एफिसी 2:8 - मध्‍य पुरविया थारू

⁸ कथिलेकी परमेस्‍वरके अनुगरहसे तुसब बिस्‍बाससे बच्‍याल गेलचिही। तुसब आपनेसे कोसिस कैरके नै, यि त परमेस्‍वरके देल बरदान चियौ।

एफिसी 2:8 ပူးပေါင်းရင်းမြစ်များ

मतीके लिखल सुसमाचार 16:17

येसु ओकरा कहल्‍कै, “हे योनाके बेटा सिमोन, तु धैनके चिही! कथिलेत यि बात तोरा लोकसे नै बल्‍की स्‍वरगमे रहैबला हमर पितासे परगट भेलछौ।

मतीके लिखल सुसमाचार 20:9

तब पाँच बजे काम सुरु करैबलासबके पैहने बोल्‍याके सबके एक दिन बराबरके बैन देल्‍कै।

मरकुस 16:16

बिस्‍बास करैबला आ बप्‍तिस्‍मा लैबलासब उदार पाबतै। महज बिस्‍बास नै करैबलासब दोसी ठहरतै।

लुका 7:50

महज येसु जनिजाइतके कहल्‍कै, “तोहर बिस्‍बाससे तोरा बचाइनेछौ, सान्‍तीसाथ जो।”

युहन्‍ना 3:36

जे कोइ परमेस्‍वरके बेटामे बिस्‍बास करैछै, ओकरसङे अनन्‍त जिबन छै। जे कोइ परमेस्‍वरके बेटाके नै मानैछै, से कोइ अनन्‍त जिबन नै पाबतै महज ओकर उपर परमेस्‍वरके करोध परतै।

युहन्‍ना 4:10

येसु ओकरा जबाब देल्‍कै, “परमेस्‍वर तोरा दैबला बरदानके आ तोहर सङे पानी माङैबला लोकके चिनतिही त, तु ओकरसे माङतिही आ उ तोरा जिबनके पानी देतियौ।”

युहन्‍ना 5:24

“हम साँचोके तोरासबके कहैचियौ, जे हमर बचन सुनैछै आ हमरा पठाइबलाके उपर बिस्‍बास करैछै, ओकरसङे अनन्‍त जिबन छै। उ नियाइमे नै परतै, महज मिरतुसे पार भ्‍याके उ जिबनमे परबेस करने छै।

युहन्‍ना 6:35

तब येसु फेनो उसबके कहल्‍कै, “जिबनके रोटी हम्‍ही चियौ। जे हमरलग एतै उ कहियो नै भुखल रहतै आ हमरमे बिस्‍बास करैबला कहियो नै पियासल रहतै।

युहन्‍ना 6:37

जकरा पिता हमरा देनेछै उ हमरलग एतै आ जे कोइ हमरलग एतै ओकरा हम कहियो नै छोरबै।

युहन्‍ना 6:40

कथिलेत हमर पिताके इक्‍छा यि चियै, कि बेटाके ताकैबला आ ओकरा बिस्‍बास करैबला सबकोइ अनन्‍त जिबन पाबे। हम ओकरा अन्‍तके दिनमे मरलसे जिबित करबै।”

युहन्‍ना 6:44

हमरा पठाबैबला पिता लोकसबके हमरलग आबैके मन नै देतै त कोइ नै हमरलग आबैले सक्‍तै आ अन्‍तके दिनमे हम उसबके जियाइबै।

युहन्‍ना 6:65

तब येसु फेनो कहल्‍कै, “ओहैसे हम तोरासबके कहनेचियौ, यदी पिता हमरलग आबैले नै देतै त कोइने हमरलग आबैले सक्‍तै।”

परेरित 13:39

येसुमे बिस्‍बास करैबला जतहेक छै से सब पापसे छुटकारा पाबने छै, जे बात मोसोके लिखल धरम-नियमसे पुरा करे नै सक्‍ने रहै।

परेरित 14:27

बरनाबास आ पावल एन्‍टिओखियामे पुग्‍लै तब ओते मन्‍डलीके सब बिस्‍बासीके बोलाइल्‍कै। तब ओइसबके सुनाइल्‍कै जे परमेस्‍वर ओकरासबसङे केहन-केहन काम करल्‍कै आ कनङके उ गैर-यहुदीसबके खातिर बिस्‍बासके केबार खोइलदेल्‍कै।

परेरित 15:11

महज हमसब बिस्‍बास करैचियै कि परभु येसुके किरपासे अपनासबके मुक्‍ती मिलल छै, जनङ उसबके मिलल छै।”

परेरित 16:14

ओते थिआटिरा सहरमे रहैबाली एकटा लिडिया नामके जनी रहै जे बैजनी रङके बस्‍तरके बेपार करैतरहै। उ परमेस्‍वरके मानैत रहै आ हमरासबके बात सुइन रहल छेलै। पावलके बात धियानसे सुनौक आ बिस्‍बास करौक कैहके परभु ओकर मनके देहरी खोइल देल्‍कै।

परेरित 16:31

तब उसब कहल्‍कै, “परभु येसुमे बिस्‍बास कर तब तु आ अहिनङ कैरके तोहर घर-परिबार उदार पाबतौ।”

रोमी 10:14

महज जे ओकरमे बिस्‍बासे नै करने छै, उ कनङके ओकरा पुकारतै? जकर बारेमे सुन्‍बे नै करने छै, तकरमे कनङके बिस्‍बास करतै? ओकर बारेमे कोइ परचार नै करतै त कनङके सुन्‍तै?

रोमी 10:17

बिस्‍बास सुनाइसे आबैछै आ सुनाइ त खिरिस्‍टके परचारसे आबैछै।

रोमी 4:16

ओहैसे परमेस्‍वरके परतिग्‍या बिस्‍बास दुवारा पाबैबलाके यि ओकर अनुगरहमे भर परैछै। यि परतिग्‍या बेबस्‍था पालन करैबला अबराहमके सन्‍तानसबके लेल मातरे नै महज अबराहम जखा बिस्‍बास कैरके जियैबलासबके लेल चियै, कथिलेत अबराहम सबके पुरखा चियै।

रोमी 4:5

कोनो लोक धरम-करममे नै महज पापी लोकसबके छमादैबला परमेस्‍वरमे बिस्‍बास करैछै त वह्‍या बिस्‍बासके कारन परमेस्‍वर ओकरा धरमी ठहराइछै। यि त परमेस्‍वरके दान चियै।

रोमी 9:16

ओहैसे परमेस्‍वर लोकके ओकर इक्‍छा आ बलबुतासे नै बोलाइनेछै महज परमेस्‍वरके किरपामे भर परैछै।

गलाती 3:14

अहैसे अबराहमके देल आसिस खिरिस्‍ट येसुसे औरो जातीके लोकसबके मिलैछै आ परमेस्‍वरके परतिग्‍या करल पबितर आत्‍मा अपनासब बिस्‍बाससे पाबैले सकैचियै।

गलाती 3:22

महज येसु खिरिस्‍टमे बिस्‍बास करैबलासबके परमेस्‍वरके परतिग्‍याके आसिस पाबैले सके कैहके सबके पापके अधिनमे राखल छै कैहके धरमसास्‍तर कहैछै।

एफिसी 1:19

खिरिस्‍टमे बिस्‍बास करैबलासबके खातिर काम करैबला ओकर महान सक्‍ती अनुमाने करैले नै सकबिही। यि बात तोरासबके थाह हेबे कैहके हम परथना करैचियौ।

एफिसी 2:10

कथिलेत हमसब असल कामसबके लेल खिरिस्‍ट येसुमे सिरिस्‍टी भ्‍याल ओकर हाथके सिप चियै। ओह्‍या अनुसार अपनासब चल कैहके उ पहिनेसे तयार करने रहै।

एफिसी 2:5

अपनासब अटेर कैरके आत्‍मिक तबरसे मरल छेलियै तैयो परमेस्‍वर खिरिस्‍टसङे अपनासबके जिबित करल्‍कौ। तुसब परमेस्‍वरेके अनुगरहसे बच्‍याल गेलचिही।

फिलिप्‍पी 1:29

कथिलेकी खिरिस्‍टके लेल तोरासबके यि देलगेलछौ, कि तुसब ओकरमे बिस्‍बास मातरे कैरके नै महज ओकर खातिर दुख सेहो भोगैले परतौ।

कलस्‍सी 2:12

कथिलेत बप्‍तिस्‍मा लैतखिना तुसब खिरिस्‍टसङे गारल गेल्‍ही आ मरलसे खिरिस्‍टके जियाइबला परमेस्‍वरके सक्‍तीमे बिस्‍बास करलाके कारनसे खिरिस्‍टसङे जिबित भेलचिही।

२ थेसलोनिकी 1:9

एहैन लोकसब परभुके उपस्‍थिती आ ओकर सक्‍तिके महिमासे अलग हेतै आ सबदिनके लेल नास हेतै।

हिबरु 6:4

कथिलेत उसब, जे एकबेर परमेस्‍वरके इजोत पाबनेछै, स्‍वरगके बरदानके सबाद पाबनेछै आ पबितर आत्‍मामे सहभागी भेलछै,

१ पतरुस 1:5

तुसब बिस्‍बास करलाके कारन परमेस्‍वरके सक्‍तिसे सुरक्‍छित रहलचिही। उ मुक्‍ती तोरासबके खातिर तैयार करनेछौ जे अन्‍तिम समयमे परगट हेतौ।