एफिसी 4:18 - मध्‍य पुरविया थारू

¹⁸ ओइसबके हिरदय कठोरताके कारन अन्‍हारसे झापलछै आ परमेस्‍वरके दैबला जिबनसे दुरछै।

एफिसी 4:18 ပူးပေါင်းရင်းမြစ်များ

मतीके लिखल सुसमाचार 13:15

‘कथिलेत यि लोकसबके मन कठोर भ्‍यागेलछै आ ओइ लोकसबके कान बैहर भ्‍यागेल्‍छै, उसब आपन आँख मुइन लेने छै, नै त उसब आँखसे देखतियै, कानसे सुनतियै आ मनसे बुझतियै आ घुइमके हमरलग एतियै आ हम ओइसबके निक करतियै।’

मरकुस 3:5

ओइसबके हिरदयके कठोर बिचार जाइनके दुखीत भेलै आ खिस्‍याके उ सबके ताकल्‍कै तब येसु ओइ लोकके कहल्‍कै, “तोहर हाथ पसार।” उ हाथ पसारल्‍कै आ ओकर हाथ पहिने जहिनङ छेलै तहिनङ भेलै।

युहन्‍ना 12:40

“परमेस्‍वर ओइसबके आँख बन्‍द कैरदेनेछै आ ओकरासबके हिरदय कठोर बन्‍यादेनेछै। तैल्‍याके उसब आपन आँखसे नै देखे आ हिरदयसे नै बुझे, नै त उसब घुइमके एतै आ हम ओइसबके निक करतियै।”

परेरित 17:30

अहैले पहिने अनजानमे करल कामके परमेस्‍वर धियान नै दैछै। महज आब परमेस्‍वर सब ठामके लोकसबके ‘आपन-आपन पाप माइनके पस्‍चाताव करै’ कैहके आग्‍या देने छै।

परेरित 3:17

“पिरिय भाइसब, हमरा थाहछै कि तुसब अनजानमे अनङ करलिही आ तोरौरके सासकोसब अहिनङे करल्‍कौ।

रोमी 1:28

उसब परमेस्‍वरके सत ग्‍यानके बेकाम ठानल्‍कै। ओहैसे परमेस्‍वर ओकरासबके ओहैसबके कुबिचारमे छोइरदेल्‍कै।

रोमी 11:25

हे हमर भाइ-भैयासब, हम तोरासबके एकटा रहसके बात थाह हेबे कैहके चाहैचियौ। उ बात तोरासबके थाह हेतौ त तुसब आपनेके बुधिमान ठाइनके घमन्‍ड नै करबिही। उ रहसके बात यि चियै कि, खिरिस्‍टमे आबैबला गैर-यहुदीसब बिस्‍बास नै करैतक बहुतो इजराएलीसबके हिरदय कठोर हेतै।

रोमी 11:7

अकर मतलब सब इजराएलीसब परमेस्‍वरके अगा धरमी हैले चाहतो परभी नै भेलै महज परमेस्‍वरके छानल कुछ इजराएलीसब मातरे धरमी ठहरलै। औरो बाकी इजराएलीसब कठोर भेलै।

रोमी 2:19

तुसब, मनके आन्‍हर भेल लोकसबके डोरियाबैचियै कैहके धाख लगाइचिही। तुसब अन्‍हारमे चलैबलासबके लेल अपनाके इजोत सम्‍झैचिही।

१ कोरन्‍थी 1:21

सन्‍सारके लोकसब आपन बुइधसे परमेस्‍वरके चिन्‍हैले नै सक्‍लै, तैल्‍याके उ आपन बुधिमानी योजना अनुसार अपनासबके परचार करल मुरुख बातसबसे बिस्‍बास करैबलासबके बचाइले चाहल्‍कै।

१ कोरन्‍थी 2:8

अइ जुगके कोनो सासकसब परमेस्‍वरके बातके बुझैले नै सकल्‍कै। यदि उसब बुझने रहतियै त महिमाके परभुके कुरूसमे नै टाङतियै।

२ कोरन्‍थी 3:14

महज ओइसबके मन कठोर भेलासे आइतक उ पुरन्‍का करारमे भेल बेबस्‍था परहैछै त ओइसबके बुझैबला समझ झापल रहैछै, ओहैसे उसब सत बात बुझैले नै सकैछै। आब येसु खिरिस्‍टमे बिस्‍बास कैरके मातरे उ समझ उघरैछै।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

गलाती 4:8

तुसब परमेस्‍वरके चिन्‍हैसे पहिने बहुतो देबी-देउतासबके पुजा करैछेल्‍ही, जे परमेस्‍वर नै चियै। तुसब ओकर दास छेल्‍ही।

एफिसी 2:1

तुसब बिस्‍बास करैसे पहिने अटेरीपन आ पापके कारन आत्‍मिक रुपमे मरल छेल्‍ही।

एफिसी 2:12

ओइ बखत तुसब खिरिस्‍टके नै चिन्‍हैबला लोक छेल्‍ही। तुसब परमेस्‍वरके छानल इजराएलीसबसङे समबन्‍ध नै भेल्‍हा बिदेसी छेल्‍ही। परमेस्‍वर आपन लोक इजराएलीसङे करल परतिग्‍यासबसे जोरल करारमे तोरासबके कोनो जगह नै छेलौ, तब सन्‍सारमे तुसब बिना आस आ बिना परमेस्‍वरके छेल्‍ही।

कलस्‍सी 1:21

एक समयमे तुसब परमेस्‍वरसे दुर छेल्‍ही। दुस्‍ट काम आ बिचार करलाके कारन तुसब परमेस्‍वरके दुस्‍मन छेल्‍ही।

१ थेसलोनिकी 4:5

परमेस्‍वरके नै चिन्‍हैबला लोकसब जखा बेबिचारके ललसा नै कर।

हिबरु 5:2

उ अनजान आ खराब बाटमे लागल लोकसबके नम्‌र भ्‍याके सम्‍झाइले सक्‍तै, कथिलेकी उ आपने दुरबलतासे घेराल रहैछै।

हिबरु 9:7

महज दोसर कोठलीके महापबितर ठाममे परधान पुजारी मातरे बरिसके एकबेर जाइछेलै। उ लहु ल्‍याके मातरे जाइले पाबैछेलै। उ लहु आपन पापके लेल आ लोकसबके अन्‍जानमे करल पापके लेल उ चरहाइले जाइछेलै।

याकुब 4:4

हे बेबिचारी लोकसब! परमेस्‍वरके छोइरके यि सन्‍सारके खराब चालचलनमे चलैबला लोकसब परमेस्‍वरके दुस्‍मन हैछै से बात तोरौरके थाह नै छौ? अहैलेल यदि कोनो लोक यि सन्‍सारके खराब चालचलनमे चल्‍तै, उ परमेस्‍वरके दुस्‍मन चियै।

१ पतरुस 1:14

तुसब आग्‍याकारी धिया-पुता जखा रह। अन्‍जानमे रहै बखत अधलाह इक्‍छा अनुसार जनङ करैछेल्‍ही तनङ नै कर।

१ युहन्‍ना 2:11

महज भाइके अपहेलना करैबला अन्‍हारमे रहैछै आ अन्‍हारेमे चलैछै। उ कते ज्‍यारहलछै से नै जानैछै, कथिलेत अन्‍हार ओकरा अन्‍हर कैरदेने रहैछै।