एफिसी 1:23 - मध्‍य पुरविया थारू

²³ मन्‍डली खिरिस्‍टके देह चियै, एह्‍या देह सब बातसे भरल ओकर पुरा रुप चियै।

एफिसी 1:23 ပူးပေါင်းရင်းမြစ်များ

युहन्‍ना 1:16

ओकरे अनुगरहसे उटुङ-टुटुङ भैरके आसिस उपर आसिस मिलरहल छै।

रोमी 13:5

तैल्‍याके दन्‍डसे बचैके लेल मातरे नै महज आपन बिबेकसे एहेन करनाइ ठिक चियै कैहके सासकसबके अधिनमे रहैके चाही।

१ कोरन्‍थी 12:6

तहिनङे कामसब बहौत किसिमके छै, महज सबके जिबनमे काम करैबला सक्‍ति ओह्‍या परमेस्‍वर दैछै।

१ कोरन्‍थी 15:28

जब सब चिज खिरिस्‍टके अधिनमे राखैछै तब बेटा स्‍वयम परमेस्‍वरके अधिनमे रहैछै। जे सबचिज आपन बेटाके अधिनमे राइखदेनेछै ताकी परमेस्‍वर सब चिज उपर अधिकार करे।

एफिसी 2:16

आ दुइ जाती बिचके दुस्‍मनी नास करैले आ एक जाती बनाइले परमेस्‍वरसङे मेल कराइले उ कुरूसमे बलिदान भेलै।

एफिसी 3:10

अहिनङके मन्‍डलीसे परमेस्‍वरके सब किसिमके ग्‍यान स्‍वरगके ठामसबके सासकसब आ अधिकारीसबके बिचमे परकट करे।

एफिसी 3:19

ग्‍यान आ बुइधसे बुझैले नै सकैबला खिरिस्‍टके परेमके बुझैले सक आ तुसब परमेस्‍वरके सारा सक्‍तीसे भरपुर हैले सक कैहके हम परथना करैचियौ।

एफिसी 4:10

उ जे निचा पिरथिबीमे उतरलै छेलै, वह्‍या सबसे उपरका स्‍वरगमे गेलै, ताकि ओकर उपस्‍थिती सारा जगतमे रहे।

एफिसी 4:12

खिरिस्‍टके सब पबितर जनसबके ओकर काम करे सकैबला बनाइले आ ओकर देह मन्‍डलीके बलगर बनाइले सके कैहके नियुक्‍त करल्‍कै।

एफिसी 4:13

अपनासब बिस्‍बास आ परमेस्‍वरके बेटाके ग्‍यानमे एक भेल आ खिरिस्‍टके पुर्‌नताके नाप अनुसार पकिया लोक बनल उ चाहैछै।

एफिसी 4:4

देह एके चियै आ पबितर आत्‍मो एके चियै। तहिनङ तोरासबके एके आसामे बोलाइनेछौ।

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

कलस्‍सी 2:19

अहिनङ यिसब त आपन सिर, जे खिरिस्‍ट चियै, ओकरसङे कोनो समबन्‍ध नै राखैछै। खिरिस्‍ट देहके सिर चियै जे पुरे देहके हटाकटा बनाबैछै, एहैन कैरके देह, गिरह-गिरह आ नसा-नसासब जुटैत परमेस्‍वरेके योजना अनुसार बरहैत-बरहैत जाइछै।

कलस्‍सी 3:11

तैखातिर अते गिरिक या यहुदी, देहमे खतना करल आ नै करल, असभ्‍य, असिक्‍छित, दास या स्‍वतन्‍तर ककरो कोनो भेदभाव नै छै महज खिरिस्‍टे सब चिज चियै आ सबमे बास करैछै।

कलस्‍सी 3:15

खिरिस्‍टके सान्‍तीके तुसब आपन हिरदयमे राज करैले दहै। एह्‍या सान्‍तीके खातिर परमेस्‍वर तोरासबके एके देहमे बोलाइनेछौ। यि बातमे तुसब धन्‍यबादी बन।