एफिसी 2:12 - मध्‍य पुरविया थारू

¹² ओइ बखत तुसब खिरिस्‍टके नै चिन्‍हैबला लोक छेल्‍ही। तुसब परमेस्‍वरके छानल इजराएलीसबसङे समबन्‍ध नै भेल्‍हा बिदेसी छेल्‍ही। परमेस्‍वर आपन लोक इजराएलीसङे करल परतिग्‍यासबसे जोरल करारमे तोरासबके कोनो जगह नै छेलौ, तब सन्‍सारमे तुसब बिना आस आ बिना परमेस्‍वरके छेल्‍ही।

एफिसी 2:12 ပူးပေါင်းရင်းမြစ်များ

लुका 1:72

उ हमर पिता पुरखासबसङे बान्‍हल पबितर करार याद कैरके हमरासबके दया करने छै।

युहन्‍ना 10:16

हमर औरो भेंरासब छै जे अइ जेरके नै चियै। हमरा ओकरोसबके अइ जेरमे लाबैके जरुरी छै। उसब हमर बोली सुन्‍तै आ सब एके जेरमे हेतै आ उसबके एकेटा चरबाह हेतै।

युहन्‍ना 15:5

“अङगुरके लती हम्‍ही चियौ, तुसब ठाइर चिही। यदी कोइ हमरमे रहतै आ हम ओकरमे रहबै त, उ बहौत फल फराइतै, कथिलेकी हमरसे अलग रैहके तुसब कुछो करैले नै सकबिही।

युहन्‍ना 4:22

तु सामरी लोकसब ओकर आराधना करैचिही जकरा जान्‍बो नै करैचिही। हमसब जाइनके परमेस्‍वरके आराधना करैचियै, कथिलेत लोकके उदार यहुदी खानदानसे आबैछै।

परेरित 2:39

कथिलेत यि परतिग्‍या तोरासबके खातिर, तोरासबके धियापुताके खातिर आ दुर-दुरमे रहैबला सबके खातिर चियै, जकरा सबके परभु परमेस्‍वर बोलाइछै।”

परेरित 28:20

इजराएलीसबके आसा करल मुक्‍ती दैबला रजाके लेल हम अनङके झिझिरसे बान्‍हल गेल छी। यि बात बुझाबैले आ अहाँसबसे भेट कैरके बातचित करैले बोलेलियै।”

परेरित 3:25

तुसब उहे अगमबक्‍ता आ उहे भबिसबानीके बेटाबेटी चिही। जे परतिग्‍या परमेस्‍वर तोहर पुरखासब जरे बन्‍हने छेलै। परमेस्‍वर अबराहमके अनङ कहल्‍कै, ‘तोहर खानदानसे पिरथिबीके सब जातीसब आसिस पाबतौ।’

रोमी 9:8

अकर मतलब, अबराहमके सब सन्‍तान परमेस्‍वरके बेटा-बेटी नै चियै, महज परमेस्‍वर देबौ कैहके परतिग्‍या करल बेटा-बेटी मातरे अबराहमके सन्‍तान चियै।

गलाती 4:8

तुसब परमेस्‍वरके चिन्‍हैसे पहिने बहुतो देबी-देउतासबके पुजा करैछेल्‍ही, जे परमेस्‍वर नै चियै। तुसब ओकर दास छेल्‍ही।

एफिसी 2:19

अहै खातिर तु गैर-यहुदीसब आब बिदेसी आ अनचिन्‍हार नै चिही, महज परमेस्‍वरके जनसङे तुसब एके समुहके नागरिक आ परमेस्‍वरके परिबारके सदससब भेलचिही।

एफिसी 4:18

ओइसबके हिरदय कठोरताके कारन अन्‍हारसे झापलछै आ परमेस्‍वरके दैबला जिबनसे दुरछै।

कलस्‍सी 1:21

एक समयमे तुसब परमेस्‍वरसे दुर छेल्‍ही। दुस्‍ट काम आ बिचार करलाके कारन तुसब परमेस्‍वरके दुस्‍मन छेल्‍ही।

कलस्‍सी 1:27

यि महान रहसके बात गैर-यहुदीयो लोकसब बुझे कैहके परमेस्‍वरके योजना चियै। यि रहसके बात एह्‍या चियै, खिरिस्‍ट तोरासबमे बास करैछौ, जे गौरबके आसा चियौ।

कलस्‍सी 1:5

तोरासबके खातिर स्‍वरगमे सुरक्‍छित साथ राखल आसाके कारन एहेन बिस्‍बास आ परेम करैचिही। यि असाके बिसयमे तुसब पहिनेसे सतके बचन अरथात सुसमाचार सुन्‍नेचिही।

१ थेसलोनिकी 4:13

देख भाइसब, मरलहा बिस्‍बासीसबके कि हैछै से तोरासबके थाह हेबे से हमसब चाहैचियै, ताकि आसा नै भेल्‍हा लोकसब जखा तोरासबके सोक करे नै परे।

१ थेसलोनिकी 4:5

परमेस्‍वरके नै चिन्‍हैबला लोकसब जखा बेबिचारके ललसा नै कर।

२ थेसलोनिकी 2:16

आब अपनासबके परभु येसु खिरिस्‍ट आ अपनासबके परमेस्‍वर पिता अपनासबके परेम करल्‍कै। उ आपन अनुगरहसे अनन्‍त उत्‍साह आ असल आस देल्‍कै।

१ तिमोथी 1:1

हमरा मुक्‍ती दैबला परमेस्‍वर आ आसा दैबला येसु खिरिस्‍टके आग्‍या अनुसार नियुक्‍त भेल हम पावल, येसु खिरिस्‍टके परेरित यि चिठी

हिबरु 11:34

उसब धधकैत आइगके मुझा देल्‍कै, तलबारके धारसे बच्‍लै। उसब दुरबलतासे आब बलबन्‍त भेलै। लराइमे साहसके साथ लैरके सब बिदेसी सेनाके फौजके जितल्‍कै।

हिबरु 6:18

परमेस्‍वरके करल परतिग्‍या आ खेल किरिया यि दुनुबात कहियो नै बदल्‍तै, कथिलेकी परमेस्‍वर झुठ नै बोलैछै। अहैलेल ओकरमे सरन लैबलासब अपनासबके अगा राखल आसा पाबैले बरका हौसला पाबनेचियै।

हिबरु 8:6

महज येसुके भेटल सेबाके काम औरो पुजारीसबके कामसे एकदमे सेरेस्‍ठछै। ओहिनङे परमेस्‍वर आ ओकर लोकसबके बिचमे येसुके बान्‍हल लबका करार पुरन्‍का करारसे सेरेस्‍ठछै, कथिलेत यि करारके जग उतम परतिग्‍यासबमे आधारितछै।

१ पतरुस 1:21

ओकरेसे तुसब परमेस्‍वरमे बिस्‍बास करलिही, जे ओकरा मरलसे जिबित करल्‍कै आ ओकरा महिमा देल्‍कै, तैल्‍याके तोरासबके आपन बिस्‍बास आ भरोसा परमेस्‍वरमे रहे।

१ पतरुस 1:3

परमेस्‍वर आ अपनासबके परभु येसु खिरिस्‍टके पिताके महिमा हेबे। ओकर महान दयासे हमसब लया जलम पाबनेचियै। उ लया जलम येसु खिरिस्‍टके पुनरुथानसे हमसब पाबनेचियै। ओहैसे अपनासबके जिबित आसा यि चियै कि,

१ पतरुस 3:15

बरु खिरिस्‍टके परभु माइनके आपन हिरदयमे सरदा कर। तोरासबमे भेल आसाके बिसयमे कोइ पुछताछ करैछौ त जबाफ दैले हर समय तयार रह।

१ युहन्‍ना 3:3

खिरिस्‍टमे एहेन आस करैबला, उ आपनोके खिरिस्‍टे जखा पबितर कैरके राखैछै।