एफिसी 2:6 - मध्‍य पुरविया थारू

⁶ परमेस्‍वर अपनासबके येसु खिरिस्‍टसङे जिबित कराइल्‍कौ आ ओकरेसङे स्‍वरगिय ठामसबमे राज करैले देल्‍कौ।

एफिसी 2:6 ပူးပေါင်းရင်းမြစ်များ

मतीके लिखल सुसमाचार 26:29

हम तोरासबके कहैचियौ जाबेतक परमेस्‍वरके राजमे हम नै एबै ताबे तक लबका अङगुरके मध नै पिबौ।”

लुका 12:37

उ नोकरसब धैनके चियै, जब मालिक घर आबैछै त उसबके जागल देखैछै। साच्‍चे हम तोरासबके कहिचियौ, उ आपन डाँर कैसके ओकरासबके खियाइले बैठेतै आ आइबके सेबा करतै।

युहन्‍ना 12:26

जे हमर सेबा करैले चाहैछै उ हमर पछा आबे आ हम जते रहबै ओते हमर सेबक सेहो रहतै। जे कोइ हमर सेबा करैछै हमर पिता तकरा आदर करतै।

युहन्‍ना 14:3

हम ज्‍याके तोरासबके खातिर ठाम तयार करलाके बाद फेनो एबौ आ तोरासबके आपनलग ल्‍याजेबौ, तैल्‍याके हम जते रहैचियै ओतै तुहुसब हमरसङे रहबिही।

एफिसी 1:1

हम पावल, परमेस्‍वरके इक्‍छासे येसु खिरिस्‍टके परेरित, एफिसस सहरमे रहैबला आ येसु खिरिस्‍टमे बिस्‍बास करैबला पबितर लोकसबके यि चिठी लिखैचियौ।

एफिसी 1:3

अपनासबके परभु येसु खिरिस्‍टके पिता परमेस्‍वरके धन्‍यबाद हेबे। उ अपनासबके खिरिस्‍टमे स्‍वरगिय ठामसबमे सब आत्‍मिक आसिस देने छै।

एफिसी 2:10

कथिलेत हमसब असल कामसबके लेल खिरिस्‍ट येसुमे सिरिस्‍टी भ्‍याल ओकर हाथके सिप चियै। ओह्‍या अनुसार अपनासब चल कैहके उ पहिनेसे तयार करने रहै।

एफिसी 2:13

महज तुसब, जे ओइ बखत परमेस्‍वरसे दुर छेल्‍ही, आब खिरिस्‍ट कुरूसमे बह्‍याल लहुसे नजदिक भेलचिही।

कलस्‍सी 1:18

मन्‍डली खिरिस्‍टके देह चियै आ उ ओकर सिर चियै। लया जिबन दैबला उहे चियै कथिलेत मरलसे जिबित हैबलामेसे उ सबसे जेठ चियै आ उहे सब बातमे अधिकार करैछै।