एफिसी 3:20 - मध्‍य पुरविया थारू

²⁰ अपनासबके भितर काम करैबला सक्‍तीसे अपनासबके माङलहा आ सोचलहासे बेसी कैरके परमेस्‍वर दैले सक्‍तै।

एफिसी 3:20 ပူးပေါင်းရင်းမြစ်များ

मतीके लिखल सुसमाचार 3:9

‘हमसब अबराहमके सन्‍तान भेलासे बाँच्‍बै’ कैहके नै सोच। कथिलेत हम तोरासबके कहैचियौ, परमेस्‍वर यि पथलोसे अबराहमके खातिर धियापुता जलमा सकैछै।

युहन्‍ना 10:10

चोर त चोराइले, मारैले आ नास करैके लेल मातरे आबैछै। महज हम त लोक जिबन पाबे आ उ भरपुर कैरके पाबे कैहके एलियै।

रोमी 16:25

आब अपनासबके परमेस्‍वरके आदर आ सम्‍मान हेबे। हमर करल खिरिस्‍टके सुसमाचार परचारसे उ तोरासबके बिस्‍बासमे बलगर बनाइले सकलछै। येसु खिरिस्‍टके बारेमे हमर करल परचार, जे जुगो-जुगसे घोसाइरके राखल छेलै, आब परकट भेलछै।

रोमी 4:21

कथिलेत परमेस्‍वर आपन करल परतिग्‍या अबस्‍य पुरा करतै कैहके उ निसचिन्‍त छेलै।

१ कोरन्‍थी 2:9

महज पबितर धरमसास्‍तरमे एहेन लिखलछै, “आँखसे नै देखलहा आ कानसे नै सुनलहा आ लोकके मनमे नै चितेल्‍हा, एह्‍या बात परमेस्‍वर ओकरा परेम करैबलासबके लेल तयार करने छै।”

२ कोरन्‍थी 9:8

परमेस्‍वर तोरासबके हरेक परकारके आसिस परसस्‍त कैरके दैले सक्‍तौ, ताकि तोरासबसङे सबदिन हरेक चिज परसस्‍त हेबे आ हरेक असल कामके लेल तुसब परसस्‍त कैरके दैले सक।

एफिसी 1:19

खिरिस्‍टमे बिस्‍बास करैबलासबके खातिर काम करैबला ओकर महान सक्‍ती अनुमाने करैले नै सकबिही। यि बात तोरासबके थाह हेबे कैहके हम परथना करैचियौ।

एफिसी 3:7

परमेस्‍वरके बरदानसे हम सुसमाचार परचार करैबला सेबक भेलियै, यि बरदान उ आपन सक्‍तीके काम अनुसार हमरा देल्‍कै।

कलस्‍सी 1:29

खिरिस्‍टके महान सक्‍तीमे भर पैरके यि काम हम एकदम मेहनतसे करैचियै।

१ तिमोथी 1:14

आब देख, अपनासबके परभु येसुके अनुगरह हमर उपर कतहेक बहौत छै कि उ आपन बिस्‍बाससे आ परेमसे हमरा भरल्‍कै।

हिबरु 11:19

इसहाक मरबो करतै त परमेस्‍वर ओकरा जियाइले सक्‍तै कैहके अबराहम बिस्‍बास करल्‍कै आ साँचोके अबराहम इसहाकके मरलसे जिबित भेल जखा फेनसे पाबल्‍कै।

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।

याकुब 4:12

बेबस्‍था दैबला आ नियाय करैबला त एके छै, जे बचाइछै आ नासो करे सकैछै। महज आपन परोसियाके दोख लगाइबला तु के चिही?

२ पतरुस 1:11

तब अपनासबके परभु आ मुक्‍ती दैबला येसु खिरिस्‍टके अनन्‍त राजमे तोरासबके धुम-धामसे स्‍वागत हेतौ।

यहुदा 1:24

तोरासबके पापमे परैसे बचाइले सकैबला आ आनन्‍दसाथ आपन महिमाके अगा तोरासबके निरदोस ठहराइले सकैबला परमेस्‍वरके परसन्‍सा हेबे।