कलस्‍सी 4:18 - मध्‍य पुरविया थारू

¹⁸ हम पावल, यि गोरलगी आपने हाथसे लिखैचियौ। हम जहलमे परलचियौ से बात नै बिसर। परमेस्‍वरके अनुगरह तोरासबसङे रहे।

कलस्‍सी 4:18 ပူးပေါင်းရင်းမြစ်များ

रोमी 16:20

सान्‍ती दैबला परमेस्‍वर जल्‍दिए सैतानके तोरासबके टाङके तरमे मिसरेतौ। अपनासबके परभु येसु खिरिस्‍टके अनुगरह तोरासबसङे रहे।

रोमी 16:22

पावलके बोल्‌लहा बात यि चिठी लिखैबला हम तरतियसके तरफसे परभुमे तोरासबके गोरलगीछौ।

रोमी 16:23

हमरा आ पुरे मन्‍डलीके आपन घरमे स्‍वागत करैबला गायस सेहो तोरासबके गोरलगी कहनेछौ। यि सहरके कोसाध्‍यक्‍छ इरास्‍तस आ अपनासबके भाइ क्‍वारटस सेहो तोरासबके गोरलगी पठाइनेछौ।

१ कोरन्‍थी 16:21

हम पावल, आपने हाथसे यि गोरलगी लिखैचियौ।

२ कोरन्‍थी 13:14

परभु येसु खिरिस्‍टके अनुगहर, परमेस्‍वर पिताके परेम आ पबितर आत्‍माके संगति तोरासबके सङे हैतरहे।

फिलिप्‍पी 1:7

तोरासबके हम आपन हिरदयमे राखनेचियौ। तोरासबके बारेमे अनङ करनाइ हमरा ठिक लाग्‍लै कथिलेकी हम जहलमे रहैबेर आ बाहरमे रहैबेर सुसमाचार परचार आ अकरा जोगाइबला काममे परमेस्‍वरके देल अनुगरहमे तुसब हमरसङे सहभागी भेलचिही।

कलस्‍सी 4:3

खिरिस्‍टके रहसके बात लोकसबके परचार करैले परमेस्‍वर केबार उघाइरदेबे कैहके हमरासबके लेल सेहो परथना कर। अहै रहसके परचार करैके कारनसे हम जहलमे परल चियै।

२ थेसलोनिकी 3:17

हम पावल आपने हाथसे गोरलगी लिखके पठाइचियौ। हमर सब चिठीके चिन्‍हैबला चेन्‍हा इहे चियौ। हम अहिनङेके लिखैचियै।

१ तिमोथी 6:21

कथिलेकी एहेन बातसबके पाछु लाइगके कतहेक लोक बिस्‍बाससे दुर भेलछै। तोरासबके सङे परमेस्‍वरके अनुगरह रहे।

२ तिमोथी 1:8

तै खातिर आपनौरके परभुके गबाही दैले लाज नै मान आ हम ओकरलेल जहलमे परलियै से बात सोइचके लाज नै मान। महज परमेस्‍वरके सक्‍तीमे सुसमाचार सुनाइबला कामके लेल दुख भोगैले तु हमरसङे सामेल हो।

२ तिमोथी 4:22

परभु तोहर आत्‍मामे बास करैत रहे। तोरासबके उपर परमेस्‍वरके अनुगरह बनल रहे।

तितस 3:15

अते हमरसङे भेल सब लोकसब तोरा गोरलगी पठाइनेछौ। हमरासबके परेम करैबला ओते भेल खिरिस्‍टीयन भाइ-भैयासबके सेहो गोरलगी कैहदहै। परमेस्‍वरके अनुगरह तोरा आ औरो सब गोरासङे रहे।

हिबरु 13:25

परमेस्‍वरके अनुगरह तोरासबसङे रहे। आमेन।

हिबरु 13:3

तुसब आपने जहलमे परल जखा जहलमे परलहासबके तुसब वास्‍ता कर। आपने दुख भोगल जखा अतियाचारमे परलहासबके याद कर कथिलेकी तुहुसब सरिरमे चिही।