एफिसी 3:9 - मध्‍य पुरविया थारू

⁹ सब चिजके सिरिस्‍टी करैबला परमेस्‍वरमे जुगो-जुगतक घोसाइरके राखल रहसके योजना कि चियै, से बात सबलोकके खुलस्‍त रुपमे बताइबला काम हमरा देने छै।

एफिसी 3:9 ပူးပေါင်းရင်းမြစ်များ

मतीके लिखल सुसमाचार 10:27

जे बात हम तोरासबके अन्‍हारमे कहैचियौ, से बात तुसब इजोतमे सबके कैहदहै आ जे बात हम तोरासबके कानमे कहनेचियौ से बात घरके छतसे परचार कर।

मतीके लिखल सुसमाचार 13:35

तब अहिनङे अगमबक्‍ताके कहल बचन पुरा भेल छै- “हम तोरासबसे खिसामे बात करबौ आ सन्‍सार सिरिस्‍टीके सुरुवेसे जे बातसब झापल छेलौ से बात हम कहबौ”।

मतीके लिखल सुसमाचार 25:34

तकरबाद रजा आपन देहना कात ठारभेल लोकसबके कहतै, ‘हे हमर पितासे आसिरबाद पाबल लोकसब! ओइ राजके भोगबिलास करु, जकरा सन्‍सारके उतपतीएसे तोरासबके लेल तैयार करने छै।

मतीके लिखल सुसमाचार 28:19

तहैलेल जो आ सब देसके लोकसबके चेला बना, पिता, पुतर आ पबितर आत्‍माके नाममे बप्‍तिस्‍मा दहै।

लुका 24:47

तब यरुसलेमसे सुरु कैरके सब जातीसबके ओकर नाममे पस्‍चाताव आ पाप छमाके परचार हैलेपरतै।

युहन्‍ना 10:30

पिता आ हम एके चियै।”

युहन्‍ना 5:17

महज येसु उसबके जबाफ देल्‍कै, “हमर पिता अखनियोतक काम कैरते छै आ हम्‍हु काम कैरते चियै।”

युहन्‍ना 5:19

तब येसु ओइसबके जबाफ देल्‍कै, “साँचोके हम तोरासबके कहैचियौ, बेटा स्‍वयम आपनेसे कुछो करे नै सकैछै, महज पिताके जे करैत देखैछै, उ ओह्‍या मातरे करे सकैछै, कथिलेत पिता जे-जे करैछै, बेटो ओह्‍या-ओह्‍या करैछै।

परेरित 15:18

“यि बात परमपरभु कहैछै, जे सिरिस्‍टीके सुरुवेसे यि बातसबके जानकारी कराइत एलछै।

रोमी 11:25

हे हमर भाइ-भैयासब, हम तोरासबके एकटा रहसके बात थाह हेबे कैहके चाहैचियौ। उ बात तोरासबके थाह हेतौ त तुसब आपनेके बुधिमान ठाइनके घमन्‍ड नै करबिही। उ रहसके बात यि चियै कि, खिरिस्‍टमे आबैबला गैर-यहुदीसब बिस्‍बास नै करैतक बहुतो इजराएलीसबके हिरदय कठोर हेतै।

१ कोरन्‍थी 2:7

महज हमसब त परमेस्‍वरके गुप्‍त आ घोसारल ग्‍यानके परचार करैचियै, जे सिरिस्‍टी हैसे पैहनिए परमेस्‍वर अपनासबके महिमाके खातिर नियुक्‍त करने छेलै।

एफिसी 1:4

उ सन्‍सार सिरिस्‍टी करैसे पैहनिए खिरिस्‍टमे अपनासबके आपन अगा पबितर आ निरदोस करैले छान्‍ने छेलै।

एफिसी 3:2

तोरासबके लेल हम परमेस्‍वरके अनुगरहके काम करैले जिम्‍मा पाबनेचियै से बात तुसब सुन्‍नेचिही।

एफिसी 6:19

हमरो खातिर परथना कर। जखुन हम बाजैके लेल आपन मुह खोल्‍बै तखुन परमेस्‍वर हमरा बचन देबे आ हम निडर भ्‍याके सुसमाचारके रहस दोसरके बुझ्‍हाबे सकी।

कलस्‍सी 1:23

साँचोके तुसब आपन बिस्‍बासमे अस्‍थिर आ बलगर भ्‍याके सुनल सुसमाचारके आसासे पछा नै हट। एह्‍या सुसमाचार चियै, जे सन्‍सारके सब लोकसबके परचार करलगेलछै। हम पावल सेहो एह्‍या सुसमाचार सुनाइले परमेस्‍वरके सेबक भेलचियै।

कलस्‍सी 1:26

यि बात जुगो-जुग आ पुस्‍तो-पुस्‍ताके लोकसब बुझैले नै सकल छेलै महज आब उ खिरिस्‍टके पबितर जनसबके परकट कैरदेनेछै।

कलस्‍सी 3:3

कथिलेत तोरासबके पुरन्‍का जिबन मरलछौ आ तोरासबके लया जिबन खिरिस्‍टसङे परमेस्‍वरमे घोसरलछौ।

कलस्‍सी 4:3

खिरिस्‍टके रहसके बात लोकसबके परचार करैले परमेस्‍वर केबार उघाइरदेबे कैहके हमरासबके लेल सेहो परथना कर। अहै रहसके परचार करैके कारनसे हम जहलमे परल चियै।

२ थेसलोनिकी 2:13

परभुके परेम करल भाइ-भैयासब, तोरासबके खातिर हमसब हरदम परमेस्‍वरके धन्‍यबाद चरहाइले बिबस चियौ, कथिलेत परमेस्‍वर सुरुवेसे तोरासबके मुक्‍ती दैकेलेल चुनल्‍कौ। उ मुक्‍ती तोरासबके पबितर बनाइले पबितर आत्‍मासे आ सत बातमे तोरासबके करल बिस्‍बाससे आबैछै।

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

२ तिमोथी 1:9

परमेस्‍वरे हमरौरके बचेल्‍कै आ आपन पबितर बोलाबटसे बोलाइल्‍कै। हमरौरके काम देखके नै, महज उ आपन इक्‍छा आ अनुगरहसे करने छै, जे उ खिरिस्‍ट येसुमे जुगो-जुग पहिनेसे हमरासबके देने छेलै।

२ तिमोथी 4:17

तैयो परभु हमरसङे रैहके हमरा सक्‍ती देल्‍कै। तहैले हम गैर-यहुदी लोकसबके परमेस्‍वरके सुसमाचार निकसे सुनाबे सकलियै। अहिनङे परभु हमरा सिंहके मुहसे बचेल्‍कै।

तितस 1:2

उ बिस्‍बास आ ग्‍यान अनन्‍त जिबन पाबैके आसमे अरल छै, यि जिबन कहियो झुठ नै बोलैबला परमेस्‍वर सन्‍सार सिरिस्‍टी हैसे पहिने अपनासबके दैले परतिग्‍या करने छेलै।

१ पतरुस 1:20

परमेस्‍वर सन्‍सारके सिरिस्‍टी करैसे पैहनिए ओकरा चुन्‍ने रहै महज तोरासबके भलाइके खातिर अन्‍तिम समयमे उ परगट भेलै।

परकास 13:8

मारलगेल थुमाके जिबनके किताबमे सन्‍सारके सिरिस्‍टी हैसे पहिने नाम लिखल लोकसब बाहेक पिरथिबीमे रहैबला सबकोइ ओइ जानबरके पुजा करतै।

परकास 14:6

तब हम बिच अकासमे उरैत दोसर स्‍वरगदुतके देखलियै। पिरथिबीमे रहैबला हरेक जाती, कुल, भसा आ देसके लोकसबके सुनाबैले ओकरसङे अनन्‍त सुसमाचार छेलै।

परकास 17:8

तु जे जानबर देखलिही उ एक समयमे जिबित छेलै महज अखुन मरल छै। उ गैहर खाइदसे बाहर निकैलके एतै आ नासमे जेतै। सन्‍सारके सिरिस्‍टी हैसे पहिने जकर नाम जिबनके किताबमे लिखल नै छै, उसब उ जानबरके देखके छक परतै, कथिलेत एक समयमे उ जिबित छेलै अखुन मरल छै। महज उ पाछे फेरसे जिबित हेतै।

परकास 4:11

“हे हमर परभु परमेस्‍वर, अहाँ सम्‍मान, आदरके योग्‍य चियै, कथिलेत अहि सब चिजके सिरिस्‍टी करनेचियै आ अहाँ आपने इक्‍छा बमोजिम सिरिस्‍टी करलियै आ उ असतित्‍वमे एलै।”