कलस्‍सी 3:1 - मध्‍य पुरविया थारू

¹ तुसब खिरिस्‍टसङे जिबित भेलाके कारनसे स्‍वरगके बातसब खोजी कर, जते खिरिस्‍ट परमेस्‍वरके देहना कातमे बैठलछै।

कलस्‍सी 3:1 ပူးပေါင်းရင်းမြစ်များ

मतीके लिखल सुसमाचार 22:44

परमपरभु हमर परभुके कहल्‍कै, ‘तु हमर दहिना हाथकता बैठ, जाबेतक हम तोहर दुस्‍मनसबके तोहर खराम नै बनाइबौ।’”

मतीके लिखल सुसमाचार 26:64

येसु ओकरा कहल्‍कै, “से बात अहि कैहदेलियै। तैयो हम तोरासबके कहैचियौ, एक दिन तुसब मानबके बेटाके सक्‍तीसाली परमेस्‍वरके देहना हाथ कातमे बैठल आ अकाससे बादलमे आबैत देखबिही!”

मतीके लिखल सुसमाचार 6:20

बरु आपन खातिर स्‍वरगमे धन-सम्‍पैत ढेरिया, जते नै किरा, नै घुन लाइगके नास हेतौ, नै त चोरे सिन काइटके चोराइले सक्‍तौ।

मतीके लिखल सुसमाचार 6:33

महज सबसे पैहने ओकर राज आ धारमिकताके खोजि कर तब उ सबचिज तोरासबके खातिर औरो बेसीसे देतौ।

मरकुस 12:36

जबकि दाउद आपने पबितर आत्‍मासे कहनेछै, ‘परमपरभु हमर परभुके कहल्‍कै, तु हमर दहिना हाथ कता बैठ, जाबेतक हम तोहर दुस्‍मनसबके तोहर टाङके खराम नै बनाइबौ।’

मरकुस 14:62

तब येसु कहल्‍कै, “हँ, हम चियै। एक दिन अहाँ मानबके बेटाके महान परमेस्‍वरके देहना हाथ कातमे बैठल आ अकाससे बादलके सङे आइबरहल देखबिही!”

मरकुस 16:19

तकरबाद परभु येसु ओइसबसङे बोइल लेलाकेबाद स्‍वरग दिसन उठ्‍यालगेलै आ परमेस्‍वरके देहनाकात बैठलै।

लुका 12:33

तुसब आपन धन बेचके गरिबसबके दहै। आपन खातिर कहियो नै फाटैबला बटुवा तैयार कर। तहिनङे कहियो नास नै हैबला धन स्‍वरगमे जमा कर। जते चोर नै एतौ आ नै किरो लागतौ।

लुका 20:42

कथिलेत भजनके किताबमे दाउद आपने कहनेछै, ‘परमपरभु हमर परभुके कहल्‍कै, तु हमर हाथके देहना कात बैठ,

लुका 22:69

महज आब मानबके बेटा महान परमेस्‍वरके देहना हाथ कता बैठतै।”

परेरित 2:34

दाउद त स्‍वरगमे नै चढ़लै, महज उ आपने कहैछै, परमपरभु हमर परभुके कहल्‍कै, तु हमर देहना हाथ कात बैठ,

परेरित 7:55

महज उ पबितर आत्‍मासे भरपुर भ्‍याके एकटक लग्‍याके स्‍वरग दिसन ताकल्‍कै, ओते उ परमेस्‍वरके इजोत चम्‍कैत आ परमेस्‍वरके देहनाकता येसुके ठारभेल देखल्‍कै।

रोमी 8:34

तब के अपनासबके दन्‍ड दैले सक्‍तै? कोइ नै सक्‍तै, कथिलेत येसु खिरिस्‍ट अपनासबके लेल मरलै। ओतबे नै, परमेस्‍वर ओकरा मरलसे जियेल्‍कै आ अखुन परमेस्‍वरके दहिनाकात बैठलछै आ अपनासबके लेल परमेस्‍वरसे बिन्‍ती कैररहलछै।

रोमी 8:6

पाप स्‍वभाबके इक्‍छामे चलैबला लोकके मिरतु हेतै, महज जे पबितर आत्‍मामे मन लगेतै, उ अनन्‍त जिबन आ सान्‍ती पाबतै।

२ कोरन्‍थी 4:18

हमसब देखैबला चिजसबमे नै, महज नै देखैबला चिजसबमे मन लगाइचियै, कथिलेकी जे चिजसब देखैबला छै, उ कुछ समयके लेल मातरे रहैछै, महज जे चिजसब नै देखाइछै उ सबदिनके लेल रहैछै।

एफिसी 4:10

उ जे निचा पिरथिबीमे उतरलै छेलै, वह्‍या सबसे उपरका स्‍वरगमे गेलै, ताकि ओकर उपस्‍थिती सारा जगतमे रहे।

एफिसी 5:22

हे घरबालीसब, जनङ परभुके अधिनमे रहैचिही तहिनङ तुसब आपन-आपन घरबलाके अधिनमे रह।

कलस्‍सी 2:20

तुसब खिरिस्‍टसङे मैरके यि सन्‍सारके आधारभुत सिदान्‍तसबसे छुटकारा पाबनेचिही त, कथिले तुसब यि सन्‍सारके नियमसब पालन करैचिही?

कलस्‍सी 3:2

पिरथिबीके बातसबमे नै महज स्‍वरगके बातमे आपन मन लगा।

हिबरु 1:13

महज परमेस्‍वर यि बात कोनो स्‍वरगदुतके कहियो अनङ नै कहल्‍कै, “तु हमर दहिनाकात बैठ जाबे तलिक तोहर सतरुसबके तोहर टाङके निचा नै करबौ।”

हिबरु 1:3

परमेस्‍वरके महिमाके इजोत ओकरेमे चम्‍कैछै आ वह्‍या परमेस्‍वरके साँचो रुप चियै। ओकरे सक्‍तीसाली बचनसे अकास आ पिरथिबीमे भेल सब चिजके अराइनेछै। उ लोकसबके पाप सुध करलाके बाद स्‍वरगमे रहैबला महिमीत परमेस्‍वरके दहिनाकात बैठलछै।

हिबरु 10:12

महज खिरिस्‍ट सबदिनके लेल पुगैबला पापके लेल एकेटा बली स्‍वयम आपनेके चरहाइल्‍कै आ परमेस्‍वरके दहिनाकात बैठलछै।

हिबरु 12:2

अपनासबके बिस्‍बास सुरु करैबला आ पुरा करैबला येसुके देख। जे पाछुसे पाबैबला आनन्‍दके लेल अपमानके कुछो नै सोइचके कुरूसमे दुख भोगल्‍कै आ अखैन उ परमेस्‍वरके सिंहासनके दहिनाकात बैठलछै।

हिबरु 8:1

हमसब यि बात कहैले चाहैचियै कि, अपनासबके एहेन परधान पुजारी छै, जे स्‍वरगके महान परमेस्‍वरके सिंहासनके दहिनाकात बिराजमान छै।

१ पतरुस 3:22

येसु स्‍वरगमे गेलै आ सब स्‍वरगदुतसब, अधिकारसब आ सक्‍तीसबके बसमे कैरके परमेस्‍वरके दहिनाकात बिराजमान भेल छै।