एफिसी 4:21 - मध्‍य पुरविया थारू

²¹ साँचोके तुसब येसुके सिक्‍छा सुइनके ओकर चेला भेलाके कारन, ओकर बारेमे सत बात सिखनेचिही।

एफिसी 4:21 ပူးပေါင်းရင်းမြစ်များ

मतीके लिखल सुसमाचार 17:5

पतरुस यि बात बाजतेछेलै कि तखुन्‍ते एकटा चम्‍कौवा बादल एलै आ छाहसे ओइसबके झाइपदेल्‍कै। तकरबाद ओइ बादलसे एकटा एहेन अबाज एलै, “यि हमर दुलरुवा बेटा चियै, अकरसे हम बहौत खुसी चियै, अकर बात धियानसे सुन।”

लुका 10:16

“जे तोरासबके बातसब मान्‍तौ, उ हमरो बातसब मान्‍तै आ जे तोरासबके इन्‍कार करतौ, उ हमरो इन्‍कार करतै आ जे हमरा इन्‍कार करतै, उ हमरा पठाइबलाके इन्‍कार करतै।”

युहन्‍ना 1:17

कथिलेत बेबस्‍था मोसासे एलै, महज अनुगरह आ सत्‍यता येसु खिरिस्‍टसे एलै।

युहन्‍ना 10:27

हमर भेंरासब हमर बोली सुनैछै। हम ओइसबके चिन्‍हैचियै आ उसब हमर पछा-पछा आबैछै।

युहन्‍ना 14:17

उ पबितर आत्‍मा चियै जे सब सत्‍यतामे अगुवाइ करैछै। जकरा सन्‍सार गरहन नै करे सकैछै कथिलेत सन्‍सार ओकरा नै देखैछै नै चिन्‍हैछै। महज तुसब ओकरा चिन्‍हैचिही कथिलेत उ तोरासबसङे-सङे रहतौ आ उ तोरासबमे बास करतौ।

युहन्‍ना 14:6

येसु कहल्‍कै, “बाट, सत आ जिबन हम्‍ही चियै। बिना हमरसे कोइ नै पितालग पुइग सकैछै।

रोमी 10:14

महज जे ओकरमे बिस्‍बासे नै करने छै, उ कनङके ओकरा पुकारतै? जकर बारेमे सुन्‍बे नै करने छै, तकरमे कनङके बिस्‍बास करतै? ओकर बारेमे कोइ परचार नै करतै त कनङके सुन्‍तै?

२ कोरन्‍थी 1:20

कथिलेकी परमेस्‍वरके सब परतिग्‍या येसु खिरिस्‍टमे “हँ” कैहके पुरा हैछै, अहैलेल ओकरसे परमेस्‍वरके महिमाके लेल हमसब “आमेन” कहैचियै।

२ कोरन्‍थी 11:10

खिरिस्‍टके सत बात हमरमे रहैतक अखैया परदेसके कोइ नै हमर यि घमन्‍ड करैबला बातसबसे रोकैले सक्‍तै।

एफिसी 1:13

तहिनङे तु गैर-यहुदीसब मुक्‍ती दैबला सतके बचन अरथात सुसमाचार सुइनके खिरिस्‍टमे बिस्‍बास करलिही। आपन परतिग्‍या करलहा पबितर आत्‍माके छाप तोरासबके लग्‍यादेनेछौ।

एफिसी 2:17

उ आइबके परमेस्‍वरसे लग भेल यहुदी आ दुर रहल गैर-यहुदी दुनुके बिचमे मेलमिलाप कराइले सुसमाचार सुनाइल्‍कै।

कलस्‍सी 1:5

तोरासबके खातिर स्‍वरगमे सुरक्‍छित साथ राखल आसाके कारन एहेन बिस्‍बास आ परेम करैचिही। यि असाके बिसयमे तुसब पहिनेसे सतके बचन अरथात सुसमाचार सुन्‍नेचिही।

कलस्‍सी 1:6

यि सुसमाचार तोरोसबके बिचमे एलछौ आ खिरिस्‍टके यि सुसमाचार सन्‍सारके बहुतो ठामसबमे लोकसब सुइनके बिस्‍बास कैररहलछै आ ओइसबके जिबन परिबरतन भ्‍यारहलछै। तुसब परमेस्‍वरके अनुगरहके बारेमे सत बात सुनल आ बुझल दिनसे सुसमाचार तोरोसबमे सेहो ओहिनङे काम कैर रहलछौ।

कलस्‍सी 2:7

तुसब आपन बिस्‍बासके जैर ओकरमे गैहरतक गारने रह आ ओकरसङे आपन समबन्‍ध बलगर बनाइत जो। तोरासबके भेटल सिक्‍छा अनुसार बिस्‍बासमे अस्‍थिर भ्‍याके ओकरा धन्‍यबाद दैतरह।

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।