एफिसी 4:15 - मध्‍य पुरविया थारू

¹⁵ बरु परेमसे सत बाइजके सब बातमे अपनासब खिरिस्‍टे जखा हेब्‍ही, कथिलेत वह्‍या अपनासबके सिर चियौ।

एफिसी 4:15 ပူးပေါင်းရင်းမြစ်များ

युहन्‍ना 1:47

नथानेलेके आपन दिसन आबैत देखके येसु कहल्‍कै, “देख, उ पक्‍के इजराएली चियै, ओकरमे कोनो छलकपट नै छै।”

रोमी 12:9

तोरासबके परेम देखाबटी नै महज सत हेबे। खराब काम छोइरके असल काममे लागल रह।

१ कोरन्‍थी 11:3

महज तोरासबके यि बात थाह हेबे कि खिरिस्‍ट हरेक मानबके सिर चियै। तहिनङे घरबला आपन घरबालीके सिर चियै आ परमेस्‍वर खिरिस्‍टके सिर चियै।

२ कोरन्‍थी 4:2

हमसब सब किसिमके घोसैरके करैबला सरमके कामसब त्‍यागनेचियै। हमसब धुर्‌त काम नै करैचियै नै त परमेस्‍वरके बचनके गलत हिसाबसे परयोग करैचियै। महज परमेस्‍वरके सामने हमसब खिरिस्‍टके बारेमे सत बात मातरे बोलैचियै, ताकि कोनो लोकसबके मनमे हमसब छल करैचियै कैहके दोस लगाइले नै पाबे।

२ कोरन्‍थी 8:8

हम यि आग्‍याके रुपमे नै महज औरोसबके जोससङे तुलना कैरके तोरासबके परेम साँचो चियौ कैहके परमानित करैके लेल हम यि कहलियौ।

एफिसी 1:22

परमेस्‍वर सब बात खिरिस्‍टके अधिनमे राइखदेनेछै आ मन्‍डलीके लेल सब बातके सिर बनाइनेछै।

एफिसी 1:4

उ सन्‍सार सिरिस्‍टी करैसे पैहनिए खिरिस्‍टमे अपनासबके आपन अगा पबितर आ निरदोस करैले छान्‍ने छेलै।

एफिसी 2:21

ओह्‍या पुरे घरके थाइम्‍हके राखनेछै आ उ यि घरके परभुमे एकटा पबितर मन्‍दिर बनाबितेछै।

एफिसी 4:25

अहै खातिर आब झुठ बाजैले छोइरदहै। एक-दोसरसङे सच-सच बोल कथिलेत अपनासब सबगोरा खिरिस्‍टके देहके अङसब चियै।

एफिसी 5:23

कथिलेत घरबला घरबालीके सिर चियै, जनङ खिरिस्‍ट मन्‍डलीके सिर चियै, जे मन्‍डली ओकर देह आ उ स्‍वयम मन्‍डलीके मुक्‍ती दैबला चियै।

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।

१ पतरुस 2:2

भरखरे जलमल बच्‍चासब दुधके चाहना करल जखा तुहुसब सुध आत्‍मिक बचनके लेल पियासल रह। वेहन करैत जेब्‍ही त तुसब मुक्‍तीमे बरहैत जेब्‍ही।

२ पतरुस 3:18

महज अपनासबके परभु आ मुक्‍ती दैबला येसु खिरिस्‍टके अनुगरह आ ग्‍यानमे बरहैत जो। ओकर महिमा अखैन आ सबदिन हेबे। आमेन।

१ युहन्‍ना 3:18

हे हमर धियापुतासब, अपनासब खाली मुह आ बातसे मातरे परेम नै कर, महज अपनासब काम आ सत्‍यतासे परेम करैजो।