कलस्‍सी 3:14 - मध्‍य पुरविया थारू

¹⁴ यि सब गुनसबसे बेसी परेमके धारन कर कथिलेत परेमे सब बातके पुरा एकतामे आनैछै।

कलस्‍सी 3:14 ပူးပေါင်းရင်းမြစ်များ

युहन्‍ना 13:34

आब हम तोरासबके एकटा लबका आग्‍या दैचियौ, तुसब एक-दोसरके परेम कर। जहिनङ परेम हम तोरासबके करनेचियौ तहिनङे तुहुसब एक-दोसरके परेम कर।

युहन्‍ना 15:12

“हमर आग्‍या यह्‍या चियै कि जहिना हम तोरासबके परेम करनेचियौ तहिना तुहुसब एक-दोसरके परेम कर।

युहन्‍ना 17:23

हम ओकरासबमे आ अहाँ हमरमे चियै। अहिनङके उसब पुरा रुपसे एक हेबे आ अहाँ हमरा पठाइनेचियै आ जहिनङे अहाँ हमरा परेम करैचियै तहिनङे हमरमे बिस्‍बास करैबलासबके परेम करैचियै से सन्‍सारके लोकसब जाने।

रोमी 13:8

एक-दोसरके परेम करै बाहेक औरो कोनो चिजमे ककरो रिनी नै हो। कथिलेत जे आपन परोसियाके परेम करैछै उ बेबस्‍था पुरा करैछै।

एफिसी 1:4

उ सन्‍सार सिरिस्‍टी करैसे पैहनिए खिरिस्‍टमे अपनासबके आपन अगा पबितर आ निरदोस करैले छान्‍ने छेलै।

एफिसी 4:3

पबितर आत्‍मा तोरासबके मेलमिलापमे आन्‍ने छौ। ओइ एकताके सकभर जोग्‍याके राख।

एफिसी 5:2

जनङ खिरिस्‍ट अपनासबके परेम करल्‍कौ, तहिनङ तुहुसब एक-दोसरके परेम कर। उ अपनसबके खातिर परमेस्‍वरके अगा आपनेके गमगम करैबला भेटी आ बलिदानके रुपमे अरपन करल्‍कै।

कलस्‍सी 2:2

हम अनङ करनेचियै ताकी ओइसबके हिरदयमे साहस मिले आ परेममे सङे जुरल रहे। अनङ हेतै त उसब आत्‍मिक रुपसे एकदमसे धनिक भ्‍याके परमेस्‍वरके रहसके ग्‍यान जे येसु खिरिस्‍ट चियै ओकरा पुरा रुपसे बुझैले सक्‍तै।

१ थेसलोनिकी 4:9

एक दोसरके परेम करे परैछै तैके बारेमे तोरासबके लेल लिखैके कोनो जरुरी नै छै, कथिलेकी परमेस्‍वर आपनेसे तोरासबके एक दोसरके परेम करे परैछै कैहके सिखाइने छौ।

१ तिमोथी 1:5

हमर कहैके उदेस्‍य त यि चियै कि बिस्‍बासीसब एक दोसरके परेम करे, जे परेम सुध हिरदय, असल बिबेक आ साँचोके बिस्‍बाससे मातरे आबैछै।

हिबरु 6:1

ओहैसे खिरिस्‍टके बारेमे सुरुमे सिख्‍याल सिक्‍छासब छोइरके अपनासब परिपक सिक्‍छा दिसन बरहु। अपनासब मिरतुमे लजाइबला कामसबसे पस्‍चाताप आ परमेस्‍वरमे बिस्‍बास करैबला बात फेनसे नै कर।

१ पतरुस 4:8

सबसे मुख बात यि चियै कि तुसब एक दोसरके पुरा मनसे परेम कर, कथिलेकी परेमसे बहुतो पापसबके झाइपदैछै।

२ पतरुस 1:7

भक्‍तीमे भाइ-भैयाके इसनेह, भाइ-भैयारीके इसनेहमे परेम थप।

१ युहन्‍ना 3:10

परमेस्‍वरके बेटा-बेटी आ सैतानके बेटा-बेटी अहिनङके चिन्‍हैले सकैचियै कि धारमिकतामे नै चलैबला आ आपन भाइ-भैयासबके परेम नै करैबला परमेस्‍वरके बेटा-बेटी नै हैछै।

१ युहन्‍ना 3:23

ओकर आग्‍या एह्‍या चियै कि हमसब परमेस्‍वरके बेटा येसु खिरिस्‍टके नाममे बिस्‍बास करनाइ आ ओकर देल आग्‍या अनुसार एक-दोसरके परेम करनाइ चियै।

१ युहन्‍ना 4:21

जे परमेस्‍वरके परेम करैछै, ओकरा आपन भाइयोके परेम करे परतै। एह्‍या आग्‍या खिरिस्‍ट अपनासबके देने छै।