एफिसी 1:10 - मध्‍य पुरविया थारू

¹⁰ समयमे पुरा भेलाके बाद स्‍वरग आ पिरथिबीमे सिरिस्‍टी भेल्‍हा सब चिज खिरिस्‍टके अधिनमे आबे।

एफिसी 1:10 ပူးပေါင်းရင်းမြစ်များ

मतीके लिखल सुसमाचार 25:32

ओइ बखत पिरथिबीके सब जातीके लोकसब ओकर अगा जमा हेतै, जनङ चरबहा भेंरासबसे खसि-बकरीके अलग करैछै तहिने उ लोकसबके एकदोसरसे अगल करतै।

मरकुस 1:15

उ एहेन कैहके परचार करल्‍कै, “आब समय आइबगेल छौ आ परमेस्‍वरके राज नजदिक एल छौ। तै खातिर आपन-आपन पाप माइनके पस्‍चाताप कर आ सुसमाचारमे बिस्‍बास कर।”

१ कोरन्‍थी 10:11

यि सब घटनासब अपनासबके खातिर उदाहरन हेबे कैहके अपनासबके चेताबनीके लेल लिखल गेलै। आब हमसब अइ सन्‍सारके अन्‍तके समयमे आइबगेल चियै।

१ कोरन्‍थी 11:3

महज तोरासबके यि बात थाह हेबे कि खिरिस्‍ट हरेक मानबके सिर चियै। तहिनङे घरबला आपन घरबालीके सिर चियै आ परमेस्‍वर खिरिस्‍टके सिर चियै।

गलाती 4:4

महज परमेस्‍वरके देल समय पुरा भेलाके बाद आपन बेटाके पठाइल्‍कै। उ जनिके कोखसे जलमलै आ बेबस्‍थाके अधिनमे जलमल छेलै।

एफिसी 1:22

परमेस्‍वर सब बात खिरिस्‍टके अधिनमे राइखदेनेछै आ मन्‍डलीके लेल सब बातके सिर बनाइनेछै।

एफिसी 2:15

उ यहुदी आ गैर-यहुदीसबके सान्‍ती दैले आ ओकरमे लबका जाती बनाइले कुरूसमे मैरके बेबस्‍था आ नियमके रध करल्‍कै,

एफिसी 3:15

ओकरेसे स्‍वरग आ पिरथिबीमे भेल सब परिबार जिबन पाबैछै।

एफिसी 3:2

तोरासबके लेल हम परमेस्‍वरके अनुगरहके काम करैले जिम्‍मा पाबनेचियै से बात तुसब सुन्‍नेचिही।

कलस्‍सी 1:16

कथिलेत स्‍वरग आ पिरथिबीमे भेल सब चिज ओकरेसे सिरिस्‍टी भेलै। देखापरैबला आ नै देखापरैबला सब चिज, चाहे सिंहासन या सक्‍तीसब हेबे, सासकसब आ अधिकार चलाइबलासब, यि सब चिज खिरिस्‍टेसे आ खिरिस्‍टेके खातिर सिरिस्‍टी भेलै।

कलस्‍सी 1:20

कुरूसमे बलिदान भेल खिरिस्‍टके लहुसे परमेस्‍वर स्‍वरग आ पिरथिबीमे भेल सब चिजके फेनसे आपनसङे मेलमिलाप आनल्‍कै।

कलस्‍सी 3:11

तैखातिर अते गिरिक या यहुदी, देहमे खतना करल आ नै करल, असभ्‍य, असिक्‍छित, दास या स्‍वतन्‍तर ककरो कोनो भेदभाव नै छै महज खिरिस्‍टे सब चिज चियै आ सबमे बास करैछै।

हिबरु 1:2

महज यि अन्‍तके दिनसबमे उ आपन बेटा दुवारा अपनासबसङे बोलैछै। उ आपन बेटाके सब चिजके उतराधिकार हैकेलेल नियुक्‍त करल्‍कै आ ओकरे दुवारा सब चिजके सिरिस्‍टी करल्‍कै।

हिबरु 11:40

कथिलेत परमेस्‍वर अपनासबके लेल अहौसे उतम चिजके योजना करने छेलै। अपनासबसङे उसब सेहो सि‍द्‍व हेबे कैहके ओकर इक्‍छा छेलै।

हिबरु 9:10

यि सब खाइ-पियैबला आ अनेक धारमिक बिधीसे सुध हैबला नियम मातरे छेलै। परमेस्‍वरके लया बेबस्‍था नै आबैतलिक करैबला धारमिक बिधी मातरे चियै।

१ पतरुस 1:20

परमेस्‍वर सन्‍सारके सिरिस्‍टी करैसे पैहनिए ओकरा चुन्‍ने रहै महज तोरासबके भलाइके खातिर अन्‍तिम समयमे उ परगट भेलै।

परकास 5:9

उसब अनङ कहैत एकटा लया गित गाबल्‍कै, “यि कागतके मुठा लैले आ अकर लाहटके तोरेके योग्‍य अहाँ मातरे चियै, अहाँ मारल गेलियै आ आपन लहुसे अहाँ परमेस्‍वरके लेल सब कुल, भसा, जाती आ देसके लोकसबके छुटकरा देलियै।