कलस्‍सी 4:8 - मध्‍य पुरविया थारू

⁸ हम ओकरा अइ उदेससे तोरासबके लग पठाइने चियौ कि तोरासबके हमरासबके बारेमे थाह हेबे आ उ तोरासबके साहस देबे।

कलस्‍सी 4:8 ပူးပေါင်းရင်းမြစ်များ

१ कोरन्‍थी 4:17

अहैसे हम तोरासबलग तिमोथीके पठाबैचियै। उ परभुमे हमर पिरिय आ बिस्‍बासयोग्‍य बेटा चियै। हम सबठाम आ मन्‍डलीमे सिख्‍याल अनुसार खिरिस्‍ट येसुमे हमर जिबन केहन छेलै, से बात उ तोरासबके बतेतौ।

२ कोरन्‍थी 1:4

परमेस्‍वरसे पाबलहा सान्‍तबनासे हमसब दुखमे परलहासबके सेहो सान्‍तबना दैले सकि कैहके उ अपनासबके सब दुखमे सान्‍तबना दैछै।

२ कोरन्‍थी 12:18

हम तितसके तोरासबलग जाइले बिन्‍ती करलियै आ दोसरो भाइके ओकरसङे पठेलियै। कि तितस तोरासबसे किछो फाइदा उठेल्‍कौ? कि हमसब एके आत्‍मासे नै चललियै आ कि हमसब एके रस्‍तामे नै चललियै?

२ कोरन्‍थी 2:7

बरु आब तुसब ओकरा छमा करे परतौ आ सान्‍तबना देबेपरतौ, नै त उ बहौत बरका भारी सोकमे डुइब जेतै।

एफिसी 6:22

हमरासबके हालखबर केहन छै, उ सुइनके तोरासबके हिम्‍मत बरहे कैहके हम ओकरा तोरासबलग पठाइनेचियौ।

फिलिप्‍पी 2:28

ओहैलेल हम ओकरा पठाबैके लेल औरो बेसी इक्‍छा करनेचियै ताकी ओकरा फेनसे देखके तुसब खुस हेब्‍ही आ हमरो चिन्‍ता कम हेतै।

कलस्‍सी 2:2

हम अनङ करनेचियै ताकी ओइसबके हिरदयमे साहस मिले आ परेममे सङे जुरल रहे। अनङ हेतै त उसब आत्‍मिक रुपसे एकदमसे धनिक भ्‍याके परमेस्‍वरके रहसके ग्‍यान जे येसु खिरिस्‍ट चियै ओकरा पुरा रुपसे बुझैले सक्‍तै।

१ थेसलोनिकी 2:11

तुसब जान्‍बे करैचिही कि माँ-बाबु आपन बेटा-बेटीके सङे केहेन बेबहार करैछै तैहिने हमसब तोरासबसङे हरेक गोराके करलियौ।

१ थेसलोनिकी 3:2

आ तिमोथीके तोरासबलग पठेलियौ। उ हमरासबके भाइ आ परमेस्‍वरके सेबक चियै आ खिरिस्‍टके बारेमे सुसमाचार परचार करैछै। तोरासबके बिस्‍बासमे बलगर हैले आ हौसला दैकेलेल हमसब तोरासबलग ओकरा पठेलियौ।

१ थेसलोनिकी 3:5

ओहैसे जब हमरा नै रहल गेलै त, तुसब बिस्‍बासमे बलगर चिही कि नै बुझ्‍हैके लेल तिमोथिके तोरासबलग पठेलियौ। पापमे फसाइबला सैतान कहि तोरासबके फसाके हमरासबके करल मेहनत बेकार कैरदेल्‍कै कि कथी कैहके हम घबरागेलियै।

१ थेसलोनिकी 4:18

अहैलेल यि बातसबसे एक दोसरके उत्‍साह दैत रह।

१ थेसलोनिकी 5:11

ओहै लेल तुसब एक दोसरके उत्‍साह दहै आ बिस्‍बासमे बलगर बना, जनङ तुसब करैत आइबरहल चिही।

१ थेसलोनिकी 5:14

देख हमर भाइ-भैयासब, कोढिया लोकसबके चेताबनी दहै, हरेस खाल लोकसबके साहस दहै, कमजोर लोकसबके मदत कर आ सबगोरासे सैहके रह कहैके हमसब तोरासबके बिन्‍ती करैचियौ।

२ थेसलोनिकी 2:17

तोरासबके ओकरेसबसे सब असल काममे साहस आ बचनमे सक्‍ती मिले।