कलस्‍सी 4:12 - मध्‍य पुरविया थारू

¹² तोरासबके एकटा भाइ, खिरिस्‍ट येसुके दास इपाफरास सेहो गोरलगी पठाइनेछौ। उ तोरासबके खातिर हरदम जोरतोरसे परथनामे सम्‍झैत रहैछौ ताकी तुसब बलगर हो आ परमेस्‍वरके सब इक्‍छा पुरा रुपसे मानैले सक।

कलस्‍सी 4:12 ပူးပေါင်းရင်းမြစ်များ

मतीके लिखल सुसमाचार 5:48

जनङ स्‍वरगमे रहैबला तोरासबके पिता सिध छौ, तोरोसबके ओहिनङे सिध हेबे परतौ।”

लुका 1:1

हमरासबके बिचमे पुरा भेल घटनासबके बिबरन लैबला बहुत लोकसब आपन हाथमे लेने छै।

लुका 22:44

ओकर हिरदय एकदम दुखसे भरल छेलै, तब उ धियानसे परथना करे लाग्‍लै, तै बखत ओकर पसिना लहुके बरका-बरका ठोप जखा भुइयामे चुबै छेलै।

युहन्‍ना 12:26

जे हमर सेबा करैले चाहैछै उ हमर पछा आबे आ हम जते रहबै ओते हमर सेबक सेहो रहतै। जे कोइ हमर सेबा करैछै हमर पिता तकरा आदर करतै।

रोमी 15:14

हे हमर भाइ-भैयासब, हम जानैचियै कि तुसब असल चिही, सब परकारके ग्‍यानसे भरपुर आ एक-दोसरके सिक्‍छा दैले योग्‍यके चिही।

रोमी 15:30

पिरिय भाइ-भैयासब, अपनासबके परभु येसु खिरिस्‍ट आ पबितर आत्‍माके देल परेमके कारन हमर दुखमे सहायता करैले हमरसङे परमेस्‍वरसे सबदिन परथना कर कैहके तोरासबसे बिन्‍ती करैचियौ।

१ कोरन्‍थी 14:20

हे हमर भाइ-भैयासब, तुसब सोच-बिचारमे बचा जखा नै महज परिपक्‍क लोक जखा बन। खराब बातमे ठिक-बेठिक छुटयाबैले नै सकैबला बचा जखा हो।

१ कोरन्‍थी 2:6

तैयो परिपक भेल बिस्‍बासीसबके बिचमे अपनासब ग्‍यान-गुनके बात करैचियै, महज अइ जुगके ग्‍यान या अइ जुगके सासकसबके ग्‍यान नै, जे बितके जेतै।

२ कोरन्‍थी 13:11

अन्‍तमे हमर पिरिय भाइ-भैयासब, आब हम बिदा हैत बेर, तोरासबके यि कहैले चाहैचियौ, कि जीजानसे सिध हैले कोसिस कर। हमर बिन्‍ती सुन, एक-दोसरके बात सुन आ सान्‍तीमे रह। सान्‍ती आ परेम दैबला परमेस्‍वर तोरासबसङे रहे।

गलाती 1:10

कि हम लोकसबके खुसी करैले चाहैचियै या परमेस्‍वरके? कि हम लोकसबके खुसी करैले चाहैचियै? यदि हम लोकसबके खुसी करने रहतियै त हम खिरिस्‍टके सेबक नै हेतियै।

गलाती 4:19

हमर धियापुतासब, तोरासबमे जाबे तलिक खिरिस्‍टके स्‍वभाब नै बन्‍तौ ताबे तलिक हम फेनो जलमासोचके पिरा जखा दुख सहैत रहबौ।

कलस्‍सी 1:22

महज आब खिरिस्‍टके देहके बलिदानसे परमेस्‍वर तोरासबके आपनसङे सुध, पबितर आ निरदोस कैरके मेलमिलापमे आन्‍नेछौ।

कलस्‍सी 1:28

तैखातिर हमसब ग्‍यानमे सबलोकके चेताबनी आ सिक्‍छा दैत खिरिस्‍टके बारेमे परचार करैचियौ ताकी सबलोकके खिरिस्‍टमे परिपक बन्‍याके परमेस्‍वरके अगा लाबैले सकी।

कलस्‍सी 1:29

खिरिस्‍टके महान सक्‍तीमे भर पैरके यि काम हम एकदम मेहनतसे करैचियै।

कलस्‍सी 1:7

एह्‍या बात अपनासबके सङे-सङे सेबा करैबला इपाफरास तोरासबके सिखाइल्‍कौ। उ हमरासबके बदलामे तोरासबके बिचमे खिरिस्‍टके सेबा करैबला बिस्‍बासयोग्‍य भाइ चियै।

कलस्‍सी 1:9

तैखातिर हमसब यि बात जहियासे सुन्‍नेचियै तहियेसे तोरासबके खातिर हरदम परथना करैत आइबरहलचियौ। पबितर आत्‍मासे मिलल पुरा आत्‍मिक ग्‍यान आ समझसे परमेस्‍वरके पुरा इक्‍छा जानैले सक कैहके हमरासबके परथना छै।

कलस्‍सी 4:9

ओकरसङे ओनेसिमस सेहो आइबरहलछौ जे तोरेसबमेसे एकटा बिस्‍बासी आ पिरिय चियौ। उ दुनुगोरा अतेका सब हालखबर तोरासबके सुनाइतौ।

१ थेसलोनिकी 5:23

अपनासबके सान्‍ती दैबला परमेस्‍वर आपनेसे हरतरहसे तोरासबके पबितर राखे आ अपनासबके परभु येसु खिरिस्‍ट नै आबैतक तोरासबके आत्‍मा, परान, देह निरदोस रहे से हमर आसा चियै।

फिलेमोन 1:23

येसु खिरिस्‍टके लेल हमरसङे जहलमे परल इपाफरास तोरा गोरलगी पठाइनेछौ।

हिबरु 5:14

ठोस भोजन खाइबला परिपक्‍क लोक रहैछै। उसब दिमागके निरन्‍तर अभ्‍यास दुवारा असल आ खराब छुटियाबे सकैबला भेल रहैछै।

हिबरु 5:7

येसु अइ सन्‍सारमे रहैतकाल मिरतुसे बचाबेबला परमेस्‍वरसङे जोरसे कानैत बिन्‍ती आ परथना करल्‍कै। ओकर नमरता आ भक्‍तीके कारन ओकर परथना परमेस्‍वर सुनल्‍कै।

याकुब 1:1

हम याकुब, परमेस्‍वर आ परभु येसु खिरिस्‍टके सेवक यि चिठी चारुदिसन तितर-बितर भेल्‍हा यहुदी खिरिस्‍टीयनसबके लिखैचियौ। तोरासबके हमर गोरलगीछौ।

याकुब 1:4

धिरजके पुरा रुपसे काम करैले दहै आ कोनो बातमे नै चुइकके आत्‍मिकी रुपमे परिपक आ सिध हैकेलेल सब किसिमके जाँचसब सहैत अस्‍थिर रहैके सिख।

याकुब 5:16

ओहैसे यदि निक हैले चाहैचियै त आपन करल पाप एक-दोसरके अगा सुइकार कर आ एक-दोसरके खातिर परथना कर। धरमी लोकके करल परथनासे परमेस्‍वर सक्‍तिसाली आ परभावकारी तबरसे काम करैछै।

२ पतरुस 1:1

हम सिमोन पतरुस, येसु खिरिस्‍टके दास आ परेरितके तरफसे अपनासबके परमेस्‍वर आ मुक्‍ती दैबला येसु खिरिस्‍टके धारमिकतासे अपनेसब जखा अनमोल बिस्‍बास पाबैबलासबके लेल यि चिठी लिखरहल चियै।

यहुदा 1:24

तोरासबके पापमे परैसे बचाइले सकैबला आ आनन्‍दसाथ आपन महिमाके अगा तोरासबके निरदोस ठहराइले सकैबला परमेस्‍वरके परसन्‍सा हेबे।