एफिसी 4:22 - मध्‍य पुरविया थारू

²² तोरासबके पुरन्‍का जिबन आपने खराब इक्‍छाके कारनसे नस्‍ट हैतरहौ। तैखातिर तुसब आपन पुरन्‍का जिबन तियाइदहै।

एफिसी 4:22 ပူးပေါင်းရင်းမြစ်များ

रोमी 6:6

हमसब यि जानैचियै कि अपनासबके पुरन्‍का स्‍वभाब ओकरसङे कुरूसमे टाङलगेलछै, ताकी अपनासबके पापी स्‍वभाब नास हेबे आ आबसे पापके दास नै हेबी।

रोमी 7:11

कथिलेत पाप बेबस्‍था दुवारा मौका पाइबके हमरा छल करल्‍कै आ ओहैके हथियार बनाके हमरा मारल्‍कै।

२ कोरन्‍थी 11:3

जनङ सैतान साँपके रुप ल्‍याके चलाकिसे हब्‍बाके ठगल्‍कै, ओहिनङ खिरिस्‍ट परती तोरासबके इमान्‍दारी आ सुध भक्‍तीसे तोरासबके मन बहकतौ कि हमरा तकर डर लागैये।

गलाती 1:13

तुसब त जानैचिही, जखुन हम यहुदी धरम मानैछेलियै तै बखतके पहिन्‍का जिन्‍गीके बेबहार केहेन छेलै। कनङ हम परमेस्‍वरके मन्‍डलीके लोकसबके घोर अतियाचार करैछेलियै आ ओकरासबके नास करैले चाहैछेलियै।

एफिसी 2:3

अपनोसब एक समयमे ओहैसब जखा आपन देहके आ मनके इक्‍छा पुरा करैमे लागल छेलियै आ औरो लोकसब जखा अपनोसब परमेस्‍वरके दन्‍ड पाबैबला छेलियै।

एफिसी 4:17

अहै खातिर हम परभुके देल अधिकारसे तोरासबके जोर द्‍याके कहैचियौ, आबसे तोरासबके चालचलन परमेस्‍वरके नै चिन्‍हैबलासब जखा नै हेबे। कथिलेत ओइसबके सोच-बिचार बेकार छै।

एफिसी 4:25

अहै खातिर आब झुठ बाजैले छोइरदहै। एक-दोसरसङे सच-सच बोल कथिलेत अपनासब सबगोरा खिरिस्‍टके देहके अङसब चियै।

एफिसी 4:31

मनमे खराब बात नै ले, झै-झगरा आ रिस नै कर। अपमान करैबला बात नै बोल, सब किसिमके दुस्‍मनी त्‍यागदहै।

कलस्‍सी 2:11

तुसब खिरिस्‍टमे होनाइ साँचोके खतना पाबनाइ चियौ। लोकके हाथसे लगाइबला खतना नै महज खिरिस्‍टसे खतना भेलचिही। यि खतना तोरासबके पाप स्‍वभाबके सक्‍तीसे छुटकरा पाबैके लेल चियै।

तितस 3:3

कथिलेकी अपनोसब एकबेर मुरुख, ककरो कहल नै मानैबला आ भुलमे परल छेलियै। बहुतो तरहके देहके खराब इक्‍छासब आ भोगबिलासमे फसल छेलियै। अपनासब दुस्‍ट आ डाहके जिबन बिताबै छेलियै। अपनासब दोसरके घिरना करैत रहियै त उहोसब अपनासबके घिरना करैछेलै।

हिबरु 12:1

अहैलेल अतहेक बरका साक्‍छीके भिर अपनासबके चारुदिसन भेलाके कारनसे सब परकारके बाधा आ असान तरिकासे ओझराइबला पापसबके हटाके धिरजसाथ दौरैले परतै।

हिबरु 3:13

जबतक “आजुके दिन” कहैबला समयछै, तबतक एक दोसरके उत्‍साह दहै। ओहेन करबिही त, तुसब पापमे नै परबिही आ तोरासबके हिरदय परमेस्‍वरके इन्‍कार नै करतौ।

याकुब 1:21

अहै खातिर सब एहेन अधलाह आचरन आ नै निक बानी बेबहारसे अलग हो। नम्‌र भ्‍याके तोरौरके हिरदयमे राखल परमेस्‍वरके बचनके आपन बना कथिलेत ओहैसे तोरौरके उदार कैरसकैछौ।

याकुब 1:26

कोइ आपनके धरमी सम्‍झैछै, महज आपन जिहके लगाम नै लगाइछै त उ आपनेके धोखा दैछै आ ओकर धरम-करम बेरथ हैछै।

१ पतरुस 1:18

तुसब जानैचिही कि परमेस्‍वर तोरासबके पिता-पुरखासे चलैत एल बेरथके चालचलनसे दाम तिरके तोरासबके छुटकरा देल्‍कौ। उ दाम सोना या चानी जखा नास हैबला चिज नै चियै।

१ पतरुस 4:3

तुसब बितलहा दिनसबमे गैर-यहुदी जखा निरलज बेबहार करनाइ, बेबिचारमे लिन, खराब अभिलासामे लगनाइ, पिके मातल, मोज-मज्‍जा करैबला आ घिरनित मुरतिपुजामे परसस्‍त समय बिताइलिही।

२ पतरुस 2:13

उसब औरोसबके दुख देलाके कारन आपनो दुख भोगेपरतै। उसब दिने-दुपहरेमे मोजमजा करनाइ आनन्‍द बात ठानैछै। उसब त कलङकित आ दुसित लोकसब चियै। तोरासबसङे भोजन करैतकाल उसब छल कैरके आनन्‍द लैछौ।

२ पतरुस 2:7

महज परमेस्‍वर लोतके सदोम सहरसे बचेल्‍कै, कथिलेकी उ धरमी छेलै। ओतेका खराब चालचलन भेल लोकसबके कारन उ दुख पाबने छेलै।