कलस्‍सी 2:23 - मध्‍य पुरविया थारू

²³ धरम-करम करैबला, देखाबटी नम्‌र रहैबला आ बाबाजी जखा जियैबला, यि सब बुधिमान जखा देखापरैछै, महज यि आपन देहके अधलाह इक्‍छाके बसमे राखैले कोनो कामके नै हैछै।

कलस्‍सी 2:23 ပူးပေါင်းရင်းမြစ်များ

रोमी 13:14

महज येसु खिरिस्‍टके स्‍वभाबके धारन कर आ पापी स्‍वभाबके इक्‍छा पुरा करैबला बातमे धियान नै दहै।

एफिसी 5:29

कोइ नै आपन देहके घिरना करैछै, महज ओकर पालन-पोसन करैछै, जहिनङ खिरिस्‍ट आपन मन्‍डलीके लेल करल्‍कै।

कलस्‍सी 2:18

हमरासबके दरसन मिललछै कैहके झुठ नमरता देखाबैत, स्‍वरगदुतके पुजा करैबला आ आपनेके महान समझैबलासब छै। उसब एहेन छल-कपटमे फैसके तुसब पाबैबला इनाम नै गुमा। एहेन लोकसब बिना कारन देहके स्‍वभाबके ग्‍यानमे घमन्‍ड कैरके फुलल रहैछै।

कलस्‍सी 2:22

यि नियमसब पालन करैत नास भ्‍याके चैलजाइछै। यि त लोकसबके बन्‍याल नियम आ सिक्‍छासब मातरे चियै।

कलस्‍सी 2:8

होसियार रह, कोइ नै तोरासबके दरसन सास्‍तर या लोकसबके छल कपटसे बातमे फसाबे। एहेन बातसब खिरिस्‍टसे नै महज लोकसबके परम्‍परा आ सन्‍सारके सिक्‍छासे एलछै।

१ तिमोथी 4:3

उसब बियाह नै कर कैहके लोकसबके कहैछै आ बहुतो एहेन खाइबला चिजसब खाइले नै मिलैछै कैहके सिखाइछै। महज सत बात जानैबला बिस्‍बासी लोक धन्‍यबाद द्‍याके परमेस्‍वरके सिरिस्‍टी करल सब चिज खाइले सकैछै।

१ तिमोथी 4:8

देहके कसरत करनाइ असल चियै, महज आत्‍मिक कसरत करनाइ औरो असल चियै, कथिलेकी अखुन आ आबैयोबला जिबनमे फैदाके लेल परतिग्‍या करने छै।