एफिसी 4:17 - मध्‍य पुरविया थारू

¹⁷ अहै खातिर हम परभुके देल अधिकारसे तोरासबके जोर द्‍याके कहैचियौ, आबसे तोरासबके चालचलन परमेस्‍वरके नै चिन्‍हैबलासब जखा नै हेबे। कथिलेत ओइसबके सोच-बिचार बेकार छै।

एफिसी 4:17 ပူးပေါင်းရင်းမြစ်များ

लुका 16:28

कथिलेत हम पाँच भैयारी चियै, उ ज्‍याके ओइसबके चेताबे नै त ओहोसब हमरे जखा एहिनङ दुखे दुख भेल जगहमे चैलएतै।’

परेरित 14:15

“यौ साथीसब, अहाँसब कथिले एहेन काम करैचियै? हम्‍हुसब त अहैसब जखा दुख-सुख भोगैबला लोकसब चियै आ अहाँसब यि मुरुतके पुजा-पाठ करैले छोइरके जिबित परमेस्‍वर जे अकास, पिरथिबी, समुन्‍दर आ ओइमे जे कुछो छै, ओइसबके बनाइनेछै तैमे बिस्‍बास करु कैहके सुसमाचार सुनाबैले एलचियै।

परेरित 18:5

सिलास आ तिमोथी माकेडोनियाके इलाकासे एलाकेबाद पावल आपन पुरा समय सुसमाचार सुनाबैमे लाग्‍यादेल्‍कै। उ यहुदीसबके समझाइत रहलै, “येसुवे मुक्‍ती दैबला खिरिस्‍ट चियौ।”

परेरित 2:40

औरो बहुत बातसबसे उ ओइसबके गबाही देल्‍कै आ सम्‍झाइत कहल्‍कै, “यि भरस्‍ट पुस्‍तासे तोरौरके आबैबला दन्‍डसे अपने-आपके बचा।”

परेरित 20:21

हम यहुदीसब आ गिरिकसब पस्‍चाताप कैरके परमेस्‍वर दिसन घुमे आ अपनासबके परभु येसु खिरिस्‍टमे बिस्‍बास करे से बातके चेताइने चियै।

रोमी 1:21

कथिलेत उसब परमेस्‍वरके चिन्‍हीयोके ओकरा आदर नै करल्‍कै, नै त धन्‍यबाद देल्‍कै, महज उसब आपन बिचारमे बेकम्‍मा भेलै आ ओइसबके मुरुख हिरदय औरो अन्‍हारसे भरलै।

१ कोरन्‍थी 1:12

हमर कहैके मतलब यि चियै कि, तोरासबमेसे कोइ “हम पावलके” कोइ “हम अपोल्‍लोसके” त कोइ “हम पतरुसके” त कोइ “हम खिरिस्‍टके” चियै कैहके सुनैचियौ।

१ कोरन्‍थी 15:50

हे हमर पिरिय भाइ-भैयासब, हम तोरासबके यि बात कहैले चाहैचियौ, कि मासु आ लहुसे बनल अपनासबके देह परमेस्‍वरके राजके हकदार हैले नै सक्‍तै। तहिनङे नास हैबला देह कहियो नास नै हैबला देहके हकदार हैले नै सक्‍तै।

२ कोरन्‍थी 9:6

महज यि बातके मनमे राख कि, “जे कम बिया छिटैछै उ कमे कटनी करतै, महज जे बेसिसे छिटैछै उ बेसिएसे कटनी करतै।”

गलाती 3:17

हमर कहैके मतलब यि चियै कि, परमेस्‍वर आपनेसे परतिग्‍या करल बातमे मोहर लग्‍यादेने छै। महज चार सय तिस बरिसके बाद एल बेबस्‍था परमेस्‍वरके लग्‍याल मोहर मेट्‍याके ओकर परतिग्‍या रद नै कैरसकैछै।

गलाती 5:3

खतना हैले परतौ कहैबलासबके हम फेनसे कहैचियौ, बेबस्‍थामे भेल सब आग्‍यासब पालन करैये परतौ से कैहके कर लाग्‍तौ।

एफिसी 1:22

परमेस्‍वर सब बात खिरिस्‍टके अधिनमे राइखदेनेछै आ मन्‍डलीके लेल सब बातके सिर बनाइनेछै।

एफिसी 4:22

तोरासबके पुरन्‍का जिबन आपने खराब इक्‍छाके कारनसे नस्‍ट हैतरहौ। तैखातिर तुसब आपन पुरन्‍का जिबन तियाइदहै।

कलस्‍सी 2:18

हमरासबके दरसन मिललछै कैहके झुठ नमरता देखाबैत, स्‍वरगदुतके पुजा करैबला आ आपनेके महान समझैबलासब छै। उसब एहेन छल-कपटमे फैसके तुसब पाबैबला इनाम नै गुमा। एहेन लोकसब बिना कारन देहके स्‍वभाबके ग्‍यानमे घमन्‍ड कैरके फुलल रहैछै।

कलस्‍सी 2:4

अहै खातिर तोरासबके कहैचियौ बिस्‍बास लागैबला जखा झुठ बातसे कोइ नै धोखा देबे।

१ थेसलोनिकी 4:6

एहैन खराब काम कैरके कोनो लोक आपन बिस्‍बासी भाइसबसे नाजाएज फाइदा नै उठाबे। कथिलेकी एहेन पाप करैबलासबके परमेस्‍वर दन्‍ड दैछै। अइके बारेमे हमसब पहिने तोरासबके एकदमसे चेताइने चियौ।

१ तिमोथी 5:21

हम तोरा परमेस्‍वर, खिरिस्‍ट येसु आ चुनलगेल स्‍वरगदुतके अगा करा आग्‍या द्‍याके यि कहैचियौ कि भेदभाव बिना यि नियमसब पालन कर। पक्‍छपात कैरके कोनो काम नै कर।

१ तिमोथी 6:13

सब चिजके जिबन दैबला परमेस्‍वर आ पन्‍तियस पिलातसके अगा असल साक्‍छी दैबला येसु खिरिस्‍टके अगा, हम तोरा यि आग्‍या दैचियौ,

२ तिमोथी 4:1

परमेस्‍वर आ खिरिस्‍ट येसुके अगा, जे आपन राज अस्‍थापना करैले एतै आ उ जियल आ मरल सबके नियाय करतै, तै बातके धियानमे राइखके हम तोरा करा आग्‍या दैत कहैचियौ कि

१ पतरुस 1:18

तुसब जानैचिही कि परमेस्‍वर तोरासबके पिता-पुरखासे चलैत एल बेरथके चालचलनसे दाम तिरके तोरासबके छुटकरा देल्‍कौ। उ दाम सोना या चानी जखा नास हैबला चिज नै चियै।

२ पतरुस 2:18

उसब घमन्‍डी आ मुरुख बात करैछै आ देहके लालसा देखाके भरखर खराब रस्‍तासे बाहर एलहा लया बिस्‍बासीसबके फसाबैछै।