एफिसी 5:19 - मध्‍य पुरविया थारू

¹⁹ एक-आपसमे भजन, गित आ पबितर आत्‍मासे देल गित गाब आ परभुके खातिर आपन हिरदयसे धुन निकाल।

एफिसी 5:19 ပူးပေါင်းရင်းမြစ်များ

मतीके लिखल सुसमाचार 15:8

‘यि लोकसब हमरा मुहसे मातरे आदर करैछै! महज ओइसबके मन हमरसे बहौत दुर छै।

मतीके लिखल सुसमाचार 26:30

तकरबाद एकटा भजन गाइबके उसब जैतुन पहाड़ दिसन निकैलके गेलै।

परेरित 16:25

महज अधा रातके पावल आ सिलास परथना करैत, भजन गाबैत परमेस्‍वरके परसन्‍सा करैतरहै, ओकरौरके परथना करैत परमेस्‍वरके भजन गाबैछेलै आ औरो जहलमे ढोकलहा कैदीसब सुनैत रहै।

१ कोरन्‍थी 14:15

आब हम कि करबै? हम आपन आत्‍मासे परथना करबै आ आपन मनसे सेहो बुझैबला भसामे परथना करबै। हम आपन आत्‍मासे भजन गाब्‍बै आ आपन मनसे सेहो बुझैबला आपन भसामे भजन गाब्‍बै।

१ कोरन्‍थी 14:26

हे हमर भाइ-भैयासब, आब हम कथी कहबौ? तुसब एकसाथ जम्‍मा हैचिही त कोइ भजन गाबैछै, कोइ सिक्‍छा दैछै, कोइ परमेस्‍वरसे परगट भेल बात कहैछै, कोइ आन भसा बोलैछै आ कोइ आन भसाके अरथ खोइलदैछै। यि सब बातसबसे मन्‍डलीके आत्‍मिक तवरसे बिरधी कराबैछै।

कलस्‍सी 3:16

खिरिस्‍टके बचनसे तोरासबके हिरदय परसस्‍त कैरके भरल रहे। आपन पुरे ग्‍यान-बुइधसे एक दोसरके सिखा आ सल्‍लाह दैबला काम कर। परमेस्‍वरके हिरदयसे धन्‍यबाद दैत भजन, इस्‍तुति-परसन्‍सा आ आत्‍मिक गितसब गाब।

याकुब 5:13

यदि तोरासबमेसे कोइ समस्‍यामे छै त, उ परथना करे। कोइ खुसी छै त, उ परसन्‍साके गित गाबे।

परकास 5:9

उसब अनङ कहैत एकटा लया गित गाबल्‍कै, “यि कागतके मुठा लैले आ अकर लाहटके तोरेके योग्‍य अहाँ मातरे चियै, अहाँ मारल गेलियै आ आपन लहुसे अहाँ परमेस्‍वरके लेल सब कुल, भसा, जाती आ देसके लोकसबके छुटकरा देलियै।