एफिसी 1:17 - मध्‍य पुरविया थारू

¹⁷ हम अपनासबके परभु येसु खिरिस्‍टके महिमाके पिता, परमेस्‍वरके यि परथना करैचियै कि उ तोरासबके बुइध आ परकासके आत्‍मा देबे ताकी तुसब ओकरा असलसे चिन्‍हैले सके।

एफिसी 1:17 ပူးပေါင်းရင်းမြစ်များ

मतीके लिखल सुसमाचार 11:25

ओहै बखत येसु कहल्‍कै, “हे पिता स्‍वरग आ पिरथिबीके मालिक, हम अहाँके धन्‍यबाद चरहाइचियै, कथिलेत यि बातसब अहाँ बातसब बुधिमान आ बिदवान सबसे घोसाइरके राखलियै, महज बच्‍चासबमे परगट करलियै।

मतीके लिखल सुसमाचार 11:27

“हमर पिता हमरा सबचिज सोइप देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै महज बेटा जेकरासबके चिन्‍हादैछै उसब मातरे पिताके चिन्‍हैछै।

मतीके लिखल सुसमाचार 16:17

येसु ओकरा कहल्‍कै, “हे योनाके बेटा सिमोन, तु धैनके चिही! कथिलेत यि बात तोरा लोकसे नै बल्‍की स्‍वरगमे रहैबला हमर पितासे परगट भेलछौ।

मतीके लिखल सुसमाचार 20:33

उसब येसुके कहल्‍कै, “हे परभु, हमसब आपन आँखसे देखैले चाहैचियै।”

मतीके लिखल सुसमाचार 6:13

हमरासबके पापमे फसाइबला बातसबसे दुर राखु आ दुस्‍टसे बचाबु। [कथिलेत राज, पराकरम आ महिमा जुगो-जुग तक अहैके चियै, आमेन।’]

लुका 12:12

कथिलेत तै बखत तोरासबके कथी बोले परतौ से बात पबितर आत्‍मा तोरासबके सिखाइतौ।”

लुका 2:14

“स्‍वरगमे परमेस्‍वरके महिमा आ पिरथिबीमे जै लोकसबसे परमेस्‍वर खुसीछै, ओकरासबके सान्‍ती।”

लुका 21:15

कथिलेत हम तोरासबके एहेन सब्‍द आ बुधि देबौ, कि तोहर बिरोधीसब तोरासबके बात सुइनके एकोटाके जबाब दैले नै सक्‍तौ, ओकरौरके मुहमे तला लाइग जेतौ।

युहन्‍ना 14:17

उ पबितर आत्‍मा चियै जे सब सत्‍यतामे अगुवाइ करैछै। जकरा सन्‍सार गरहन नै करे सकैछै कथिलेत सन्‍सार ओकरा नै देखैछै नै चिन्‍हैछै। महज तुसब ओकरा चिन्‍हैचिही कथिलेत उ तोरासबसङे-सङे रहतौ आ उ तोरासबमे बास करतौ।

युहन्‍ना 14:26

महज पिता हमर नाममे पठाइबला सल्‍लाहकार पबितर आत्‍मा तोरासबके सब बात सिखाइतौ आ हमर कहल सब बात तोरासबके मन पाइरदेतौ।

युहन्‍ना 16:3

उसब पिताके आ हमरा नै चिन्‍हैछै, तै कारन उसब एहेन काम करतौ।

युहन्‍ना 17:3

अनन्‍त जिबन एह्‍या चियै कि, उसब अहाँ एक मातरे सत परमेस्‍वरके आ अहाँके पठाएल येसु खिरिस्‍ट चियै से जाने।

युहन्‍ना 20:17

येसु ओकरा कहल्‍कै, “हमरा नै छु, कथिलेत अखुनतक हम पिताके लग उपर नै गेल चियै। बरु हमर भाइसबलग ज्‍याके ओकरासबके कैहदहै कि हम आपन पिता आ तोरासबके पिता, आपन परमेस्‍वर आ तोरासबके परमेस्‍वर लग उपर ज्‍यारहल चियै।”

परेरित 6:10

महज स्‍तिफनसके बोलैत खिना पबितर आत्‍मा अतहेक निक बुइध देल्‍कै कि उसब ओकर सामने नै टिके सक्‍लै।

परेरित 7:2

स्‍तिफनस जबाब दैत कहल्‍कै, “हे हमर बाबु आ भाइ-भैयारीसब, सुनु। महिमाके परमेस्‍वर अपनासबके पुरखा अबराहम हारानमे बास करैसे पैहने जखुन मेसोपोटामियामे रहै तखुन दरसन देने छेलै,

रोमी 1:28

उसब परमेस्‍वरके सत ग्‍यानके बेकाम ठानल्‍कै। ओहैसे परमेस्‍वर ओकरासबके ओहैसबके कुबिचारमे छोइरदेल्‍कै।

रोमी 15:6

अहिनङके तुसब एके मनके भ्‍याके एके सोरमे अपनासबके परभु येसु खिरिस्‍टके पिता आ परमेस्‍वरके महिमा करैले सकबिही।

१ कोरन्‍थी 12:8

ककरो पबितर आत्‍मासे बुधिके बात बोलैबला, ककरो ओह्‍या पबितर आत्‍मा ग्‍यानके बात बोलैबला बरदान दैछै।

१ कोरन्‍थी 14:6

तैखातिर हे भाइ-भैयासब, यदि हम तोरासबके बिचमे आन भसामे बोल्‍बौ त तोरासबके कि फाइदा हेतौ? बरु परमेस्‍वरसे एल कोनो बातके परकास आ ग्‍यान-गुनके बात, अगमबानी या सिक्‍छा हम देबौ त तोरासबके फाइदा हेतौ।

१ कोरन्‍थी 2:10

परमेस्‍वर पबितर आत्‍मासे अपनासबके यि बात परकट करने छै। कथिलेकी पबितर आत्‍मा सब बात खोजैछै, अतहेक तक कि परमेस्‍वरके रहसके बातसब सेहो खोजि करैछै।

१ कोरन्‍थी 2:8

अइ जुगके कोनो सासकसब परमेस्‍वरके बातके बुझैले नै सकल्‍कै। यदि उसब बुझने रहतियै त महिमाके परभुके कुरूसमे नै टाङतियै।

२ कोरन्‍थी 12:1

हमरा किछो फैदा नै हेतै तैयो गर्‌ब करैये परतै। आब हम परभुसे पाबलहा दरसनसब आ परभुसे परकट करल बातसब कहैचियौ।

एफिसी 1:3

अपनासबके परभु येसु खिरिस्‍टके पिता परमेस्‍वरके धन्‍यबाद हेबे। उ अपनासबके खिरिस्‍टमे स्‍वरगिय ठामसबमे सब आत्‍मिक आसिस देने छै।

एफिसी 3:5

पहिने यि रहसके बात औरो कोनो लोकके थाह नै देनेरहै, महज अखुन यि रहसके बात आपन पबितर परेरित आ अगमबक्‍तासबके परमेस्‍वर आपन पबितर आत्‍मासे परकट कैरदेनेछै।

एफिसी 4:13

अपनासब बिस्‍बास आ परमेस्‍वरके बेटाके ग्‍यानमे एक भेल आ खिरिस्‍टके पुर्‌नताके नाप अनुसार पकिया लोक बनल उ चाहैछै।

फिलिप्‍पी 3:15

अपनासब आत्‍मिक रुपमे परिपक भेलसबके ओहिने बिचार करेपरतै। ककरो ककरोमे फरक बिचार छै त परमेस्‍वरे तोरासबके परकट कैरदेतौ।

२ तिमोथी 2:25

उ आपन बिरोधीसबके लरम भ्‍याके सुधारैबला हैकेचाही। भ्‍यासकैछै परमेस्‍वर बिरोधीसबके मन बदैल देतै आ उसब सतके चिन्‍हे सक्‍तै।

तितस 1:1

हम पावल परमेस्‍वरके सेबक आ येसु खिरिस्‍टके परेरित यि चिठी लिखरहलचियै। परमेस्‍वरके चुनल लोकसबके बिस्‍बासमे बलगर बनाइले आ ओइसबके सतके ग्‍यान दैले परमेस्‍वर हमरा पठेल्‍कै। उ ग्‍यान परमेस्‍वरके इक्‍छा अनुसार जिबन जियैले सहायता करैछै।

याकुब 2:1

हे हमर भाइ-भैयासब, तुसब महिमासे भरल आपन परभु येसु खिरिस्‍टके बिस्‍बास करैबला लोक भेलाके कारन तुसब ककरो पक्‍छपात नै कर।

२ पतरुस 1:3

आपन महिमा आ भलाइसे अपनासबके बोलाइबलाके हमसब जानैके कारन परमेस्‍वरके इस्‍वरीय सक्‍तिसे जिबन आ भक्‍तीके लेल अपनासबके आवसेक परल सब चिज परमेस्‍वर देनेछै।

२ पतरुस 3:18

महज अपनासबके परभु आ मुक्‍ती दैबला येसु खिरिस्‍टके अनुगरह आ ग्‍यानमे बरहैत जो। ओकर महिमा अखैन आ सबदिन हेबे। आमेन।

परकास 7:12

“आमेन! परसन्‍सा, महिमा ग्‍यान-बुइध, धन्‍यबाद, आदर अधिकार आ सक्‍ती जुगो-जुगतक अपनासबके परमेस्‍वरके हेबे। आमेन!”