरा गैर-यहुदीसबके सुसमाचार सुनाइले खिरिस्‍टके सेबक बनाइनेछै। जनङ पुजारी परमेस्‍वरके अगा मनपरैबला भेटी चरहाबैछै तहिनङे हम्‍हु पुजारीके सेबा पुरा करैचियै। गैर-यहुदीसबके परमेस्‍वर लग लाबैले आ उसब पबितर आत्‍मासे सुध भ्‍याके परमेस्‍वरके मनपरैबला भेटी हेबे कैहके हम परमेस्‍वरके सुसमाचार सुनाबैचियै।

रोमी 4:25

येसु अपनासबके पापके खातिर मारलगेलै आ अपनासबके धरमी ठहराइके लेल जिबित कर्‌याल गेलै।

रोमी 8:3

बेबस्‍था जे करैले नै सक्‍लै, से परमेस्‍वर करल्‍कै, कथिलेकी अपनासबके पापी स्‍वभाबके कारनसे बेबस्‍था कमजोर भेलै। परमेस्‍वर अपनासबके पापसे छुटकरा करैके लेल आपनेसब जखा आपन बेटाके देहमे पठेल्‍कै आ उ खिरिस्‍टके देहके बलिदान कैरके अपनासबके पापके नास करल्‍कै।

रोमी 8:37

यि सब बात हैतोपरभी अपनासबके परेम करैबला खिरिस्‍टे दुवारा हमसब यि सब चिज उपर बरका जित पाबनेचियै।

१ कोरन्‍थी 16:14

जे काम करैचिही, उ परेमसे कर।

१ कोरन्‍थी 5:7

तोरासबके बिचसे पुरन्‍का खमिर हटा, तब तुसब खमिर बिनाके सुध अँटा हेब्‍ही। कथिलेत अपनासबके निस्‍तार पाबैनके थुमा, खिरिस्‍ट बली भ्‍याचुकल छै।

२ कोरन्‍थी 2:14

परमेस्‍वरके धन्‍यबाद हेबे, उ अपनासबके खिरिस्‍टमे सबदिन बिजयके लेल चलाबैछै। ओकर ग्‍यानके गमक अपनासबसे हरेक जगहमे फैलाबैछै।

२ कोरन्‍थी 2:15

कथिलेकी हमरासबके जिबन परमेस्‍वर लग पुगैबला खिरिस्‍टके गमकौवा तेल जखा चियै। महज यि गमकौवा तेल मुक्‍ती पाबैबलासब गमक आ नास हैबलासब गनके रुपमे लैछै।

२ कोरन्‍थी 8:9

कथिलेकी अपनासबके परभु येसु खिरिस्‍टके अनुगरह तोरासबके थाहे छौ, उ धनिक छेलै तयौ तोरासबके लेल उ गरिब भेलै ताकि ओकर गरिबीसे तुसब धनिक बनैले सक।

गलाती 1:4

येसु खिरिस्‍ट अपनासबके अइ दुस्‍ट सन्‍सारसे बचाइके लेल परमेस्‍वर आ पिताके इक्‍छा मुताबिक पापके खातिर बली भेलै।

गलाती 2:20

हमर पहिन्‍का स्‍वभाब खिरिस्‍टेसङे कुरूसमे मरल छै। आबसे हम नै महज खिरिस्‍ट हमरमे जियैछै। जे जिबन अखन हम सरिरमे जियैचियै से परमेस्‍वरके बेटामे बिस्‍बास कैरके जियैचियै कथिलेत उ हमरा परेम करल्‍कै आ हमर खातिर उ बलिदान भेलै।

एफिसी 1:4

उ सन्‍सार सिरिस्‍टी करैसे पैहनिए खिरिस्‍टमे अपनासबके आपन अगा पबितर आ निरदोस करैले छान्‍ने छेलै।

एफिसी 3:17

तुसब बिस्‍बास करलासे खिरिस्‍ट तोरासबके हिरदयमे बास करतौ आ ओकर परेममे तोरासबके जैर बरहैत आ बलगर हैत ज्‍या कैहके हम परथना करैचियौ।

एफिसी 3:19

ग्‍यान आ बुइधसे बुझैले नै सकैबला खिरिस्‍टके परेमके बुझैले सक आ तुसब परमेस्‍वरके सारा सक्‍तीसे भरपुर हैले सक कैहके हम परथना करैचियौ।

एफिसी 4:15

बरु परेमसे सत बाइजके सब बातमे अपनासब खिरिस्‍टे जखा हेब्‍ही, कथिलेत वह्‍या अपनासबके सिर चियौ।

एफिसी 4:2

सबदिन नर्‌म, सोझ आ धिरजी भ्‍याके एक-दोसरके परेम कर।

एफिसी 5:15

अहै खातिर, केहेन चालचलन चले परतौ तैमे निकसे धियान दहै, मुरुख नै महज बुधिमान हो।

एफिसी 5:25

हे घरबलासब, आपन घरबालीसबके परेम कर, जनङ खिरिस्‍ट मन्‍डलीके परेम करल्‍कै आ आपन जिबन अरपन करल्‍कै।

फिलिप्‍पी 4:18

हम पाबैबलासे बेसी पाबनेचियै। इपाफोरोडिटसके हाथसे पठ्‍याल तोरासबके गमगम करैबला, परमेस्‍वरके मनपरैबला आ गरहन योग्‍य भेटी पाइबके हम सन्‍तुस्‍ट भेलचियै।

कलस्‍सी 3:14

यि सब गुनसबसे बेसी परेमके धारन कर कथिलेत परेमे सब बातके पुरा एकतामे आनैछै।

१ थेसलोनिकी 4:9

एक दोसरके परेम करे परैछै तैके बारेमे तोरासबके लेल लिखैके कोनो जरुरी नै छै, कथिलेकी परमेस्‍वर आपनेसे तोरासबके एक दोसरके परेम करे परैछै कैहके सिखाइने छौ।

१ तिमोथी 2:6

उ सबलोकके छुटकाराके मोल तिरैके लेल अपने-आप बलिदान भेलै। अइ बातके साक्‍छी परमेस्‍वर ठिक समयमे देल्‍कै।

१ तिमोथी 4:12

जबान भेलाके कारन कोइ नै तोरा निच ठाने। बरु तु बोलि-बचनमे, चाल-चलनमे, परेममे, बिस्‍बास आ पबितरतामे बिस्‍बासीसबके अगा एकटा नमुना बन।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

हिबरु 8:3

हरेक परधान पुजारीसब परमेस्‍वरके भेटी आ बलिदान चरहाबैके लेल नियुक्‍त भेल रहैछै। अहैलेल अपनासबके परधान पुजारीसङे कुछ न कुछ चिज चरहाइले परतै।

हिबरु 9:14

खिरिस्‍टके लहुसे औरो कतेक बेसीसे तोरासबके बिबेकके मरल कामसबसे सुध करतौ ताकि तुसब जिबित परमेस्‍वरके सेबा करैले सक। कथिलेत उ अनन्‍त आत्‍मासे आपनेके दाग नै लागल बलिके रुपमे परमेस्‍वरके अरपन करल्‍कै।

हिबरु 9:23

जे चिज स्‍वरगके चिजसबके परतिरुप मातरे छेलै यदि ओकरा सुध करैले एहैन किसिमके बिधीके आबस्‍यक छेलै त, स्‍वरगके चिजसबके सुध करैले ओहौसे असल बलिदानके आबस्‍यक छेलै।

हिबरु 9:26

यदि एहैन हेतियै त सन्‍सारके सिरिस्‍टीके सुरुवातेसे ओकरा बारमबार दुख भोगैले परतियै। महज अइ जुगके अन्‍तमे उ सबदिनके लेल एकेबेर परगट भेलै आ पाप हटाबैले आपने बलिदान भेलै।

१ पतरुस 4:8

सबसे मुख बात यि चियै कि तुसब एक दोसरके पुरा मनसे परेम कर, कथिलेकी परेमसे बहुतो पापसबके झाइपदैछै।

१ युहन्‍ना 3:16

खिरिस्‍टके परेम हमसब जानैचियै कि उ अपनासबके खातिर आपन परान देल्‍कै। तैल्‍याके अपनोसबके आपन भाइके लेल आपन परान दैलेपरतै।

१ युहन्‍ना 3:23

ओकर आग्‍या एह्‍या चियै कि हमसब परमेस्‍वरके बेटा येसु खिरिस्‍टके नाममे बिस्‍बास करनाइ आ ओकर देल आग्‍या अनुसार एक-दोसरके परेम करनाइ चियै।

परकास 1:5

बिस्‍बास योग्‍य साक्‍छी आ मिरतुसे सबसे पहिन्‍का बेर जिबित भेल सन्‍सारके रजा सबके रजा, येसु खिरिस्‍टके तरफसे तोरासबके अनुगरह आ सान्‍ती मिले। उ अपनासबके परेम करैछै आ आपन लहुसे अपनासबके पापसे छुटकरा देनेछै।

परकास 5:9

उसब अनङ कहैत एकटा लया गित गाबल्‍कै, “यि कागतके मुठा लैले आ अकर लाहटके तोरेके योग्‍य अहाँ मातरे चियै, अहाँ मारल गेलियै आ आपन लहुसे अहाँ परमेस्‍वरके लेल सब कुल, भसा, जाती आ देसके लोकसबके छुटकरा देलियै।