एफिसी 3:19 - मध्‍य पुरविया थारू

¹⁹ ग्‍यान आ बुइधसे बुझैले नै सकैबला खिरिस्‍टके परेमके बुझैले सक आ तुसब परमेस्‍वरके सारा सक्‍तीसे भरपुर हैले सक कैहके हम परथना करैचियौ।

एफिसी 3:19 ပူးပေါင်းရင်းမြစ်များ

मतीके लिखल सुसमाचार 5:6

धैनके चियै धारमिकताके खातिर भुखल-पियासलसब, कथिलेत उसब अघाइतै।

युहन्‍ना 1:16

ओकरे अनुगरहसे उटुङ-टुटुङ भैरके आसिस उपर आसिस मिलरहल छै।

युहन्‍ना 17:3

अनन्‍त जिबन एह्‍या चियै कि, उसब अहाँ एक मातरे सत परमेस्‍वरके आ अहाँके पठाएल येसु खिरिस्‍ट चियै से जाने।

रोमी 8:35

कोन बातसे अपनासबके खिरिस्‍टके परेमसे अलग करैले सक्‍तै? अपनासबके दुख, कठिनाइ, सताबट, नाङट आ भुखल रहैबला अबस्‍था आबैले सक्‍तै। अपनासब कोनो भारी बिपतमे या मरैयोले सक्‍बै महज यि कोनो चिजसे अपनासबके खिरिस्‍टके परेमसे अलग करैले नै सक्‍तै।

रोमी 8:39

नै त अकास, नै त पताल, सिरिस्‍टीके कोनो सक्‍ती अपनासबके परमेस्‍वरके परेमसे अलग करैले नै सक्‍तै। कथिलेत खिरिस्‍ट दुवारा परमेस्‍वर अपनासबके परेम करने छै।

२ कोरन्‍थी 5:14

हमसब त खिरिस्‍टके परेमके बसमे चियै, कथिलेकी हमसब निसचिन्‍त चियै कि सबलोकके लेल खिरिस्‍ट मरलाके कारन सबके मिरतु भेलै।

गलाती 2:20

हमर पहिन्‍का स्‍वभाब खिरिस्‍टेसङे कुरूसमे मरल छै। आबसे हम नै महज खिरिस्‍ट हमरमे जियैछै। जे जिबन अखन हम सरिरमे जियैचियै से परमेस्‍वरके बेटामे बिस्‍बास कैरके जियैचियै कथिलेत उ हमरा परेम करल्‍कै आ हमर खातिर उ बलिदान भेलै।

एफिसी 1:23

मन्‍डली खिरिस्‍टके देह चियै, एह्‍या देह सब बातसे भरल ओकर पुरा रुप चियै।

एफिसी 3:18

तब तुहुसब खिरिस्‍टके पबितर लोकसबसङे खिरिस्‍टके परेमके लम्‍बा, चौरा, उच आ गैहर कतहेक छै, से बात बुझैले सकबिही।

एफिसी 5:2

जनङ खिरिस्‍ट अपनासबके परेम करल्‍कौ, तहिनङ तुहुसब एक-दोसरके परेम कर। उ अपनसबके खातिर परमेस्‍वरके अगा आपनेके गमगम करैबला भेटी आ बलिदानके रुपमे अरपन करल्‍कै।

एफिसी 5:25

हे घरबलासब, आपन घरबालीसबके परेम कर, जनङ खिरिस्‍ट मन्‍डलीके परेम करल्‍कै आ आपन जिबन अरपन करल्‍कै।

फिलिप्‍पी 1:7

तोरासबके हम आपन हिरदयमे राखनेचियौ। तोरासबके बारेमे अनङ करनाइ हमरा ठिक लाग्‍लै कथिलेकी हम जहलमे रहैबेर आ बाहरमे रहैबेर सुसमाचार परचार आ अकरा जोगाइबला काममे परमेस्‍वरके देल अनुगरहमे तुसब हमरसङे सहभागी भेलचिही।

फिलिप्‍पी 4:7

तब लोकके समझसे बाहर रहल परमेस्‍वरके सान्‍तीसे तोरासबके हिरदय आ मनके खिरिस्‍ट येसुमे रक्‍छा करतौ।

कलस्‍सी 1:10

तब तुसब परभुके मनपरैबला जिबन बिताके ओकरा खुसी करैले सकबिही। सब असल काममे तुसब फल फराइत परमेस्‍वरके ग्‍यानमे बैढते जेब्‍ही।

१ पतरुस 1:8

तुसब ओकरा नै देख्‍नेचिही तैयो परेम करैचिही। अखैन तुसब नै देखैचिही तैयो ओकरमे बिस्‍बास करैचिही आ बखाने नै करेसकैबला गौरबमय आनन्‍दमे तुसब खुसी चिही।

२ पतरुस 3:18

महज अपनासबके परभु आ मुक्‍ती दैबला येसु खिरिस्‍टके अनुगरह आ ग्‍यानमे बरहैत जो। ओकर महिमा अखैन आ सबदिन हेबे। आमेन।