एफिसी 2:4 - मध्‍य पुरविया थारू

⁴ महज परमेस्‍वर जे किरपामे धनिक छै, उ अपनासबके बहौत परेम करल्‍कै आ महान दया देखाइल्‍कै।

एफिसी 2:4 ပူးပေါင်းရင်းမြစ်များ

लुका 1:78

परमेस्‍वरके दयालु किरपाके कारन, स्‍वरगसे बिहन्‍का मुक्‍तीके इजोत हमरासबके लग पठाइतै।

रोमी 10:12

यहुदी आ गैर-यहुदी जातीमे कोनो फरक नै छै। उसबके एके परभु चियै आ ओकरा पुकारैबलासबके उ परसस्‍त कैरके आसिस दैछै।

रोमी 2:4

या कि तु परमेस्‍वरके महान किरपा, सहनसिलता आ धिरजके तुच्‍छ सम्‍झैचिही? परमेस्‍वर आपन किरपासे तोरा पापसे पस्‍चाताप करैके मौका देनेछौ से बात कि तोरा थाह नै छै?

रोमी 5:8

महज अपनासब पापी भेल बखत खिरिस्‍टके अपनासबके लेल बलिदान द्‍याके परमेस्‍वर अपनासबके लेल महान परेम देखेल्‍कै।

रोमी 9:23

उ अहैलेल अनङ करल्‍कै कि आपन दया करल लोकसबके महान महिमा देखाइले चाहल्‍कै। ओकर दया करल आ महिमाके लेल सुरुवेसे तैयार करल लोकसब हमसब चियै।

एफिसी 1:7

ओकर महान अनुगरह अनुसार खिरिस्‍ट आपन लहु बहेलासे अपनासब उधार आ पाप छमा पाबनेचियै।

एफिसी 2:7

यि काम परमेस्‍वर अपनासबके येसु खिरिस्‍टमे करल असिम अनुगरह कतेक महान छै कैहके आबैबला सब दिनमे देखाइके लेल करल्‍कै।

एफिसी 3:8

खिरिस्‍टके पबितर जनसबमेसे हम सबसे तुच्‍छ चियै तैयो खिरिस्‍टके महान सम्‍पतीके सुसमाचार गैर-यहुदीसबके सुनाइबला बरदान परमेस्‍वर हमरा देल्‍कै।

२ थेसलोनिकी 2:13

परभुके परेम करल भाइ-भैयासब, तोरासबके खातिर हमसब हरदम परमेस्‍वरके धन्‍यबाद चरहाइले बिबस चियौ, कथिलेत परमेस्‍वर सुरुवेसे तोरासबके मुक्‍ती दैकेलेल चुनल्‍कौ। उ मुक्‍ती तोरासबके पबितर बनाइले पबितर आत्‍मासे आ सत बातमे तोरासबके करल बिस्‍बाससे आबैछै।

१ तिमोथी 1:14

आब देख, अपनासबके परभु येसुके अनुगरह हमर उपर कतहेक बहौत छै कि उ आपन बिस्‍बाससे आ परेमसे हमरा भरल्‍कै।

२ तिमोथी 1:9

परमेस्‍वरे हमरौरके बचेल्‍कै आ आपन पबितर बोलाबटसे बोलाइल्‍कै। हमरौरके काम देखके नै, महज उ आपन इक्‍छा आ अनुगरहसे करने छै, जे उ खिरिस्‍ट येसुमे जुगो-जुग पहिनेसे हमरासबके देने छेलै।

१ पतरुस 1:3

परमेस्‍वर आ अपनासबके परभु येसु खिरिस्‍टके पिताके महिमा हेबे। ओकर महान दयासे हमसब लया जलम पाबनेचियै। उ लया जलम येसु खिरिस्‍टके पुनरुथानसे हमसब पाबनेचियै। ओहैसे अपनासबके जिबित आसा यि चियै कि,